إهداء لأبناء المرقابيين

بكل الحب ألقاكم أحبتي مرّةً أخرى
وأهدي لفلذات أكبادنا هذه النصيحة
[poem=font="Simplified Arabic,5,black,bold,normal" bkcolor="coral" bkimage="backgrounds/17.gif" border="solid,4,indigo" type=2 line=1 align=center use=ex num="1,orangered"]

بسم الله الرحمن مهلِك هـل الفيـل=قوم ابرهه الأشرم ونـاوي حجَرهـا
سبحانه أرسل لـه طيـوراً أبابيـل=ترمي أبرهه والقـوم جاهـا قدَرهـا
والحمد لله عـد مـا سيـلٍ يسيـل=وإعـداد مـا دارت وكمّـل شهرْهـا
الخالق اللي أنـزل الـروح جبريـل =على أحمد بمصحف ليهدي بشرهـا
اللي جعل ثنتين من بعـد تحصيـل =وحـده نعيـم وثانيتهـا سعَـرهـا
ثم الصلاة مليون مـن بعـد تهليـل =على النبي المختـار للـي نشرهـا
من بعدها يا ابني استمع للتفاصيـل=وأبيات أبوك العود لجلـك سطرهـا
اعمل بها وأخبر بها اللـي مباتيـل =الجاهليـن بصفوهـا مـن كدرهـا
ما جربوها مثـل منشـي التماثيل=اللي عرف وش هي من اللي فطرها
هذا وأنا محدٍ نصحني مـع الجيـل=اللي مضى يوم إني أطـرد غبرهـا
لكن قبل أرسل لـك العلـم ترسيـل=شب الحطب واحذر يصيبك شررهـا
واجعل على طارف لهبها الجراميـل=من سمْرها وإلا القرض هـو وجَرهـا
حتى ليا احمر القرض واشتعل زيـل=كُبر القـرم حتـى تسـاوي قررهـا
قرّب لهـا كـل المُـوَن والمعاميـل=مـن بـن وإلا هيـل وإلا صفرهـا
وإلا عويدي إن فاح وسط الفناجيـل=واحذر من الجـذوه تِحَـرّق هررهـا
فنجانها خلّه يجـي نصـف تكييـل=لا تطفحه بالكيف يـا بـوك شرهـا
وفلل قلمـك بسايـل الحبـر تفليـل=واكتب على بيض الورق من دررهـا
(الأولـه) مـد النـظـر والتخايـيـل=اطلق عنـان الفكـر ناظـر قمرهـا
وانظر يا بوك بدون صـدٍ وتكليـل=نجم السما اللي شع حلـى سهرهـا
انظر شجرها كيف سـوى مظاليـل=والرَعد هو البـرق والمـزن ترْهـا
رد اهتمامـك بالبشـر والمراسيـل=ذيك الرياح وقـوس يتبـع مطرهـا
وأنظر لذيك الشٌمْخ والفُطّـر الحيـل=والطير هو والحوت ناظـر بحرهـا
ما الله خلقها مـع جميـع العباديـل=مع جنّها لعبـه لمـن هـو شبرهـا
الله خلقـهـا للعـبـاده وتجلـيـل=ربـك وتسبيحـه لأنـه سبـرهـا
(والثانيه) الإيمان مـن سـت تكميـل=علم بها جبريـل وأحمـد نشرها
وأعرف ترى الإسلام من غير تطويل=اركانـه الخمسـة نبيـك ذكـرهـا
صل الفروض الخمس من دون تأجيل=هاذي عماد الدين يـا مـن ظفرهـا
والحج فرصة وحظ من نـال تقبيـل=هاك الحجـر وذنوبـه الله غفرهـا
شهر الصيام اعرِف ترى شهر ترتيـل=ترتيل للقرآن واغنم وترها
وأخرج زكاتك والتصدّق من المِيـل=وأفزع لنـاسٍ جـوك خلـو ديرهـا
هذا وللإحسـان يـا بـوك تفضيـل=إليـا عبـدت الله بنهـار وسحرهـا
كنك ترى الخـلاق عنـد التباهيـل=وإن ما تشوفه شاف دارج وعرهـا
بالليـل صـل وادع رب البلابـيـل=ترى الدعاء مخ العبـادة وظهرهـا
والصبر ما أحلى الصبر عند البهاذيل=جاك الفرج بالصبر ولّـى عسرهـا
