من شان تكسب لك دعايه وجمهور!؟

[poem=font="Andalus,6,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
=هذه أحدى قصائدي المتواضعه التي أن ترقى إلى ذائقة مرتادى منتدى المرقاب=
[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="none,4,gray" type=0 line=0 align=center use=ex num="0,black""]
قالوا إذا تبغى تجي نجم مشهور=لاجيت لك حفلٍ فثور عجاجه
من شان تكسبلك دعايه وجمهور=لازم تصلفق لين تدخل مزاجه
قلت العفو ماني على النقص مجبور=والشهره اللي ماتجمّل سماجه
وش قيمة الشاعر بلا ذوق وشعور؟؟=ساذج وشعرٍيدعيبه سذاجه
لاصفقوا ركّب شداده على الثور!!=من يعرفه قام يعقد حجاجه
من مايرى كنه على الكبد مسمور=مرجوج والتصفيق زاد ارتجاجه
لايعتبر نفسه خذا بالشعر دور= لوكان فالمسرح يزود أدراجه
لاصار من سمت الرياجيل مقصور=فالنقص داءٍ مستحيلٍ علاجه
فكره يسوغله مع كل محذور=ومن الهوى الممقوت يشكي خلاجه
ومن شهرته يحتاج طبٍ ودكتور=وكلٍ على ماقيل يعرف خراجه
وجهة نظر من شاعرٍ يطرح الشور= وماكل سوقٍ يستهيفه حراجه
وابن الحموله ودك يصير ممرور=ويميز العد القراح وهماجه
وش قيمة الجمهور لاصرت مغرور؟=والعقل والمعقول تطمر سياجه
حنا عرب ولنا سلومٍ ودستور=ماننحدر بسلوكنا لجل حاجه
قلته وأنا بالعرف والسن مكبور=ولا كل وجهٍ يستحق المواجه
[/poem]