مجاراه لقصيده الشاعر تراحيب بن سويلم العازمي

السلام عليكم ورحمة الله وبركاته
كل عام والجميع بصحه وعافيه
هذه قصيده اتتنا من الشاعر تراحيب بن سويلم العازمي العتيبي وهو شاعر غني عن التعريف وهو الذي قيلت فيه القصيده المشهوره من الشاعر فلاح بن شامان الشمري عندما قال

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black""]
لقيت في العتبان خمسة عذاريب = الطيب والنخوه وتقدير الاجناب
ودون الخوي ياطون حر اللواهيب = وان حدت الدنيا يفكون الانشاب
[/poem]

وذلك عندما اعفى ابنه ثامر من الدوره العسكريه بعد ان دخل المستشفى اثر حادث مروري والجدير ذكره ان الطالب العسكري عندما يتغيب عن الدوره العسكريه يفصل منها او على اقل تقدير تعاد عليه الا ان الشاعر تراحيب بن سويلم والذي كان برتبه مقدم ذلك الوقت تقديراً لظروف الشمري وتقديرا لوالده اعفاه منها وذلك ان دل على شيء فإنما يدل على وفاء هذا الرجل وطيب اصله ومعدنه..
لااريد ان اطيل عليكم اليكم قصيدة الشاعر تراحيب بن سويلم العازمي في قبيلة الذيبه عامه وذوي سمران وهم والدي واعمامي خاصه وردي المتواضع عليها

هذه قصيدة الشاعر تراحيب بن سويلم والد زملينا ناصر تراحيب

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black""]

عن عزوتي قمت وتقدمت نايب = ولامقصدي شهره ولااطلب طماعه
عد النجوم وعد رش السحايب = وعداد مابالكون على اتساعه
يامرحبا ياكاسبين الكسايب = تمشي لكم كل الصعيبات طاعه
كفوٍ لها يامطوعين الصعايب = عند الذيابي ماتضيع الوداعه
امدح ذوي سمران ماني بهايب = ولاعندنا عن مدح ذايب مناعه
والنعم كل النعم يالاد ذايب = انتم هله واهل الكرم والشجاعه
رجالكم طيبه من الله وهايب = دايم على الفزعه طويلٍ ذراعه
عقل الفتى فيكم كما عقل شايب = وشيبانكم كم قدمو من شفاعه
انتم هل المعروف مابه غرايب = فيكم على الفعل الجميل استطاعه
مافيه يومٍ عنكم النعم غايب = رجالكم بالجود ياطول باعه
ياكاظمين الغيظ عند المصايب = ومن الولي ترجون ربح البضاعه
بالطيب والله ماعليكم غصايب = عزاز النفوس وعزها من قناعه
اهل فعول الطيب واهل النجايب = تاريخكم نورٍ توهج شعاعه
انتم لحاكم باللوازم جلايب = بشهادة الهمرق بوقت المجاعه
واهل العطا والعون عند النوايب = عرق الكرم مزروع فيكم زراعه
يااهل الشجاعه في زمان الحرايب = بضرب الخناجر وامهات السراعه
يوم المراجل في زمنها نهايب = عز الرفيق وللعدو سم ساعه
آلاد ذايب والعوازم قرايب = من ضمن ساير روق ربع ورفاقه
ماشاب رفقتنا ضباب الشوايب = رفقة وفاء ماهي برفقة قطاعه
وختامها بالطيب وسط المطايب = تستاهلون الطيب مده وصاعه

[/poem]

وهذا ردي المتواضع على ذلك الشامخ وقصيدته الشامخه

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=1 line=0 align=center use=ex num="0,black""]

يامرحبا عداد هب الهبايب =مانسنس الغربي وذعذع ذعاعه
ودام البقى يامتعبّين الركايب = وحي الجواب اللي يسر استماعه
من شاعر مايلحقه عيب عايب = الطيبه مثله تبعها تباعه
فعله مع ثامر جزيلٍ وصايب = فعل الشرف ماهوب فعل الدناعه
فلاح جاه ومارجع منه خايب= ماخيّبه لأن الوفاء من طباعه
ولأن الوفي يوفي بليا سبايب= نفسه على العليا تدافع دفاعه
وأنتم هل الوقفات في كل نايب = طبع الوفاء مطبوع فيكم طباعه
وأنتم هل النخوه وفك النشايب= كسابة الناموس واهل السباعه
عدوكم دمة على الكبد رايب = من فعلكم هاب وتغشته راعه
وصديقكم يامن ولوكان غايب= ستر الصديق ومحتمين لمتاعه
فيكم جزيل الشعر يجلب جلايب= من قافه لمعناه صاعه وباعه
يالاد عاصي ياحماة الجنايب = تعلق البيضاء لكم كل ساعه
نبقى على الرفقه جموع وكتايب = ولانستمع لمروجين الاشاعه
أهل النمايم والردى والكذايب = وأهل الهروج التايعه والرعاعه
نبقى على العهد الموثق صحايب = شرع الوفاء ياجب علينا اتباعه
اخوان وابنا عم وايضاَ نسايب= في روق منسبنا وفيه اجتماعه
الطيب نبع ومنهل النبع طايب =والنبع يطلع منهله من رفاعه
ولاّ الردى مايورث الا الخرايب= ولاا منه غير القشر والوضاعه
وختامها عد النجوم الكثايب = وعداد مايصنع من اهل الصناعه
صلو على اللي لأكمل الهدي جايب = محمد المبعوث راع الشفاعه

[/poem]