ياهيه ... ياللي لا حصان ولا ذلول !!!!

أعضاء وزوار المرقاب


أسعد الله جميع أوقاتكم بكل خير



بويتات للتواصل ،،،،



اتمنى أن ترتقي لمستوى ذايقتكم ،،،




[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مانيب متعذر وقول اللي تقول=كيف أتعذر والخطا ماهو خطاي
لو أنها غلطه عرفت الها حلول=وعرفت أداويها بوصفه من دواي
مايبلشون بحلها اصحاب العقول=والا انت شوفك من قدم رجلك وجاي
خلك سوات العلك بافواه الخبول=كل(ن) على ماطاب له يعطيك راي
قرقع وطبل مع مقرقعة الطبول=لكن والله ماعتبرك من زملاي
دايم تخض السالفه عرضٍ وطول=وانا هماج الجم ما يقطع ضماي
رفقتك دايم من نزولٍ في نزول=وانا اجمع الغلطات وأرميها وراي
أحسبك تمشي لي على حسب الاصول=واثرك تجاملني وتطعن في قفاي
ياهيه ياللي لا حصان ولا ذلول=لا تتعب الاقدام مايلحق مداي
عرفتني ماني على الزله عجول= وأنا عرفتك قبل لا تبحث خفاي
في سد وجهي راعي الطيب محفول=والا الردي لو أتبعه بين رداي
ما يتبع في منهجه غير الرسول=والا أنت لا غاية مناي ولا رجاي
أن جيت والله منت زايدني قبول=وأن رحت والله ماتنقص مستواي[/POEM]


وسلمتووو