يزعلّني مرور الذبابه

اخواني واخواتي
السلام عليكم ورحمة الله وبركاته.... وبعد
هذه قصيده مسنده لي من الشاعر/ علي بن منير الصلاخي الحارثي شاعر المحاوره المعروف وقد اخذت في الجوال حول اسبوع من اشغالي وهمومي الخاصه والعامه دون البت فيها والنظر لما تحويه من معاني هامه. واليوم عزمت على الرد.
وهذه قصيدة الشاعر/ علي الصلاخي وردي عليها ارجو ان اكون وفقت في الرد.

.

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الله من برقٍ سرا فالمناشي=زوود على القلب المولع عذابه
له فوق ساعه له رفيف وتواشي=يهل وبله من علاوي سحابه
زان المراح وزان جو التماشي=في خايعن مايندم اللي مشابه
يجي لنبته ياحسين اهتواشي=وينسي القلب المولع صوابه
وانا من الايام مليان جاشي=هم وعذاب وضيق صدر وكآبه
انا على دنيا الشقا تو ناشي=والوقت في وجه الكفو صك بابه
واللي مزود ضيقتي وابتلاشي=الغايب اللي طال عني غيابه
ومن بعدها مليت حتى معاشي=واقنب من الفرقا قنيب الذيابه
وانا وانا ابن منير ماني بلاشي =لكن وقتي حطني من هبابه
اما يتم الوصل والا بلاشي=قررت طويت صفحته واجتنابه
ينعاف حبٍ فيه مرشي وراشي=وينعاف حبٍ مايعزز جنابه

[/poem]
الرد على قصيدة الشاعر/ علي منير الصلاخي
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اجبرتني واقحمتني فالنقاشي=وانا يزعلني مرور الذبابه
من همي وضيقي وزوود ابتلاشي =الفكر متعكر وقاتم ضبابه
رحال طول شايل فراشي= من جده لمكه لدار القرابه
واللي مايدري قال راعي تماشي= والا مولع زاد شوق وصبابه
والبيت والعمال شالوا معاشي= والمنتدى زاد القلق واعتنابه
وغازي يبي قصده نسلمه كاشي=والبنك الاهلي غارقٍ في حسابه
والا انت عشت وحضك الزين عاشي=سلمت ضرس الوقت وسلمت نابه
مالٍ وسيارات وسط القراشي=وبيتين لك فيها مكان ومهابه
وعمل رهيب وراتب يجي بلاشي=رغبات شخصك كل ابوها مجابه
وتخيل براق المزون الهشاشي=لا لاح جهزت الورق للكتابه
شاعر وهاجوسك يزيد انتعاشي=اليا دعيته درهمت لك ركابه
في ملعبه والا رسايل فلاشي=ماينقصك كود الوتر والربابه.

[/poem]