مـدفـأة الـذاكـره ..!

.
.
.


[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

جادت مقادير بقعاء وأنثنى عـودك=وهبّت رياحينها بالفرصـه العجلـه
لو علقتّني ظروف الوقت في سودك=ماني بشط الفرات ولا نهـر دجلـه
صدر المفارق زهد من قل ْماجـودك=والطرقي الأبرحي يا ماحفت رجلـه
ما بين شحْ الوصال وكثرة صدودك=مالله ومر خاطرك لو يوم ينهـج لـه
تغيب وأحنْ لـك وتشـحْ وأزودك=مشاعرٍ من مشاويـح النيـا وجلـه
تدري وش الموت يوم تشح في جودك=أني أشيل العوز في نفسـي الخجلـه [/poem]




.
.
.

.
.
.



[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

خويت عروش الكرامه يا مضيف الركاب=ولا عاد تلقى السعه في نفسي الضايقـه
هذي ظروف الليالي يا عزيـز الجنـاب=أقدارها موجعـه لـو شفتهـا رايقـه
فقدت بشت الذرى اللي له تعوج الرقاب=وغديت فالوادي اللـي جنّـه موايقـه
أنفث مشاويح روحي في حلوق الذياب=وأهيم من ضيق صـدر وعلـةٍ عايقـه
ويا اللي نقشتي بيوتي مثل نقش الخضاب=على طرف شيلـةٍ ف/مـوّرّدك لايقـه
ورايعت بين الحلايا والثمـان العِـذاَب=يا شبّه ضامر من اغلى هجن أبن مايقـه
لو كان ودى عتب نفسك علينا وجاب=نفسي لصكات بقعـااا ماهـي بفايقـه
تدرين من يستحقْ يذوق شلفـا ذيـاب=مـن يـزرع الطيّبـه فالعالـم البايقـه [/poem]




.
.
.

.
.
.




[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الكبت جمرة غضى والبوح ماهو حـرام=والهرج كثره عيا والصمت خير العلـوم
والقلْ سيف ٍ مغّزه فاللحـم والعظـام=شذرة وزى ماتجيب الا البلا والهمـوم
والمال لو كان تخضع له كبـار الأنـااام=أحيان يرّث خرابٍ ضربتـه فالسلـوم
كم من فقير تخلـدّ سيرتـه كـم عـام=وكم من ثري مات ما نذكرْه لو كان يوم [/poem]




.
.
.

.
.
.




[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الصدر ناره تشـب وولْـم دلالـه=وضيوف صدره من الخافق يقهويهـا
يسبق خوى خاطره ويمـد فنجالـه=واللي تجيـب الظـروف الله يحييهـا
حفاوته ما تضيّـق شـي مـن بالـه = لنْـه تعـوّد يقدمْـهـا ويعطيـهـا
أحـداث الأيـام رجليّـه وخيّالـه=والله يخـارج ليّـا غثْـك تمثنيهـا
النـاس بأفكارهـا والمجـد برجالـه=وابـو طبيعـه يمـوت ولا يخليهـا
اعقول ما تنحرز وآقلـوب ختّالـه=والسالفـه خلهـا فيهـا ومافيهـا
لكن وش اللي حصل ثم خرْبت أحواله=من ضيقةٍ من ثـلاث ايـام كاميهـا
تجزر حنايـاه حتـى غـص موالـه=( النار ما تحرق الا رجل واطيهـا )
على غريبٍ صـدى صوتـي بجوالـه=ما عاد يعطي لحات القـوس باريهـا
من أول ٍ ينعـش الخفّـاق برسالـه=واليوم تابس لحونـي مـا يلاحيهـا
الصدر قصره ونبض القلـب تمثالـه=وتبوج روض الضمير ان حل طاريها
من يوم شفت الوصل مامرْ فـي بالـه=علاقـةٍ يالله أستـر مـن شواريهـا
أنا بفالـي مشيـت وراح فـي فالـه=هذي حـوال الليـال الله يسويْهـا
عز الله أني عليه اعيـش فـي حالـه=حاله غريبه ولا أدري ويـش اسميْهـا
لو وآهنـي المريـح السالـي الدالـه=ما يحترك لو علـى راسـه يدربيهـا [/poem]




.
.
.

.
.
.





[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أنا حزين وخاطري لو أنـه=يكبت من الدنيا طويلِ صبره
والموت ماهو كيف أجر الونه=الموت كسرٍ وين ألاقي جبره
يارب ترزقنا بـراد الجنـه=والا الزمن هذا عذاب وعبره[/poem]





.
.
.

.
.
.




