الطعنه اللي لياصابت تخج الضلوع

مشاركه مواهبيه

[poem=font="Simplified Arabic,5,black,bold,normal" bkcolor="transparent" bkimage="" border="none,10,gray" type=2 line=0 align=center use=ex num="0,black"]
يالله ياللي لك عبادك اسجودً اركوع=يالمبصر بما تكن النفس في جوفها
ارحم قلوبً لوجهك كل ليله اخشوع=من حمل غراً يلوح البرق فقنوفها
حتى تباشر ديار اهل الدبش بالرجوع=والشاعر يلاحي الورقا وغطروفها
الشعر مثل البحر والبحر موجه يروع=وقامت تغوصه ثقال الناس وضعوفها
مير الدرر دونها موجاً يرد الجموع=ومن لادحم موجها مايقدر يحوفها
ياهاجسي قمت تضربي على كل نوع=لين اقبلت بنت فكري تضرب دفوفها
واخذت معها على ماقيل طرقت اسبوع=اضمد جروحها والبي شفوفها
واقول فيها تفضل يانهار الربوع=وقل للخميس اعرف الوصفه من وصوفها
الطعنه اللي لياصابت تخج الضلوع=ياكثر ماخجت ضلوعي وانا اشوفها
اما من فراق قرماً من خيار الربوع=والا من طعون دنياً تشهر سيوفها
لكن بما يقسمه لي رب الانفس قنوع=والله يستر من الأيام وصدوفها
مانيب شفقً على وصل الرفيق القطوع=ولانيب متحدي الغارات وصفوفها
اسري مع الليل واسرح مع شعاع الطلوع=واصفق ان صفقت دنياي بكفوفها
وان شفتلي فيضةً منها تسيل الفروع=امرها وآخذ المقسوم واطوفها
ياصاحبي يارفيقي ياحسين الطبوع=اي والله الطيبين اقدر ضروفها
والا الردي لاهوبتابع ولاهو تبوع=ولا اصدّق اهل الحكا لو كثرة حلوفها
مير اسلم وسلم ولاعاد ترخي السموع=وصفق لياصفقت دنياك بكفوفها[/poem]