ياوقـــــت ماتــرحم (صوتيــه)

استقبـــلوها لتــواصل عسى ان تصل لربع الذائقه




هنــا للاستماع


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هاضت خوافي الفكر وأبديت صافيه=وخطيتها ببيات والسد باحي
والوقت شان وبينت لي خوافيه=وعجزت اعدل فيه عوج الرماحي
ياوقت ماترحم غريم ٍ معنيه=أرحم محب ٍ لظلم الليل ناحي
ياوقت لي قلب ٍ يبي شوف غاليه=متى على الله ياليال الملاحي
من شاف حالي قال ربه يقويه= واخاف يمحيني من الارض ماحي
سبة وليف ٍ في وريدي مجاريه=ومن سبت الغالين طوّل مراحي
يجمع من اوصوف الجوازي مواريه=وصف الهنوف اللي زهت بالوشاحي
ابو جبين ٍ للقمر قطعت ٍ فيه=يابارق ٍ يبرق من الغرب لاحي
ابو جديل ٍكنه اسود لياليه=شيهانةٍ راحت ترف الجناحي
ياليتني دفتر تشّله أياديه=و ليتني عطر ٍعلى الخد فاحي
او ليتني دايم بدربه وأباريه=أو ليتني ابرى لطير الفلاحي
خلي غدير ٍلاضمى القلب يسقيه=واشرب انا صافيه حلو ٍ قراحي
ياماس يالولو يامسك ٍ وتيه=يازول لا شفته يزيد ارتياحي
لا قلت انا ياهيه ردت يالبيه=كنه على السرجوف ثلج ٍ وساحي
ياوقت خل الزين يرجع لشاريه=ياما شربت السم منك اذحاحي
ياوقت حد الرمح كبدي تعانيه=وان ماكفاك الرمح جوّد سلاحي
ضيم ٍ بنى قصرٍِ وشيد مبانيه=ولا قويت الضيم والحيل طاحي
يامن لقى خطي لخلي يوديه=أو يرسله مع مهب الرياحي
حتى يعرف اني من الناس هاويه=ولا عشق غيره من الناس صاحي
وأرخى القلم خطه وبانت معانيه=وأطلب عسى ربي يزيد انشراحي[/poem]
وســــــلامتكم