- قايـــد الريـــم -

بسم الله الرحمن الرحيم

أخواني مشرفي وأعضاء منتدى المرقاب الشعبي إليكم هذه المتواضعه
آمل أن تحوز على شيء من رضاكم ..

[POEM="font="Simplified Arabic,4,green,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]جتني تخطا كنها قايد الريم=غيداً تتل الريم ما هيب تتلي
ترعى بأمان العشب في روضة خريم=لو ذيرت ماب النظر عاودت لي
جتني بها الصدفه وهاذي مقاسيم=ولادري وش اللي شدها و وقفت لي
برمشٍ تسدل فوق دعجٍ سلاهيم=أخذت شوي مسلهمه وضحكت لي
وأخذت أتمتم ما عرف الياء من الميم=ثم استغلت ربكتي و .....
بنجلٍ سهمها حطم القلب تحطيم=بحرابها يوم أنها وجهت لي
فيها من الحر النداوي تقاسيم=يوم أنها بإسهامها تلتفت لي
وسلمت أنا لعيونها الخرس تسليم=جوارحي بالغصب يوم اعرضت لي
وعنقٍ عليه من اشقح الريم ترهيم=وتفاحتينٍ يانعه بارزتلي
وليلٍ يداعب جسمها الغض بالتيم=يكسي قوامٍ سكبته جايزتلي
وجسمٍ عليه مصمم اللبس تصميم=وخصر وردف والساق مفتول فتلي
لو شافها الزاهد علي الملازيم=ليقول من هالفاتنه حان قتلي
وأنا بشر ومع هالبشر كيف ماهيم=قلبي خضر وأذكر ليالٍ مضت لي
يوم اضرب الأمواج وأعانق الغيم=وسود الليالي تبتسم مقبلتلي
واليوم عفراً في مكان المجاهيم=وأن قمت متثاقل وممشاي شتلي[/POEM]

،،، وسلاااااااامتكم ،،،