محمد ..

..



انا ثلاث ايام هايم هاجسي في كل واد
يدور الشعر الجزيل اللي يناسب للشعور

والليله الليله مواريها مثل بانت سعاد
قامت تمد حروفها صوبي مثل مد الجسور

يا مرحبا وأهلين مثل الصافنات من الجياد
اللي تشيل ظهورها فالحرب ظفران الظهور

غزوه تحت ذكر الله اكبر فالصباح وفالهجاد
صحابة الهادي رسول الله وفاهم ما يبور

يا محمد اللي باسمك مسمى على خير العباد
صلى الله وسلم على روحه على مر العصور

الحمدلله يوم جيت بخير من برا البلاد
يالغالي اللي جيتك طيّب تزيد النور نور

فزع لك الله بالشفاء يوم الشفاء منه واراد
والحمد لله بعد ضيق البال غاشيك السرور

اخذت خمس شهور ما بين المغذي والضماد
في سويسرا يدور بك حزنك وجاهل بالامور

بسّام قدم لك بياضٍ ما يخالطه السواد
واصبحت من تبرعه طيّب وبالخير مغمور


يا فرحتي به جعل حسناته كثر نثر الجراد
ويا فرحتي بك جعل ما صابك يجنبك الغرور

ويا فرحتي فيكم عساكم للصلاح وللرشاد
وعساك يا منصور لك في قمة الامجاد دور

جدانكم هذاك ابن مشخص بفعل الطيب زاد
وهذاك ساس العرف والمعروف من يجهل سرور ؟

الله يجنبكم دروب اهل الشقاوه والفساد
ويالله عساكم مع طريق الخير تلقون العبور ،،


وعسى الذي عينه على العالم مثل ضرب الزناد
قدام لا يرمي بها يرمى مع اصحاب القبور

وعند النهايه نحمد الله يوم تحقيق المراد
وصلى الله وسلم على محمد الى يوم النشور ..