أيامـنا يازيـد من دون فـي دوووون !! ( مساجله بين الحصني والحثل )

الاخوه الأحبّه في الله ، وفي هذا المكان العزيز


يسرني بعد السلام عليكم ، ان انقل لكم هذه المساجله بين الشاعرين :


علي بن عبيد الحصني و زيد بن مبشر الحثل


من حرب


مساجله اعجبتني لإحتوائها على اساسيات المساجل . واتوقّع ان تعجبكم


والبدايه كانت من الشاعر// علي الحصني يقول :



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم إن طاروق القصيد استقاما=وقرايحي هاضت على الميم والنون
توافدن يوم الخلايق نياما=وتراكمن بالقلب ما أعرف لهن لون
يوم إنهن سوّن على القلب زاما=ثم انجبن قافٍ مقفّا وموزون
بذلت جهدي للكلام التماما=والآدمي ماهو عن النقص مامون
والشعر في حالٍ يسد المقاما=لا صار له مغزا ومعناه مضمون
أنا أشهد إن الشعر يرو الحياما=يروي كبود اللي على الشعر يضمون
وأبا أنشد الشاعر عزيز المقاما=اللي جماهيره لشعره يحفظون
يازيد لو عز الرجاجيل داما=ماشفت فيهم واحدٍ يتبع الهون
وين النشاما ياعشير النشاما=اشوفهم فوق الاصابع يْعَدّون
قصدي رجالٍ يدركون المراما=يابو فهد ياعلّهم مايقلّون
عيّنت ربعٍ يحتمون الجَهَاما=وعيّنت ربعٍ للطراقي يعزمون
سود البيوت مبدّله بالخياما=يوجد لها ناسٍ من الناس يبنون
وإن جيتها حصّلت روسٍ تواما=وليا هرجمْ محدٍ عرف وش يقولون
خشاش صيدٍ بالجحيم يتراما=أيامنا يازيد من دون في دون
خسران من جاها ورد السلاما=الرابح اللي دونها حط كيلون
حتى البعير اللي عليه السناما=اشوف رعيان الغنم له يسوقون
وأنا لَوَ أبا أعِدّ ياما وياما=أشوفها بالعين وأنتم تشوفون
يازيد لو ما الطقّ فكّ اللّحاما= ولّعتها جمره على راس غليون
وبعض العرب يجرح صيام الصياما=ولا يحتمل شلفا ولا حد مسنون
لكن لو سيفه يقصّ العظاما=مايجبر الصاحي على ثوب مجنون
آخر مصيره عظّته بالبهاما=لكن متى الناس النياما يقومون
أفصحت عن ما بي ومسك الختاما=خلّ الطروش بكل ديره يدوجون
وخلّ العيون تلد شرقٍ وشاما=لعلّهم عن ليلة العيد يدرون[/poem]



وفيما يلي رد الشاعر زيد الحثل :