[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الأحـلام تفريعـه والأقـدار قناصـه=والأيام ما تومن والأوجاع محسوسـه
والأخلاق قاعة بحرْ والنـاس غواصـه=ولاهيب من درهم ولا هيب مدروسه
تمر الحياه بركبهـا فـرط وخلاصـه=وأنا خاطري جرْ الغناا وأنثنـى قوسـه
على وين ياسـاري للآثـار قصاصـه=أجل فيه نفسٍ من غثا الوقت محروسـه
وعلى الهون ياقلـبِ توقعـت مخلاصـه=على آيدين قلبٍ شقْ صبري بدبوسـه
بزغ فجر دونه فجر والطير وصواصـه=تعشعش على طارف جناحينه السوسه
أبه ناس ما تحسب وأبه ناس حصاصـه=وأبه روح محظوظه وأبه روح منحوسه
لعلْ الغرام اللـي يطـاول بمفراصـه=مايلحق على عرقي ولا أصيح من موسه[/poem]




.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
والله أني لو رفعت النياحـهَ مرتيـن =مابقى بي صوت ترضى عليه الحنجره
ولو تخفتّ ضيقتي عن وجيه العالميـن =نقشها في خاطري مثل نقش البنجره[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كثر العلاقات تبغى اللي يجاملها = وانا ما اجامل على مبدا قناعاتي
كم من ضمير ِ غفل عنها وحصلها = حذفة حصاةِ من جبال السراواتي
الناس مهما تشوف أحيان تجهلها = الله يبارك بروحاتي وجياتي
لقيت فيها علومِ يخدع اولها = يا ما وطينا بها أصدور الملذاتي
اتغيب فحوى الحقيقه لو نعللها = بأن الثرى من تحت سبع السمواتي
أسجِ واصدف خطوط العاقبه وألـهـا = بين المتاهات وانصاف الصداقاتي
ضحك الوجيه أن تقبلنا مسلسلها = ضاعت حقوق الرجال مع الخرافاتي
حاجات ما تنقبل وأعلوم نقبلها = حتى رضخنا تحت زيف البشواتي
واليوم يا خاطري لازم تحملها = كم فاتْ من شي واللي فات ما ماتي
عرق النسب والقرابه ما تبدلّها = لو كنت راعي شداد وعشر آماراتي [/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أسمحولي يا وجيهِ فعلها ما شـرّف = بذلة النادر زناد وقدحته مفعوله
شاب بوح الهرج ودموع الصحيح الذرّف = كمّلت ستة عوام وسابقي معقوله
كيف أخفف من حمولي يا عرب وأصرّف = والزمن للواقع المسموم دق طبوله
شايف وعايف وشوحات الكلام السرّف = ماتبل حلوق والمقنع تعبت اقوله
الدما ما تحترك والصبر يا ما شرّف = فوق مزموم السلوم وشرهته مقبوله
المعرف عند مضمونه حرام يعرّف = والثرى وشلون عرضه ما يعادل طوله
أوجعتني بطشة الجلاد وين أطرّف = والملاذ اللي زبنته عرّط بشملوله
التصنع جر بشته والصحيح يحرّف = والتخاذل مسس حزامه وعـنّ خيوله
يا دهاتن بالكلام وكل ضول مترّف = كيف أحل العقده اللي ماهي بمحلوله
أبشع أوجاع الحياه الجاهل المتصرّف = وأسهل أسهاب الخطاب الكلمه المعقوله[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يـا حبيبـي لا تخوّفّنـي علـيـك=مـدْ لـي يمنـاك والمخـرج ملـي
السعـاده لـذة القلـب الدريـك=والمفارق تشعبـه شهـب الخلـي
والله اني يـوم اناظـر فـي يديـك=وأتلّمس راحتـك وأشـره علـي
وأسحب أنفاسي على كفك وأجيك=مثل صخره حطها المااا مـن علـي
تقل صارف لي من العساف شيـك=يا ذخايـر ديرتـي وأغلـى هلـي[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لا تحسبن الوقت في يدينا = يا صاحبي وأغلى مواليفي
حاول تقبّلها وتعطينا = مساحةٍ مثل المعاريفي
كم راح من فرصه وغنينا = ماعادت ظروفي على كيفي [/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أسر يا ساري وغني يا صفوف = بعد ماليلي مع الونه سرى
أتظاهر بالسعاده والظروف = جرحها وسط الضماير مابرى[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الحزن خمسةْ عوامِ بصدري ما غفل = لا هدا سيفه سحا ما هدت جنبيته
أيتبجح في ظلوعِ ترثّع له رفل = والحشا طفلِ يهمهم بفقد وخيته
وكنه اللي يوم رسّم وكشخ للحفل = باغت الموت المفاجي بعض ذريته
الجروح تهون ما دامها ماهي غفْل = كل جرحِ بأسمه ونوعه وماريته
ولو أقفّل قلبي المنشطر بأكبر قفل = البنيْ البيض تسطى على عذريته
