سؤال على الطاير

الموضوع وما فيه



تختار اي عضو وتسئله سؤال واحد وياتي العضو اللي موجه له السؤال ويرد على السؤال وبعد ما يرد يختار عضو اخر ويسئله ..


قد يسئل احد الاعضاء ولا ياتي يعطاء فترة يومين واذا ما جاوب يحق للعضو السائل يغير السوال الى شخص اخر وهكذا حتى ينتقل منه السؤال..


الاسئله تكون عامه في اي مجال الا المواضيع المحرجه..


والبدايه عندي السؤال لــ هادي بن عسكر



من ستصوت له في شاعر المليون ؟

ارررررررررحب يابوسعيد


انت سألتني وانا باجاوب بصراحه


بصوت للشعراء الاتي اسمائهم:ـ


1/فالح بن قشعم

2/عايض بن غيده

3/خالد العتيبي

4/علي بن رفده

5/فالح الدهمان الظفيري


والاوليات على الترتيب


مع احترامي لجميع الشعراء المشاركين لكن هؤلاء الشعراء صلة قرابه وصلة صداقه كالأخوة


واتمنى التوفيق للجميع


سؤالي اوجهه للأخ /مبارك آل خليفه


من بتصوت له يابوعبدالله في شاعر المليووووووووون

.

موضوع جميل

لاهنت يا محمد

.

ارحب يا هادي


راجع التوقيع


وصوتي لــ ابو فهد من باب محبه واخوه وثقه وايضا غضب


لكن ما انكر اني بكل جوارحي وقناعاتي وثقتي مع عدة اسماء واهمهم الرائعين


فالح بن قشعم وعايض بن غيده





وللانتمائات الاقليميه دور في تصويتي لـ صالح آل مانعه و خليل الشبرمي

وللانتمائات المرقابيه دور في تصويتي لـ كل المرقابيين

واكبر الانتمائات العنصريه القبليه لـ خلف المشعان كابن عم وقبله فالح بن قشعم كخال











لكن سؤالي لـ سداح سبق وان سألتك في موضوع مكياج الشباب .. وش معنى الغنفجه ؟؟

هلا يا بو عبدالله

الحقيقه ماشفت سوالك في موضوع مكياج المتغنفجين

ولا علمت عن سؤالك هنا إلا عن طريق الاخ عبدالرحمن حمد الذي طلب تحويله له ولعل أخوي محمد بن شباب يسمح لي بنافذه لتحويل السوال لعضو آخر

بإنتظار الموافقة على التحويل ورد ابوحمد



....

شكرا يامحمد
وسؤالي الى اخوي محمد بن فارس ..؟
ليش ماشاركت في شاعر المليون 2

المشاركة الأصلية كتبت بواسطة سداح

هلا يا بو عبدالله

الحقيقه ماشفت سوالك في موضوع مكياج المتغنفجين

ولا علمت عن سؤالك هنا إلا عن طريق الاخ عبدالرحمن حمد الذي طلب تحويله له ولعل أخوي محمد بن شباب يسمح لي بنافذه لتحويل السوال لعضو آخر

بإنتظار الموافقة على التحويل ورد ابوحمد



....

اوكي موافق بس على شرط ,,

تضمن لي ان ابو حمد ما يتغنفج في الاجابه ؟؟

طيب اللي يبي يسئل على طول يسئل والا وش يسوي ؟

ذي المره بنسمح بتحويل السؤال يادكتور



وبعدها ما عاد به تحويل



وضعك غير طال عمرك




يالله جاوب يابو حمد لبا كبدك



.

المشاركة الأصلية كتبت بواسطة وليد العمودي

شكرا يامحمد
وسؤالي الى اخوي محمد بن فارس ..؟
ليش ماشاركت في شاعر المليون 2

وليد

لا تسئل اللحين


اذا سئلك احد

يجي دورك وتختار واحد وتسئله



نبيها بترتيب

المشاركة الأصلية كتبت بواسطة عبدالله بن قنيص

طيب اللي يبي يسئل على طول يسئل والا وش يسوي ؟

لا .. يقعد على فراش الكرامه لين حدٍ يسئله


هاثم يشوفله واحد ويسئله ؟

محمد بن شباب

الف شكر طال عمرك

والترتيب هو الضامن لنجاح الموضوع

ووننتظر أبو حمد

محمد شباب

شاكرين على الموضوع وبانتظار

@#( الاستاذ ابو حمد)@#









[align=center]((ضيف الله الغنامي))[/align]

اجل لي الحق اغيّر السؤال

لين يجي احد ٍ من الثنين ويعلمني بالغنفجه والا بصره


سؤالي لابن شباب ..



