{ ,, قــوافيهــن ,, }

السلام عليكم ورحمة الله وبركاته
اسعد الله اوقاتكم بكل خير

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شعر النسا الاول مهو مثل ذلحين = مثل الزمان ,,, الحين ماهوب الاوّل
لا مرني من ماضي الشعر بيتين = اقول عزّاللــه الاوّل تحوّل
شعراً يهزّ الروح ويبكّي العين=ويطولنا لوكان ماهو مطوّل[/poem]


في شعر النسائي اسماء يصعب تناسيها رغم مرور الايام ورغم الموت لازالت ابياتهن تنبض بالحياه على مدى السنين
رأينا انه من واجبنا محاولة الاحتفاء بتلك الاسماء والبحث في الماضي من خلال تبادل المعلومات هنا
لنظهر بشي لم يكن معلوم لدينا حول حياة تلك الاسماء وابداعاتهن الشعريه

تسعدنا مشاركة الجميع فكل من يجد معلومه او ابداع لاحداهن يضعه هنا
مع مراعاة التأكد عند النقل حفاظاً على المصداقيه
حيث اننا نجد اشياء كثيره منسوبه لغير اصحابها وهذا ما نحاول تجاوزه باجتهادنا قدرالامكان

للجميع كل الشكر مقدماّ

البدايه بابيات للشاعره وضحى المشعان

تقول رحمها الله

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
القلب كنه بالمسامير مسمور=سمر الحديد مجود ٍ في ضبابه
والا كما لجة محاصيل بابور =تسوقه الكفار سوق الربابه
على عشير ٍ ياعلي قيل مجدور = قلب العنا من صاحبي واعذابه[/poem]

الفجر البعيد الله يعطيك العافيه

موضوع قيم

وهذي ابيات لـ عابرة سبيل

[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
المشكله ماهيب هذي ولا ذيك=المشكلة لاحبت العين طايش
تزعل ويضحك وان تبسمت يبكيك=الموت جاك وهو بالأفراح عايش
تناقشه يزعل ، تداريه يشقيك=ترقع شروخ ويطلعن لك درايش
ماينتراضـى وبالزعل مايراضيـك=والصبر يثر بالقلوب الهشايش[/poem]

..

وعليكم السلام ورحمة الله وبركاته

نشكرك اخت الفجر البعيد على هالموضوع الجميل

وهذي ابيات لـ بخوت المريه ..تقول:

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ليته يناديني وانـا بـس اناديـه=واجاوبه ياحسين ولو كان مـره
عليه قلبـي يابسـات عراويـه=اقفا ابقلبي من ضلوعـي يجـره
ذالي ليال قاعده فـي حراويـه=ليننهـا زادت علـى المضـره
قمت اتوجد وجد من مات غاليه=قبره اقبالـه كـل يـوم يمـره
أو وجد من خاواه والليل ممسيـه=ينخا ولا حد من هل الهجن مره
خلي طريح والضواري اتحاضيه=بالمقطعه وامقابله ضلـع حـره
على الذي ماشفت حي ايحاليـه=شيخ على القوم المعاديـن شـره [/poem]

هذهِ الابيات للشاعره طريفه رحمها الله

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الصاحب اللي ضدني بالهوى ضد =كما يضد الحوض عرب ٍ سماني

انا اشهد ان الود رمح ٍ مورد =اما ضربني عرض والا اقتفاني

ياعد لاسالت جوانبك ياعد =عليك انا مضنون عيني كواني[/poem]

السلام عليكم
وصبحكم بالخير



لاهنتي يافجر
ومجهود تشكرين عليه
جبت لكم من بويتات بخّوت :


لها في الحكمه :


[poem= font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تل قلبي تل طيرٍ على الجول مهـدود=يطرد المقفي وطرد المقافـي كايـده
مهبلك ياللي تبي الوقت الأول لك يعود=مايرده كود محيي العظـام البايـده [/poem]





ومن نوادر بيوتها :