واتق إلهك وأحـذر الظلـم والغِيـل=الظلم ظلمـة لظالـمٍ مـن بطرهـا
تاج العمل إخلاص من بعـد توكيـل=اخلص وتب واعزم خوادعك ذرهـا
ما صح غير الصـح وإلا الأباطيـل=ترجع على راعي الخطا من خطرهـا
(والثالثة) الأهليـن مـن دون تدليـل=بـرك بهـم والأم قـبِّـل مـدرهـا
حتى توفـق عـل دربـك تساهيـل=رضا وسخط ربك رضاها وضجرهـا
من بعدهم بوصيك بأهل المواصيـل=جار ورحيم احـذر تقطّـع جسرهـا
(والرابعه) يابـوك مـن ذي التعاليـل=أخلاقك الزينه ومـن هـو ذخرهـا
مع التواضع ترتفـع فـوق شهليـل=والله يحبـك قبـل حبـك خيـرهـا
تحصل مع أخلاقك ومن غير تشكيـل=على الطلب ما ناله اللـي خسرهـا
وإلا التكبر شين مـا فيـه تبجيـل=مكروه عند الناس ما هـو بنظرهـا
(والخامسة) الضيفان ويـا المداهيـل=ناسٍ تـزورك يـوم لا شـك زرهـا
حي بضيوفـك واشعلـن القناديـل=ترى الضيافه خيـر تلقـى أجرهـا
لا تختفي يابوك لـو جـاك هابيـل=وإلا بعـد قابيـل قــدّر جـررهـا
قابل وحط اللي معك وانـت حلحيـل=لا ترسل ابنك لجـل يقطـع دبرهـا
مال البخيل يروح بعـد المحاصيـل=وإن مد لـه مـولاه يـده اختبرهـا
خلك غيور وحس من غيـر تهويـل=للغيره إن جـت حـد للـي يغرهـا
لا تنعكس بك شك بأهـل المنازيـل=ولياك تجلب هـرج يجـرح وقرهـا
(والسادسه) يالليـث علـم الرياجيـل=الأجـودي والنـذْل اسمـع خبرهـا
الأجودي واسمه من الجـود كالنيـل=والنَّذْل هذا اسمه حصل من قشرهـا
الأجـودي نـوٍ تلـتـه الهمالـيـل=والنذل جدب أمحل ثراهـا وشجرهـا
الأجـودي يعطـي بحـبٍ وتجزيـل=والنذل يبكي ليـن يعطـي حقرهـا
الأجودي الأجـواد صوبـه مداخيـل=والنذل ينصاه الشبـه مـن دشرهـا
الأجودي ينـدى ليـا جـاه ولويـل=والنذل ما قد نـد وجهـه لمضرهـا
الأجودي وافي مـن أهـل المعاديـل=والنذل ما يوفـي وناسـه غدرهـا
الأجودي ما ينكر العيـش صمليـل=والنذل ينكـر بعـد بطنـه عمرهـا
الأجودي مـا حـب للغيـر تذليـل=والنذل يرضى لسامي الروح كرهـا
الأجودي مـا قـد تشفـى بمعاليـل=والنـذل يشفـى ثـم يتبـع أثرهـا
الأجودي ما هو براعـي المهازيـل=والنذل يوذي لين يعـرف ضررهـا
الأجودي ما هـو براعـي النواقيـل=والنـذل ينقـل بعـد ربـك سترهـا
الأجـودي مـا يتبـع أم الخلاخيـل=والنذل يبرم حـول باحـة خدرهـا
الأجودي ما يخـدع أهـل المفاتيـل=والنـذل آيـات المنافـق حصرهـا
الاجودي يدمح فـي دون المكاحيـلوالنذل من مزحـه كراعـه قصرهـا
الأجودي مثل السيـوف المصاقيـل=والنذل حلشـا مـا تعـدت ثمرهـا
الأجودي يحسب حسـاب النوازيـل=والنذل ما يحسـب بـلاوي دهرهـا
الأجودي استح منه عنـد المقابيـل=والنذل جنّـب عنـه يلقـى حررهـا
أحر مـا عنـد أجـودي بالكلاكيـل=تراه الأبـرد عنـد نـذلٍ حضرهـا
والختم صلوا بعـد مليـون تهليـل=على النبي المختـار للـي نشرهـا [/poem]

دمتم سالمين

محبكم/خلف الثمالي