مصافحة أولى ( أصدقاء النتّ )

[align=center]


كل الشكر للأخ والشاعر الجميل / مشعان البراق وأتمنى أن أكون عند حسن الظن

[ مدخل ]

صوتها فيه جرأة سالم الزير
بس لاشفتها ياهي خجولة ..!

طفلةً كلما قالت مساء الخير
ذاب قلب المطر وأعلن هطوله

لو تحب المساء صار المساء غير
ولو تحب النصر ! جابوا بطولة ..!

.
.

أصدقاء النتّ لاتضمن وفاهم
بعضهم بأسباب ردّ يفارقونك

والله إني شايف وساكت و فاهم
رافقوني من قبل لايرافقونك

ياحمد هالناس مدري وش بلاهم
بعضهم لعيون بنت يحاربونك

وبعضهم لو ترقد بياصل اذاهم
حتى لو قبل الفجر بيكلمونك ..!

وبعضهم حتى ولو تمشي معاهم
لالقوا معدنك طيّب يجحدونك

يكرهونك دام ماتمشي وراهم
وإن مشيت بصفّهم مايعجبونك

لازم اتطبّل لأجل تكسب رضاهم
بعضهم لو ماتطبّل يكرهونك

مايبونك بس يبغونك عصاهم
وإن رقوا للغيم راحوا له بدونك ..!

لاتصدّقهم ولاتصدق معاهم
بعضهم حتى ولو توفي يخونك

لو يشوفونك نجم فأعلى سماهم
شوّهوا صورتك حتى في عيونك ..!

مايحَسدونك على كثر الدراهم
لو على معجب وغاوي يحسدونك ..!

لو حكوا بالخير قدامك تراهم
في ظهرك بدون علمك يجلدونك

وبعضهم شرواك مايلحق جزاهم
بالرضى بالطيب لازم يكسبونك

والله إني شايف وساكت و فاهم
ضيّقوا صدري قبل مايضايقونك ..!

[ مخرج ]

يازمان الأقنعة وين الوجيه ؟
كل يوم يطيح لأصحابي قناع ..!

[/align]