متى بتاتي صوب قطر ؟؟

القابله ان شاء الله



يابوعبدالله



السؤال لعبدالله بن قنيص ؟


س/ قصيده ودك انها لك ؟ ولو سمحت نبيك تحطها هنا نقرأها ؟

^
^
القصيده اللي ودي انها لي يابو سعيد
لـ الشاعر / عبدالله بن زويبن الحربي
اللي يقول فيها :-

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ان كان تنشد عن علومي وانا صبيّ = ابتذكرها واعلمك عنها
لو هي بصفحاتٍ طواها الزمن طيّ = جرة مطر جاها عجاج ودفنها
ألعب طواريق الهوى مع هل الغيّ = اثقل المعنى واخفف لحنها
والشعر يبقى في قلوب العرب حيّ = ولا كل من سوى القصيده تكنها
وانا احداها حدي الاصعاب بعصيّ = واقودها قود الاديب برسنها
والحب مردوده على صاحبه سيّ = كم ضحكةٍ ونات قلبي ثمنها
اذكر سنة تسعه وتسعين هجريّ = والف وثلاثميه بداية زمنها
زلت بي الاقدام للشمس من فيّ = اقدار والاقدار تومر وتنهى
غافل وجتني من كوت خافقي كيّ = كيّت عطب لولا طبيبٍ مكنها
ابعدت مضربها عن الصدر بيديّ = ولدت على تسبدي برمحٍ طعنها
وعرفت ماتخفيه في صدرها ليّ = من واقع النظرات مني ومنها
نظرت فيها مثل نظراتها فيّ = وعجزت اقاومها وصديت عنها
كل النسا ظلما وهي بينهن ظيّ = غطّت شعاع الشمس أشعة بدنها
من الذهب تلبس خلاخيل وحليّ = سودٍ محاجرها وحمرٍ وجنها
مدري تسمى من ومنين ومن ايّ = وشهي قبيلتها وموطن سكنها
راحت وانا ما اعرف من اخبارها شيّ = الا رموز الموتر اللي حضنها
مدينةٍ من بين ابوظبي ودبيّ = لعلها كان انها هي وطنها
تمطر عليها السحب هذي ورى ذيّ = وديمٍ ليا قفى تراها ودنها [/poem]



سؤالي لـ رحيم الغنامي
ماذا يعني لك مصطلح ( توّح توّح ) ؟

هههههههههه

عبدالله بن قنيص ..
توح توح .. تعني لي ليلة من احلى الليالي واغلاها ..
لاسيما بحضور الكنق ..

سوالي لخالد الحصين ..
وش رايك في عبدالله بن قنيص؟؟

من اروع الشعراء في هذا الصرح
وعليه حبك وسبك فالبيت .. ماهوب صاحي .. الله لا يضره


هذا من الجانب الشعري !


اما بخصوص الجانب الآخر .. فـ هو كائن حي يعيش فاليابسه ويموت فالماء
يمشي على ثنتين .. ومره ينقز على وحده !
لا يختلف عن رفيق دربه المدعو / عبدربه .. ومدري وين طاحوا على بعض
وعلى قولة المثل ( حُقٍ .. عيّن طباقته ) !!
اخذ من الاحساء نقطة انطلاقه الى الشبكه العنكبوتيه .. حتى اصبح كـ الاخطبوط
اللي كل شوي طلعٍ لك منه اييييد



وعفاك





سؤالي لـ سداح
نبذه مختصره عن رحيم الغنامي .. لو سمحت

رحيّم الغنامي .. أكثر إسم يحرجني التحدث عنه بعفويه !

بداية تسجيلي في المرقاب كنت أعتقد مخطأً أنه من الواجب عدم الرد على أبن عمك أو العضو الأكثر قرابة لك !

رغم انه من رموز المرقاب أشعر بحرج من ذكر ذلك على الملا !!

