فيــــــــاقـرا

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله من قلبٍ همومه تجزيه=مخطر يصيبه من عنا الوقت خفّه

باسباب من روحي توده وتغليه=ابو جديلٍ فوق متنه يلفه

خلٍ معي لو يصعب الدرب يمشيه=وانا معه واعلن وقوفي بصفه

كلّم وقاسي ظرفه اليوم حاديه=يبكي وعينه دمعها مايكفه

قلت الخبر يامهجة الروح عطنيه=قال اتجه يمي وهاتفك طفه

وقامت هموم القلب بالحيل تصليه=وناديت ياصبحي لي العفش ظفه

وركبت بنزٍ للمهمات قانيه=متميزٍ في ثقل وزنه وخفه

كلٍ هوى باله يطوله ويشريه=مير البلا دونه مطب ومطفه

هو منوة اللي يشتكي بعد غاليه=عليه يلحق راعي الشف شفه

فياقرا ياكثر ناسٍ تسميه=والاسم الآخر حوت يمه تزفه

مصممه ملعون جدٍ تعب فيه=في كل وقت الكاس عنده يسفه

من كم سنه يفتح ملفه ويطويه=وبعد اتقن التصميم قدّم ملفه

ثم اعلنو فوزه على من يماريه=وكلٍ يقول يعيش راسه وكفه

معطيه شكلٍ صاحب الذوق يغريه=واللون من لون البحر مستشفه

منه يتعجب لاركب فيه راعيه=إليا اشتغل شفاط بابه وظفه

وإن شب نوره واسود الليل غاشيه=يكشح كما برقٍ شعى البدو رفه

بالخط طبلونه بلحظه يصفيه=وفي لفّته راسي وياخذ ملفه

عليه جيت اللي يبيني وانا ابيه=في موقعٍ ماكل حاسد يحفه

وعرفت مافي خاطره قبل احاكيه=وقلت اطمئن ارجوك والجو صفه

لايزعجك قول الحسود وطواريه=خله على ليلاه ويدق دفه

انا على عهدٍ عطيتك وابوفيه=وانت العهد ياكامل الزين وفه

واطلب عسى مامال ربك يسويه= وكلٍ عسى في صاحبه مايشفه [/poem]