[poem= font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جعل وبل الغيث يسقي ديار المفرعين=منزل اللي كن حديثة حليـب معدّيـة
ضيقتي في خاطرٍ دايماً ماهوب زين=قومي اللي سم حالـي وبيـح سدّيـة
ان سجنته قام يتبـع دروب الدالهيـن=وان نشدته قـال انـا علتـي متعدّيـة
ان بغى خلي جنابي فلا غيره ضنيـن=وان بغى يقفي فيقفي مـراح مودّيـة [/poem]


وقالت في الحزن :


[poem= font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا دمع عينـي بالدقايـق وبالساعـات=ولا هي على فرقـا المحبيـن مستـره
هواجيس قلبي كل ما أقول راحت جات=تعود علي باليوم خمسـة عشـر مـره [/poem]



وقالت في الفراق :


[poem= font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياجماعة وإن عزمتوا على أنكم راحلين=غمغموني عـن مظاهيركـم لاشوفهـا
كن في قلبي لهب نـار ربـعٍ نازليـن=اشعلوهـا بالخـلا والهبـوب تلوفهـا
ول عودٍ ماش رحمه ولا قلـبٍ يليـن=جعل ذودك في نحر قوم وانت تشوفها
عيّدوبي في الخلا والفريق معيديـن=كل عذرا نقشت بالخضـاب كفوفهـا
مايقرب دارهم كود صنـع الذاهبيـن=كود حمراً عزمها من صفـاة بلوفهـا
كن حنين الويل يشبه لخلفات القطين=وا له بالقدم مـع طمـان اجروفهـا [/poem]



كما لها بالتوجد على حياة البر والباديه:


[poem= font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وجودي على بيت الشعر عقب بيت الطين=وجودي على شـوف المغاتيـر منثـره
وجودي على خوة هل الموتـر المقفيـن=وجودي على شوف السهل من ورا الحره
ليا حلوا البدوان وصـاروا علـى بيتيـن=ومن كـان لـه خـل مـع ذاك ماغـره [/poem]





وقالت تعترف بأن هناك شاعر من شعراء عصرها كان اشعر منها وهو
الشاعر عبدالهادي بن سهل المري



[poem= font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل الشواعير في وادي=وانا على الريع سدّيته
ياكوده ابن سهل هادي=يدخل مع الباب ما ريته [/poem]

...
.
.
.




شاعره من ( قبيلة حرب ) لم اهتدي إلى اسمها .. توفى زوجها صاحب الصفات الحميده من الكرم والشجاعه والعفه وطيب الخلق فـ رأت ناقته تحن فـ اثارت شجون الزوجه الحزينه على فراق حبيبها
التي طالما آنست بقربه . قالت :-




[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اللي جرالك ياشعيله(1) جرالي=على عشيرٍٍٍ يرهب الهجن بغناه
القدر يبكي والصحن والدلالي=حرم عليه من الدسم غير ماجاه [/poem]



(1) .. شعيله :- ناقة الممدوح .



.
.
.
...

...
.
.
.




كذلك شاعره لم أهتد إلى اسمها ولكن حافظ ابياتها .,


بعد ماتوفي زوجها في احد المعارك رفضت الإقتران من بعده بـ زوج آخر .,


فـ قالت :-


[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شوقي مع الطرقه وسيعٍٍ بطانه=زيزوم عيراتن تنصّى عطيّه
حلفت مااحط الردي في مكانه=ومراقد الخايب حرامٍٍ عليّه [/poem]





طبعاًًً ســ اعود .!


.
.
.
...

يقال انه في الماضي كان فيه وحده اسمها منيره بنت ابو وطبان من اكلب 0
وكانت تحب لها واحد ،المهم ان الشخص اللي تحبه مات،
ومن صدق محبتها له تعتقد انه ارتاح بموته وان حياتها هي الشقاء

وهي شاعره 0فقالت هذه البيتين/



[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وليفي خذا الراحه وخلاّ لي الوقّاف=وزا في حفير القبر وألتف بـوزاره
وياليتني واياه في القبر ابـو لجّـاف=على جنّته والاّ نورّد علـى نـاره [/poem]

تحيااتي

الشاعره ظاهره من قبيلة الشرارات
من قصصها ان لها بنت اسمها واجده تفوقت عليها بالشعر وكانت تمدح الامراء فيجزلون لها العطاء
فااصبحت اشهر من امها فقالت الشاعره ظاهره ابيات اتخاطب فيها الامير عبيد العلي بن رشيد وهي


[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعبيد وحده من بناتي كوتني=كوي المريض اللي تجدد مكاويه
عرّفتها الحكام لين اغلبتني =العفو كيف الكلب ياكل مربيه
لا وحسايف نقلها فوق متني=غير الرضاع اللي لجسمه يغذيه[/poem]

...
.
.
.