كثيرا ما أتردد عند الكتابه عنه ، لكي لا يقال ( علشانه ولد عمّه )

بدأ هذا الشعور يتلاشى مع إبداع هذا الشاعر المبهر ، وجدت الغطاء لمدحه من خلال ما يقدم بالرغم أن ( رحيّم الغنامي ) ليس بحاجة لمدحي ولم يطلب مني ذلك قط

حدثني أحد الأقرباء أن رحيّم الغنامي يدخل المرقاب علشان سداح ( ما زادني فخرا ً في حديث ذلك القريب أن رحيّم تحدّث بذلك قبل أن يعرف منهو سداح ! )

أراه وفق ما أرى من أفضل خمس شعراء في هذا الصرح
لم أقرأ له قصيده لم تعجبني بكل صدق ولا دخل لصلة القربى في هذا الرأي
في المحاوره .. أدخل حتى بدون تسجيل لمتابعة محاوراته
كثيرا ما ( أهوّن ) عن طلبه خشية ً من مجابهته
رغم أني املك مفاتيح علومه المبهمه عن الكثيرين هنا .. له هيبه تمنعني من طلبه !


بسؤالك هذا يا خالد الحصيّن قد تكون أجلّت لأمد بعيد فكرة موضوع مستقل عن هذا الغنامي المبدع ، كانت تراودني منذ فترة ..

على الجانب الشخصي .. يملك الحس الغريب
قلبه وسع ( عبلة ملاوي )
الأقرب لي فكريا ً وحسيّا ً من آلاد غنّام الكرام

ومما لا يعلمه الكثير ..
بين والدي و والده أطال الله عمريهما مساجلات عدّه قبل أكثر من 25 سنه

.
.



سؤالي للغالي / سلطان الأسيمر

كيف ترى قرار تنقل المواطنين بين السعوديه والكويت بالبطاقات الشخصيّه ؟





...

:
:

ههههههههههههههههههه
أذا السؤال على (( الطاير )) ..
فالأجابة (( موقعّه )) على طول .. !!
موضوع رااااااااائع .. !!

وبالنسبة لـ (( الغنفجه )) اللي سأل عنها مبارك آل خليفه سداح ..
وتحولت لي بناءً على أتفاق مسبق مع سداح .. فأقول :

(( الغنفجه )) : مصطلح بدوي ..
أبتكر في القرن التاسع الهجري ..
وقد أبتكره بعض بدو (( نجد )) الرحّل كـ (( أسلوب )) عياره ..
هذا ماذكره (( حبيلص الأشرم )) في كتابة : (( عيارة الربع .. عند شيون الطبع )) .. !!
وأكده (( سليّم ابوعجرود )) في كتابة : (( كلام الزحفان .. عند قناصة الضبان )) .. !!

هذا بالنسبة لتاريخها ..
أما معناها فمعناها (( الهنوصه )) .. !! <-- صفقني أن عرفوا الهنوصه .. !!
وهي التمايل (( المليغ )) .. !!
وقيل (( غنفج )) اي تهنوص .. وتهنوص معناها أنه بدأ يميل .. !!
والغنفجه مقترن مع الشيون أو مع من حرموا مهارة (( الدلع )) اللي على أصولة .. !!
لذا قالت البدو : غنفجة بعير .. !!

وسلامتكم .. !!

عندي سؤال لـ (( عناد النفيعي )) :
أذا فرحت في حياتك بهدف .. وأحتسب (( تسلل )) ماذا تفعل .. ؟؟

اما الهنوووصه كثر منهاااااااااا

ههههههههههههههههههههههههههههههه

تمنيت انك ما قلت معناها على شان نشوووف من اللي يبي يعرفها


ابو حمد شكلي ابي افتح مصتفح لمثل هالكلمات ونشوف من اللي يعرفها


سلاااااااااااااااااام ووحشتنا ياراااااااااااااقل

سؤالي للغالي / سلطان الأسيمر

كيف ترى قرار تنقل المواطنين بين السعوديه والكويت بالبطاقات الشخصيّه ؟



ارررررحب ياسدااح وتوني اشوف السؤال


اقول والله ان نبطي لكن تبي الصراحه اتوقع انها عما قريب لأن العمل بها جاري على قدم وساق

وبعدين السؤال علشاني كنت بالجوازات


ابشرك كنت في حدود خضراء وهالحين حولت على الحدود الزرقاء

يعني تغير دوامي من اخضر الى ازرق