لارحمبوها زماله

قلت هذه القصيده ولها مناسبه وهي تحكي عن بعض واقع الزملا
[poem=font="simplified arabic,6,black,bold,normal" bkcolor="white" bkimage="" border="solid,10,skyblue" type=2 line=1 align=center use=ex num="0,black""]
ماني بمجبور فيك ولانت مجبوري=مافات كافي ويكفي واقفل الموجه

ولاني مشيرنٍ عليك ولاقبل الشوري=منك ومن واحدن مثلك به العوجه

انا عن الساقطه بالعالي دوري=وانته على الساقطه دورك ومنتوجه

لارحمبوها زماله مالها نوري=غياهبٍ في غياهب سيرها سوجه

ماني مدرج لجمع العرج والعوري=ولاني بسامج ولاقبل علم ساموجه

كلٍ بفعله مع العربان مذكوري=الرجل معروف والهلباج بهروجه

يعرف ولشين دوم الشين ماموري=كنه مع الشين نفسه دوم معنوجه

قلته وهذا قراري جاك بالفوري=مالي بمثلك من اهل الخايبه حوجه

لو تعتذر عام ماقلت الك معذوري=وانت الخطاء تعبره وحججك مفلوجه

لاكن روح وبيت العز معموري=وبيت المذله ترا ماطالت ابروجه
[/poem]

كلآم يا مرزوق
وعسى الردي فدا خشمك

لله درك وصح لسانك

صح لسانك يا مرزوق
مودتي لك .

كفو والله يابو هاني

وصح لسانك ولاهنت!!