(مستقبـــل...رجـل)

مستقبل رجل

[poem=font="Simplified Arabic,5,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] قبل أسافر لك سرى قلبي على الطاري وجاك=إثر قلبي من كثر شوقه على شوفك عجـل
لوقدرت أقاوم إغيابك وأنا عينـي سمـاك=كان ماغنيّت لك والقلـب فالغربـه وجـل
الهوى بير ٍ عليـه الـورد تشـرب للهلاك=والزمن يجري بنـا وأيامنـا دورة عجـل
يامعرّض قلب مفتونك على سكـة ظمـاك=ليت له بحماك ياظبي الفلا خطـوة رجـل
أصدق أحلامي على ساحل غرامك في حراك=وأكذب أحلامي نفاها الوقت في ساحل دجل
كيف ما أفلّ القصايد كـل مايطـري نبـاك=وأنت في خدك جناين ورد وعيونـك نجـل
كل يوم أسامر طيوفك على رجـوى لقـاك=أتصفح في كاتلوجـك وأراجـع فالسجـل
أتذكر طلّتـك لاجيـت واستوطـن حيـاك=يامعلّم فاتنـات الجيـل مفهـوم الخجـل
عاشق ٍ لا لاح براّقك على القبلـه سـراك=والمفارق طلقة القنّاص وضلوعـي حجـل
شاعر ٍ ينسى اسمه المشهور ماينسى هواك=وين ماذعذع له النسناس غنّـى وارتجـل
جعل ربي مايورينـي بعـد فقـدك غـلاك=وجعل يومي يسبق بيومك ليا حان الاجـل
مايخلّي جسم راع الحـب كنّـه عـود راك=غير بنت ٍ تاخذ من الحب مستقبـل رجـل [/poem]

وسلامتكم