سالفه جرت على هيا بنت عيادة بن راشد العوني من بني سالم من قبيلة حرب في حدود عام 1350هـ

حيث كانت عند زوجها مبشر بن مرزوق من مزينه من قبيلة حرب ايضا وكان رجلا يملك جميع صفات

الرجولة من التقوى والكرم وحسن المعاشره ولكنه يعاني من ضيق ذات اليد مثله مثل غيره في تلك

الفترة التاريخيه القاسية من حياة أسلافنا00وفي أحد المرات زارها والدها . ولما رأى ما هم عليه من

قلة اليد أشفق عليها وأخذها معه لتزور والدتها واخوانها ولتمضي عندهم بعض الوقت.

لكن والدها تأخر في اعادتها الى زوجها بعض الشيء. وكانت تفضل أن تعيش مع زوجها على فقره

ولا تعيش في بيت والدها مرفهة وذلك لما رأت من زوجها من خصال المروءة وطيب النفس وحسن المعاشرة لها.

وفي أحد المرات سمعها والدها تتغنى ببعض الأبيات وهي لم تشعر بوجوده بقربه منها .
تقول هيا :



[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا من لعينن حاربت سوجة الميل=على عشير بالحشا شب ضوّه
عليك ياللي بطبخته نصفها هيل=اللي سعى بالطيب من غير قوّه
المال ما طيّب عفون الرجاجيل= والقل ما يقصر براع المروّه
يا عنك ما حس الرفاقة ولا قيل=ذا مغثي ما ينزل حول جوّه
له عادة ينطح وجيه المقابيل=هذي فعوله بالمراجل تفوه
أجواد نسل أجواد جيل ورا جيل=الطيب فيهم من قديم وتوه [/poem]




وفجأة خرج عليها والدها وطلب منها أن تعيد عليه الأبيات فرفضت. لكنه ألح عليها حتى أسمعته اياها كاملة .

فأعجب بها وبتقديرها لزوجها وقام بايصالها الى زوجها على الفور ومعها حمل جمل من الأرزاق والقهوة

هدية لزوجها ومساعدة له على ظروفه العابرة وتقديرا لمروءته وشهامته. ( وهاذي عوايد الاجواد (
توفيت هيا (يرحمها الله) في حدود سنة 1371 هـ .

كما توفي زوجها مبشر في بلدة دخنة ( جنوب مدينةالرس ) في العشر الاواخر من رمضان سنة 1415 هـ

صائما قائما بعد عمر حافل بالاستقامه وطاعة الله ومكارم الاخلاق يرحمه الله. وللعلم الشاعر المشهور

مرزوق بن مبشر الحربي هو ابن هذه الأصيله ويقيم بالخرج هو واخوته حتى ألآن .





.
.
.
...

الشاعره مـويضـــي البـرازيـه شاعره من اشهر شاعرات النبط

وهي مويضي بنت ابي حنايا البرازيه .. ومويضي تصغير لاسم
موضي وهي من قبيلة( مطير)

قالت اختها بنّا هذهِ الابيات
[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

شوقي غلب شوقك على هبة الريح =و محصلٍ فخر الكـرم و الشجاعة
ركاب شوقي كل يومٍ مشاويح=وإذا لفى صكّوا عليه الجماعة
يا البيض شومن للرجــال المفاليح =ولا تقربن راعي الردا و الخناعة[/poem]

