,,,,السندباد,,,,

اخواني هذه مشاركه بسيطه آمل ان ترقى لذائقتكم مع العذر مسبقاً عن التقصير


خـيـل الخـيـل ابـوغـاده عــذاب القـصـيـد
مسـرج الحـرف لعيـون الضنـا والهـجـاد


علـم الهاجـس اللـي مـس حبـل الوريـد
عابينـلـه سـيـوف(ن) مرهفـات(ن)حـداد


والله انـــي لهـيـجـن كـــل هــمــي نـشـيــد
لين يـروى سمـوم القيـض ظـل , وبـراد


وانزفي ياجروح الشعر طرق(ن) جديـد
سـامـريـة عـيــون(ن) مالحـنـهـا الـرقــاد


ليه انا انقص بعيـن اللـي بعينـي يزيـد
لـيـه ابـيـض وجـيـه(ن) ودهــا بالـسـواد


لا وربــي وانــا عـبـد(ن) لربـعـي وسـيــد
لااسـقـي الـغــرس مـالـديـت يـــم الـجــراد


شـرهـتــي لـوتـعــدى حــــد كــفـــي بـعــيــد
تنقطع,ويش ابي في كـف يمنـاى عـاد


منهـو اللـي يقـول الـزود عـنـدي وازيــد
من غدى نار ,انا اللي شبها من رماد


ومن هو اللي يقول الصبر كلـه حميـد
وان تــعـــدى ورى طــايـــل حــــــدود وزاد


بعض الاحوال فيـه الصبـر عـذر البليـد
لـلـضـعـيـف تـنــاديــه الـكــرامــه وصـــــاد

يقطع الطيب في بعض العرب مايفيد
جنس هاك الرديف اللي طمع ف الشداد

ولــــع الــنــار زودهــــا حــطــب لاتـهــيــد
شبـهـا, والـوكــاد الـلــي يـجـيـب الـوكــاد

مايـقـود الـحـرار الـخــرب لـوهــو يـصـيـد
لا , ولا وقـــع الشـيـهـان فـــوق الــعــراد

لويكـون البحـر هـمـي واخـوضـه وحـيـد
مركـبـي حـــزن وشـراعــي بـقـايـا عـنــاد

ماتلـفـتـت مـــن حـولــي وراســـي عـنـيـد
لوتـكـسـر مجـاديـفـي , وانـــا الـسـنـدبـاد


اخوكم ابوغاده