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله ياللي مالك اسماً تساما=فردٍ صمد وأسماك تسعه وتسعون
يامبريٍ يوسف من الاتهاما=عالم خفايا الكون ومكوّن الكون
مدك جزيل ومد غيرك هلاما=وش يمنعون الناس من شان يعطون
يوم البشر قسمين فرحا وْنداما=خسران من يرجي سوى مدّك العون
وهزل الكلام تشيل منه الآثاما=ناسٍ يقولونه على شان يوحَوْن
وبعض المعاني مثل ريح الخزامى=يصغي لها راع النظر سمع وعيون
والبعض ينظمها بلياّ نظاما=مثل الضريع ولو ملت كل ماعون!
قرايحٍ تلقح وتنجب تواما=وشعاّر واد الهيم قاموا يهيمون
ياكثر مانسمع ونين السقاما=تبحل مشاكيهم لها ظْهور وبطون
بصوتٍ صداه ازعج قلوب النياما=ويقيّمون الناس جزلين وعفون
ياعلي لو تمسح دموع اليتاما=يمكن ليا سمعوك الأموات يحيون
يامدّعي بالظلم وين الظلاما=لا تنفخ الجمره ترى ابليس ملعون
وإن لبّسوك مشجّعينك وساما=تضحك على الثرمان لوما لك سنون
واللي عن اليمّه عيونه تعاما=عنه النشاما الْيا تدانا يشومون
ياخذ على ضوّ الجحيم ابتراما=عنه المثل واهل المثل وش يقولون
بعد النظر خلىّ النشاما حطاما=اقصر نظرك شوي وارفق على هون
وعِنّ الحصان وحطّ فيه اللجاما=ترى اللّسان حصان مِطلَق ومرسون
ومكارم الأخلاق عند الكراما=ومن عَزّ نفسه مارجا مَدّ قارون
ياللي نَعَيْت البِلْ وأهلها القداما =عسى البقا بْعمرك راع دْلال وصحون
تفرح بك ضيوفٍ جياعٍ ضراما=مادام مابه ناس غيرك يضافون
ياكثر ماتدمي نهار المداما=لو أنت ابن حثلين وألاّ ابن لعبون
تبا على قطمة طميه تطاما=متحلّم إنك زوجها دون ماذون
مِرّك يزوم وطامعٍ بالزماما=وتقول أبا اللي ضاقوا العام يرضون
ترى الجمل دونه رجالٍ تحاما=صاحب قرار وخشم عمّار مدهون
ياعلي من هامه طواه الهياما=يبا يجي مديون ويروح مديون
يالشاعر الفاهم فدوك الغشاما=اللي على ياليل أدانا يْتنادون
من سفرة الأفراح دايم بِشَامَا=ناسٍ بلا داعي عليها يْتعادون
تمّت يابو فارس وزبد الكلاما=مالك ومال أوضاع مالك بها شون[/poem]

أخوي عبد ربه

سلمت يمينك على هذا النقل الموفق

ودايم ذوقك عالي

بس لو ما اتطول الغيبات كان تمام


تقبل تحياتي واشواقي


أخوك
محمد البيضاني

يمناك سمين

عزالله انها من اثمن اثمن الشعر

يشهدالله

لاهنت ياا ابو عتيق

يعطيك الف عافيه اخوي عبد ربه

وعساك علي القوه


تسلم لعرضك هذه الثمينه من روائع الشعر الشعبي
واختيارك لهذه المساجله بين الشاعرين


لك تحيتي بكل الود

..

شوق

كلاهما شعراء لديهم من الجزالة ما الله به عليم

وهذه هي اصول المساجلات بحق وحقيقة

وهذه هي مواضيع المساجلات ، وهذا هو تفكير الشعراء الكبار أمثالهم

ابو عتيق

لاهنت على هذا الاختيار الرائع

لك تحياتي

تحياتي لك ولذوقك العالي....

الله لايهينك يا ابو عتيق


عز الله انها مثل ما قال ابو تراحيب ... جواهر من الشعر الجزل

سلمت على النقل ولاهنت




اخوك : مشخص /

مشعان ..


عفواً ، ولاشكر على واجب

البيضاني ,,


سلّمك الله ,, وانا احاول اقلدك في نقلك يابو سعووود

والغياب له ظروفه ، وهو يتحكّم فينا كيفما يشاء


سلامي وتقديري


اخوووكم

عز الله درر

عز الله درر

عز الله درر



سلمت يا بو ذوووق رفيع المستوى

محمد السليس ،


ويمينك مايجيها العوق


لاالالاهنت ولااالالالاشنت .

اخوكم

ابو عتيق


بارك الله فيك عز الله العزيز انك ما تجيب الا كل طيب ومنقا

ردية جزله ولا جابها الا محنك وبخصي

بيض الله وجهك لين ترضا ولا رضيت قلنا بعد ابيض وجه


كل التقدير لك والله ولالالاهنت على مجهودك


بارك الله فيك اخيك



العجمـ بــدر ـي...@@

شــوق ,,


عافاكِ الله يااختي الكريمه ..


.

سعود النفيعي


ولاتهون يابعدي ..


سلام’ عليكم

الله الله

متصفح يحمل الكثير

شعر ثقيل بالمعاني ومتميز بالتركيب

هنا جئت اقرأ لاشبع الروح شعرا ..

شكرا لهكذا متعه فكريه ..

ارق تحيه لك ...

ابومشاري


الله يطوّل عمرك ويسمّح امورك ..

بالفعل افتقدك المرقاب


سلام’ عليكم