فردت عليها مويضي بهذهِ الابيات

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ماهم بخافيني رجال الشجاعه= ودي بهم بس المناعير صلفين
اريد مندس ٍ بوسط الجماعه=يرعي غنمهم والبهم والبعارين
اذا نزرته راح قلبه رعاعه = يقول ياهافي الحشا وش تريدين
ون قلت له هات الحطب قال طاعه= عجل ٍ يجيب القدر هو والمواعيين
ولو اضربه مشتدة ٍ في كراعه= لاهو بشاكيني ولاالناس دارين[/poem]

ومن حكاياتها المشهوره انه قد حصل بينها وبين زوجها سوء تفاهم جعله
يسخر منها لطول قامتها وكأنه يريداحراجها فقالت له :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

طول الحجب ماعذربن كل قبا= يوم اللقا مايركبه قاصر البووع
اقعد ببيتك جعل بيتك يهبا = لعلّ بيتك بين الابيات مشلوووع
عسى الصغيّر بيننا مايربّا=عساه مايلعب على فرخ جربوووع[/poem]

توفيت رحمها الله سنة1850م تقريبا

موضوع رائع
يبحر بنا في بحر أصالة الشعر النسائي .
ويجدد الأمل .


× × × ×

الشاعرة /

مرسى العطاويه .

مرسى العطاوية من الشاعرات اللواتي تناقلن شعرها الركبان في الجزيرةالعربية
من زمانها حتى الان وشعرها مازال يضرب به الامثال ولاكن ضاع مع الاسف الكثير منه
لعدم تدوينه الا قليل من وفي شعرها جزالة وقوة ، عاشت في لخر القرن الثالث عشر واول
الرابع عشر تقريبا
عندما حجت وسمعت بائع اللبن بمكة ينادي بأعلى صوتة ( لبن لبن ) وعلمت أنة يبيع
للناس بالدراهم فاستغربت أن يباع اللبن لأنها لم تعرف انه يباع بل يوهب فقالت :


[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]

ياللي تنــادي باللبــن مــالنا فـيــة = عان اللبن بأطراف عبلة ملاوي
خشم الينوفي والحوم في حراويه =بديوس خلفات ٍعليها العطــاوي
ومبهل وابا الحيران كان انت غاوية = مرتاع بدوا ً ماتلاهم شــواوي
ووادي الجرير إليا حدر من علاويـة =وخشم الذنايب والجذيب متساوي
ترعــى الدعيــكة والحفــاير حراوية = مرباع خلفات ٍ ترب المــطــاوي
وربعي إليا جــاها المجنــّا تلفية = ريف الضيوف مزبنين الجــلاوي
تلقى مكرون بالظـّعن نازلا ً فيه =بالرجـّع اللي يذبحن الهواوي[/poem]

الشاعره بخوت المريه رحمها الله
تتوجد على مرافقة اختها " مزنه " التي ذهبت الى لندن للعلاج
من مرض السرطان ووافتها المنيه هناك فتقول

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

عسى من صنع ذا الهاتف ايديه ماتنشل=عسى داره الوسمي تغـرق بساتينـه
تعلا الحراره وان تكلمـت بـه تنـزل=وعلى صوتهم قلبي تريـح شرايينـه
وجودي على طيـارةٍ صوبهـم تنتـل=علشان مستشفـاه ابغـي مصاخينـه[/poem]


ولها ابيات تصف فيها بعض النساء تقول

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

إسمحو لي يامحمد علـى سـت كلمـات=ذا كلام ٍ فاضي ٍ واستحـي لاطولـه
يامحمـد ماالاناثـي بكفٌـو معـامـلات=قولهن لاهوب يصمـل ولاينـردّ لـه
راكب اللي في سما الجو تمشي بحركات=صوتها من سرعها من وراها تنقلـه
روّحت وقت الضحى من محل الطايراات=وخطّرت راع الهجن مارح ٍ في منزله
وخطّرت ركابة الدوج من دون ادمـوات=ومرّت الصلب الحمر والفرّيق باسفلـه
دارب ٍ سواقهـا مايحـسـب للمـمـات=وغلقت خمس الدقايق على الطالب هله
[/poem]

[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وقفت اطالع بالاماكن حزينه=استرجع الذكرى وانا داخلي .. ضــو
اسوق من عندي بشاير ثمينه=للي يعلمني بهم .. كانهم جو[/poem]


(عابرة سبيل) ...

