"يالايم ٍ راع الهوى تهت واخطيت" مرشد البذالي (رحمه الله تعالى)

مرقاب العز والشموخ
قصيدة من قصائد مرشد البذالي (رحمه الله تعالى)احد اضلاع مثلث برمودا الخطير شعرياً


[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]


يالقلب وش لك في كثير التناهيت=اللي مضى لك من هوى البيض كافي
شرعت في عرض الهوى ثم تعليت=يومن زله ينفع الكبد صافي
واليوم ماجت لك على ماتمنيت=الوضع الاول صار فيه اختلافي
ماينفعك هالحين ياليت ياليت=ياليت رجواً للعقول الضعافي
يالقلب هالحين استرحت وتعافيت=عن حب من كنه غزال الصيافي
قال آه لاهاد الحشا وارجهنيت=وذبيت حمل الحب كله خلافي
اما نظرت بعين والا توحيت=كلام محبوب ٍ من الخوف خافي
ذكر علي اللي مضى لي وحنيت=حنين من وهن بحبل العسافي
حطوا له الخيه قدم ثامة البيت=والالفه راحت تمارق مقافي
يالايم ٍ راع الهوى تهت واخطيت=تحمد الله يوم صرت متعافي
الحب بيح بالسدود المكاميت=والبيض ياما عذبن من سنافي
في دربهن يسبق هبوب العفاريت=وفي لازم اهله ينسدح بانجعافي
وعندي على راع المحبة تثابيت=انه فلا ينسى المحبة عيافي
وانه فلا ينسى ورى اليوم ماجيت=ياليت مانتب ياهوى البال جافي
عز الله انك مسرف ٍ في مااسويت=مير الخطية عندنا ماتشافي
وراع الهوى روس المراقيب له بيت=ماطاه من ممشاه للرجم حافي
وغربال راع الحب كثر التشاتيت=ليا صار في وسط النزيل اختلافي
ونوى على الشده رجال مشاميت=من علم طرقي ٍ من البعد لافي
يقول انا يالربع للناس مااقديت=لاشك شدوا له ترى الخير ضافي
وديان يرعن العشاير بهن هيت=وسم ٍ تدفق تابع ٍ له خرافي
الصبح يمشن الضعاين تفاخيت=واول ضعاينهم يتل الخلافي
ليا قرشن لو صحت بالصوت واوميت=مايسمعونك من صريخ الضلافي
منشارهم مع شقة النور ياشيت=ولا ينزلون الا النهار متلافي
وبالليل توحي للرعايا تصاويت=والنار ترفع بالطويل الكشافي
شاعوك ياراع المحبة وخليت=جنك تفاريق الضحى وانت غافي
لو صحت مما صاب قلبك وونيت=جرح ٍ وسم كبدك عليهم عوافي[/poem]
لكم فائق احترامي وتقديري

الاخ العزيز / راكان الروقي

قبل ابداء رأيي بموضوعك ...

اتمنى منك تصحيح اسم الشاعر من البذالي الى البذال

حيث ان البذال فرع لا يمت صلة بقبيلة البذالي ...

وللشاعر قصيدة معروفة لا تحضرني تتكلم بالفئة التي كانت تخلط الاسمين

واقصد البذال بالبذالي

ارجو من الاخوة المشرفين تصحيح العنوان

ولي عوده

راكان الروقي


شكرااا جزيلااا

شرعت في عرض الهوى ثم تعليـت
يومـن زلـه ينفـع الكبـد صافـي
واليوم ماجت لـك علـى ماتمنيـت
الوضع الاول صـار فيـه اختلافـي
ماينفعـك هالحيـن ياليـت ياليـت
ياليـت رجـواً للعقـول الضعافـي

الله يرحمه شاعر من عمالقة الشعراء


لاهنت ياراكان

راكان الروقي


امتعتنا بهذه الرائعة امتعك الله بالصحة والعافية،


رحم الله الشاعر الكبير مرشد البذال وأسكنه فسيح جناته


آمين

شاعر كبير غفر الله له

ولا هنت ياراكان

لاهنت ياراكان

.

شاعر معروف وعلم


تسلم يا راكان


.