يا سقى الله ذيك الأيام يوم أني طفل = ماعرف قلبي حسانى الغرام وسيتّه[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أطربي يابنت وأخذي لك عصا = وأرقصي بين العذارى والبنيت
خلي الحاسد يرّم من الحصا = ورددي شعري عليهم بيت بيت
والله أني من مشاويح القصا = لابعد ذقت الممات ولاحييت
لا تمايل عودكِ الغض ونصا = شجرة الزيتون في وسط السويت
عقبها نصبح أنا وأنت أخلصا = من حرم مكه ليا باب الكويت[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياهيه وش داعي التطنيش والسلوه = وأنا ضميري عليك تحـنْ به فطـّر
المشكله مع غثا التفكير والخلوه = قلبي يا مال الغنيمه منك متفطـّر
يا أقسى من العرعر اللي في جبل قلوه = وأرهى من الحاتمي لا جوله الخطّر
حبل المواصل مابين الخاطرين ألـوه = كلش يمشىّ ~ سوى في كسرةْ الخـّطر
وشلون أبنسى الرطب وعذوقه الحلوه = لاسرسبت من نضاج وقامت أتقطّر
اللبس يا ما أندره والمسك يا غلوه = ماكنك الا تغيض شياكة البطّر
محتاج لك حاجة المغروم للجلوه = ولافيه حاجة تعادل حاجة المضطّر
الجم راهي وضميانك فرى دلوه = من كثر ماهو على ساق القدم ينطّر[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الوصل سترة حال والصد قارص = وانا مع الأثنين أزوزي بحملي
لو كان قلبي صدق ماهو بناقص = ما وقفت هالناس لجلك ولجلي[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
غابت مطاريش وصلك يالله المستعآن = وآنا آتحرآ العلوم وراح صبري هدر
من يوم طال النوى والهجر شرّف وبان = ياقوم يا سيحة الخاطر ووسع الصدر
ماخفت من عشري اللي طلت ترجع ثمان = أخشى غيابِ مـ/ يطلع في لياله بدر
هذي هي اللي تجيب اقصى وسيع البطان = لو كان بينه وبين الضيق مثل الجدر
لكن على الله وش الحيله يا بطش الزمان = والعبد ماله تصرّف فالقضا والقدر[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انا وين احصل فارّه العمر يا رعبوب = وانا لي ضمير من غثا الوقت يرثاله
أهيجن على المنكوس وألعب على المسحوب = وأرتبك بين أبيات شعري بزوماله
ولا أدري عن الدنيا ولا أدري عن المكتوب = وأنا خابر الأيام للناس ختاله
قلوب تغسل قلوب وأقلوب بالمقلوب = وهذا على جنيهه وهذا على رياله
تعال أبن في صدري بنايه ماهي بالطوب = قصر من شذا عطرك وعنقك وسلساله
وتوتك ورمانك وخمرِ يادوب يروب = ليا فاح ريح الهيل وارخيت فنجاله
وسلهامةٍ لو حوّلت في صفاه تذوب = أجل كيف يصبر واحدٌ ميّل عقاله
آحبك ولا تنشد مدام العمر محسوب = حلالاه لو الوقت يصفي على حاله[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا معلّق ذبّل أعماقي على وصل وقطاعه=والله أن البهجه اللي تهتنيها ما آخبرها
المشاعر جوعها فقرٍ من أنواع المجاعـه=والغناه اللي تمجّد فيه شي ألذ وآرهـا
حبٍ أبيض للبنادم من ذراعه لا ذراعه=وغير هذا خيزرانه من تناقلها شقرهـا[/poem]

.
.
.

.
.
.


[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أرتعش من قسوة البرد جرحٍ مـا غفـا=وألتوى موس البكاء فالعيون ولا بكيت
كان ما شبّيت ناري وحصّلت الدفـا=والله أن . لـ/ أبطي ما أعمّر مع العشّاق بيت
الفراغ العاطفـي والتوّجـد والجفـا=تذبح المحتاج وتعيّفـه حلـو المبيـت
والمحبـه والنقـا والتعفّـف والوفـا=ما تجي للآدمي فـي زمنـا كومبليـت [/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
تدري وش اللي شفت فـمعاشر الناس = ياللي تخاف من العرب والشماته
لاصار بعض الناس ماعنده احساس = ما أنته وكيلٍ أله تعدل حياته
من يرخي متونه للأقدام ينداس = وتلجم صراخاته وتكسر قناته[/poem]

.
.
.

.
.
.

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لا تضايق يا ثمر خاطري والله تبيه = والله أنه رهن خنصرك لا سبابتك
انت تامر أمر وأطلب وش اللي تشتهيه = لا يضايقك الخجل وأخذ فيني راحتك
الرضا في حضرتك يرحم الله والديه = تقل طفلِ بس يبغى شوي رعايتك [/poem]

.
.
.