.


موضوع رائع .. .


من قصيد الشاعره :- قمرا الدعجانيه ..


[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقلبي اللي من هوى زيـد مطـروق=طـرق الحديـد ملـيـن ٍبالضـويـا
امسيت قلبي في واصبحـت مسـروق=وثـوّرت فـي قلبـي عميـل ٍعـيـا
يفدى عشيـري كـل برقاعلـى روق=واللـي بعيدالـدار والـلـي هنـيـا
ويفداه من يركب على الخيل بعـروق=مع خيل ابـن هنـدي وخيـل المحيـا
ويفداه من يمشي على الارض من فوق=والـلـي يشـوفـون القمروالثـريـا
ويفداه حضـر ٍلجـوا العصربالسـوق=وابن رشيداللـي علـى الحكـم عيـا [/poem]

.
.
.

السلام عليكم

على هالموضوع الجميل

لكن عندي استفسار عن نورة الحوشان الي تقول :-

ياعين هلّي صافي الدمع هلّيه
...............واذا انتهى صافيه هاتي سريبه
ياعين شوفي زرع خلّك وراعيه
................شوفي معاويده وشوفي قليبه
ان مرني بالدرب مااقدر احاكيه
........................مصيبه ياوي والله مصيبه
اللي يبينا عيت النفس تبغيه
.................واللي نبي عجز البخت لايجيبه


هل لها قصائد اخرى ؟ لأني بحثت في النت ولم اجد

الفجر البعيد الله يعطيك العافيه


وهذي قصيده لـ عابرة سبيل الله يرحمها


[poem= font="Arabic Transparent,7,royalblue,bold,italic" bkcolor="transparent" bkimage="" border="none,4,gray" type=3 line=0 align=center use=ex num="0,black"]
بريال عارضته على السوق بريال = من باعني برخيص والله لأبيعـه

من يشتري رجّال قصّر بالافعـال = باع العهـود الماضيـه للخديعـه

رجّال يسوى له ثمانيـن رجّـال = كل الصفات اللي ملكها فضيعـه

له ضحكةٍ تشبه لضحكات الأطفال = ذيبٍ ونظراتـه حنونـه وديعـه

وله فزعةٍ منها المجانيـن عقّـال = وفجوج لا ضاقت عليّ الوسيعـه

ياما عدل عوجا ثقيلات وطـوال = وأنـا معاقبتـه غيـورٌ صريعـه

والله يسوى لـه ثمانيـن رجّـال = والخبل مثلي لا زعل يب يبيعـه [/poem]

هلا اخوي فيصل
لانعلم لها غير ماذكرته من ابيات وربما الاخوه في المرقاب يزودونا
بأابداعها ان كان لها غير هذه الابيات وبما انك ذكرتها ابياتها
فهذهِ نبذه عن الشاعر وقصه الابيات

الشاعره نورة الحوشان من العونة من بني رشيد شاعرة معروفة

تزوجت من عبود الشلواني العازمي ورزقت منه بأولاد وكانت تعيش مع زوجها عبود في احدى القرى
وذات مرة وقع بينهما خلاف أدى إلى طلاقها طلاقاً لا رجعة فيه مع أن كل منهما راغبا بالآخر ،
وبعد طلاقها تقدم لها الكثير طالبين يدها للزواج إلا أنها رفضت وفي يوم من الايام
كانت تسير على طريقاً يمر بمزرعة عبود زوجها السابق
وبصحبتها أولادها منهوعندما رأته وقفت على ناصية المزرعة
وانطلق الأولاد للسلام على والدهم وبقيت هي تنتظر عودتهم ثم أخذتهم
واكملت طريقها فتذكرت أيامها معه وكيف كانت حلالا شرعيا له واليوم هي محرمة عليه
وهو محرم عليها وتذكرت المتقدمين لخطبتها بعد طلاقها ورفضها لهم
فقالت الابيات التي ذكرها الاخ فيصل الجعيد


