يالارض لو ملتي بعد مال السراه=مالومكي ماهو مثبتكي كرى(((مرثيه في الشيخ متعب بن ناحل))

بسم الله الرحمن الرحيم






[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
امسيت مثل الذيب في كل اتجاه=واصبحت مادل الطريق الايسرى
طارق طرق بالعلم واشغلني نباه=عزالله انه مات من ربعي ذرى
جات الرسايل مرسله بعد الصلاه=واقفيت اقول اشلون اصدق ماجرى
لو الرسايل جات من تابع هواه=لاقول ماهو صدق بس اذلف ورى
وشلون مثله مات ماسلم علاه=لوقالو العربان عنا مادرى
يالارض لو ملتي بعد مال السراه=مالومكي ماهو مثبتكي كرى
ياساق ذيبك كف مانسمع عواه=والارض ترجف والامور امبعثرى
مات الامير الي يذريها ذراه=زبن الضعيف اللي يموت من العرى
مات الامير ابن الامير اللي نقاه=انقا من البدرين في ليل اسمرى
مات الكريم ابن الكريم اللي عطاه=اطيب من العذق الجويد المثمرى
يااحمد وابوكم مات مايلحق مداه=لو يحكم اهل الارض ماشفت اففقرى
اميرنا لو هو على قيد الحياه=واميرنا لو حط في بطن الثرى
ويبيض الله وجه من عقب وراه=اشيوخ في حفظ المكارم وومرى
يالله عساه لجنة الخلد وذراه=ضل الاله اللي ينير المقبرى[/poem]