[ الشعر , و أنا ]

السسسسلآلآم علييكمم ،..



روّاد (( الشعبي )) .. هذي لكم ،، واقبلوها..

.
.
.
.

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

الشعر انا وياه من يومنا صغار=أكبر ..ويكبر/ بس أنا ماعرفته
ألاّ بعد ماصار فالوقت ماصار=احتجت له .. ومن الظغوط أكتشفته
اللي ليامن ضقت ثم ضاقت الدار=طبّيت في بحره وبيدي غَرَفته
وإذا بديت برحلتي وسط الأفكار=وجلبت فيه المفردات وعسفته
يطفي همومن فوق كبدي كما النار=لاخترت طاروقة ولحنه عزفته
يظفي علي ستار/ او يكشف ستار=واشوف شي ن مابعد فيه شفته!!
يكبر ف عيني ..لاتداحم بالاحرار=ويجمّل الخاطر الامن صرفته
اما كتبته عن وداعات واسرار=وبكيت فيه ودمع عيني ذرفته
ولادفنته تحت وديان واسوار=والسم في طعم العسل لارشفته
وسلطت قافي باتجاهات الانوار=وشاركتهم بالراي والشعر ضفته
حتى تعدا مرحلة لفت الأنظار=وصار يبحث عنه مع كل لفته
ماكمل الناقص بتطبيل أو طار=ان طافني هديت ..وان راح طفته
هذا هو الشعر الحقيقي ولو بار=يُـعدّ أكبر ذنب في ّ أقترفته
وياللي تقول ان الشعر لعبة كبار=توك صغير وكل شعرك زرفته
هذي غبون وقلتها وانت منهار=وغبنك نزف لو قلت لي مانزفته
بديت هاوي واسمع لكل الأشعار=واليوم بعد الله تراي احترفته
يسيل مثل السيل من بعد الأمطار=وياكم واحد من قصيدي جرفته
إبدع ياشعري دام عذالك كثار=ودن الهجوس وغن ياليل عفته
أكبر ويكبر / والزمن صحّ دوّار=لكنّ شِعري في زيادة أنَفْته [/poem]

.
.
.


وسلامتكم