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياعين هلّي صافي الدمع هلّيه =والياانتهى صافيه هاتي سريبه
ياعين شوفي زرع خلّك وراعيه =شوفي معاويده وشوفي قليبه
لا مرني بالدرب مااقدر احاكيه =مصيبةٍ ياكبرها من مصيبه
اللي يبينا عيت النفس تبغيه =واللي نبي عيا البخت لايجيبه [/poem]

وحيشه المشمليه شاعره من قبيلة شمر

من قصصها انها خرجت ترعى اغنام والدها ومرت بأرض جرت
فيها معرمه بين قبيلتها واعداء لهم ودفن في نفس المكان الذي مرت به
ستة عشر فارساً من قبيلتها ولم يمضي وقت طويل على المعركه والقبور جديده
يراها من يمر على تلك الارض فتذكرت مواقفهم وتضحيتهم فقامت بذبح شاه من غنم والدها عند كل قبر حتى ذبحت بعدد الشهداء
ولما رجعت سألها والدها عن بقية الغنم فااخبرته بما فعلت وقالت


[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعيال يااللي بالزباره جلوسي= نوماً ولاانتم بالمضاعين دارين
ربعٍ لنا في يوم قطف النفوسي= ربعٍ لاهلنا من قديمٍ وغالين[/poem]

ومن قصصها ايضاً انه قد حصل اعتداء على قبيلتها و كان معظم فرسان القبيله
رحلو طلباً للكلا والمراعي الخصبه لمواشيهم فذكرت فارساً منهم
يسمى فايز بن هذيل وقالت


[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يافايز بن هذيل ياغيبة الذيب= والا كما حرٍ نزع برقعه راح
تنخاك ربعك يانحاز الاجانيب=لك هدةٍ تاخذ على الخيل مسراح
وراك تخلي الجو عذي المشاريب=وردوا عليه من العدا كل مصلاح[/poem]

الدقيس الصلبية . . . شاعرة نبطية من قبيلة (( الصلبة )) وبهذا الاسم عرفها الناس . . . لها قصيدة راحت مثلاً بين الناس . . . والقصيدة خلدت والشاعرة لا يعرف عنها سوى القصيدة تلك . . . أما حكاية هذه القصيدة فهي بالغة التأثير فقد تعلقت الدقيس بأحد أمراء البادية البارزين . . . قيل أنه من آل سويط شيوخ الظفير . . . أحبت الأمير وأحبها وتعلق كل منها بالآخر . . . إلاّ أن العادات والتقاليد تقف بينهما فهي لا تناسبه وهو لا يناسبها . . . وعرف القصة أخ لذلك الشاب كان أميراً للقبيلة كلها فأراد أن يضع حداً لهذه الحكاية . . . فأمرها بالرحيل مع أهلها من أرض القبيلة وهددهم بالقتل فاضطروا للرحيل
وبعد أن ابتعدوا عن أرض القبيلة أخذت الدقيس ترتقي الهضاب لعلّها ترى منازل محبوبها أو حتى تشم الهواء القادم من أرضهم وطال جلوسها فافتقدتها أمها
ولما وجدتها سمعتها تنشد قائلة

عند الضحى عديت في راس عنقـور

أشـرف على راعي العلـوم الدقاقـه

ياونّتـي ياما بصـدري من الجـور

ونّـت ضعيـفٍ ضـاهدينـه رفاقـه

ياياه شفـى واحـدن من هل الهـور

هـو عشقتـي مـن ناقليـن التفاقـه

غـديت له عـوقٍ وهو صار ثابـور

والكـل منـا صـار شوفـه إشفاقـه



رقت الأم لمأساة ابنتها فعذلتها بقولها

بـرقٍ مصعـدٍ عند لو كان به نـور

بـالك تخليـه لـو ربيعـك شفاقـه



فأردفت الدقيس قائلة

من لا يستشيـرك لا تباديـه بالشـور

ومن لا يـودك سعـد عينـك فراقـه



فأصبح هذا البيت مثلاً مشهوراً بين الناس

قوافيهن ،

موضوع رائد



أنا أبي أسأل عن قائلة هالبيت :



الزول زوله والحلايا حلاياه ./. والفعل ماهو فعل واف الخصائل !


من هي ؟

وهل لها أبيات غيره في نفس هذه القصيده ؟