شاطي الحزن

السلام عليكم ورحمة الله وبركاتة

قصيده متواضعه للتواصل معكم

[poem=font="Simplified Arabic,4,black,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""] على شط الحزن يرسي خفوقي والهوى غدّار= بعد رحله طويله فوق بحر الحب وامواجه
حزين ولامعه غير الجروح وحبّه المنهار= حنينه من صدوف الوقت طاحت عالي ابراجه
شرب كاس الوداع وصار حبّه للغضي تذكار= ظلوعه ماقُوَت هجره وفيها النار وهّاجه
يسامر ليلة الفرقا وفيه امن الهموم اكثار= ليال العشق من جور الزمان اليوم منعاجه
على رغم الطعون يعيش وقته بن هم ونار= يعيش بداخله صوت العنا واصوات لجّاجه
الا ياقلب لاتحزن تراها حكمة الاقدار= تصبّر واطلق احجاجك وليلك ولّع اسراجه
يموت الحب لاجا من طرف واحد فلا تحتار= حقيقه كل واحد عارف ٍ فالوقت مخراجه
زمانك ماصافلك ياخفوقي والزمن دوّار=إخذ باقي هيامك من عروقك واعلن افراجه
وعش باقي حياتك لاتحسّف لاخر المشوار=مدام ان الزمن قاسي علامك تطلبه حاجه
يقولون العرب حب ٍ بلا حشمه ولا مقدار= يعاف ومن بغى نجواك في بحر الهوى ناجه
[/poem]

محمد مرزوق السميري