خمسَة سنين الحب والشوق والهوا ..

[poem=font="simplified arabic,5,black,bold,normal" bkcolor="transparent" bkimage="" border="inset,4,darkblue" type=1 line=0 align=center use=ex num="0,black""]
الخامسه ياذيب هاذا نتاجها=غبّر علينا بالمفارق عجاجها
خمسَة سنين الحب والشوق والهوا=قش النصيب اليوم باقي سياجها
فان رحت فادري بان قلبك يحبني=دنياي من بعدك بيطفى سراجها
حال الهوا مادام للي توالفو=هاذي محبتنا وهاذا انتهاجها
فان شنّت الغبنه علينا حروبها=نصبر عليها وان تعقّد حجاجها
ايامنا الحلوه ولو غاب بدرها=يبا يعوّد نورها وانبلاجها
حظي وحظك ياغرامي وعشقتي=عزز تجافيها وزاد انعواجها
فـــ/اعرف ترا قلبي ولو غبت مانسا=وانك هوا روحي وداخل مزاجها
واقرا قصيدي كل ليله ونادني=والله لجي جيّه صعيبن خراجها
واقول هاذا من خفوقي تملّكه=لو ان روحي ماخذت منْه تاجها
والصوره اللي في خفوقك ومهجتك=لشتقت لي ياذايع الصيت ناجها
واقرا عليها ما تيسّر وقلّها=عن حاجتك في بعدها واحتياجها
واعرف ترا هرجك خفوقي بيسمعه=والروح من بعدك تزايد خلاجها
ويمم على قبلة مكانن يضمّنا=رح له ونفسك فيه تلقى ابتهاجها
واذكر سوالفنا القديمه وعدّها=واضحك لو ان الروح من فوق صاجها
هوّن عليها ياحبيبي بروحتك= عل وعسا تلقى مكامن علاجها
دنياي قد زادت عليها صدوفها=ونفسي تزايد غبنها واحتجاجها
من سبة فراقك وتاثير غيبتك=غثرب بصافيها وزَوّد هماجها
وختامها حطيت قلبي وداعتك=ولا تضيق الا يبين انفراجها[/poem]