الشيوخ(((العقايله))) والشاعرمحمد الوبيري العصيمي

[poem=font="Arial,5,blue,bold,normal" bkcolor="transparent" bkimage="" border="double,10,gray" type=2 line=1 align=center use=ex num="0,black"]
يطيب لي مدح الرجال اللي يسدون اللزوم=وأشوش لامني سمعت مع الرجال أفعالها


شيخان قوم(ن)قسمهم مشهور من بين القسوم=فوق الأشدة ما اختلف مع طول الدهرمنزالها


عقايله واخوان شيخه قسمهم شط الردوم=مثل المزون الي ترادم من شمال خيالها


تاريخهم عدا على روس الكواكب والنجوم=مواقف(ن) تحفظ لهم على امتداد أجيالها


يومنها سيف(ن) حدب على ظهر قب(ن) عزوم=تشهد لهم شبه الجزيرة سهلها وجبالها


أخذو خيار خيارها والعلم بين ومعلوم=ماجاتهم بالطيب جتهم بعد كرب حبالها


يومن راع السالفة يقول ريح ومخدوم=وإن كان عندك يا العقيلي حيلة(ن) فحتالها


السيف سله في يمينه وانتخى قرم القروم=حول براسه والدمي مع لحيته وسبالها


أمن حجيج البيت يوم الأمن في الأرض معدوم=في هيبته تأمن حياة أرواحها وأموالها


مع الحرار اللي مواكرها على روس الرجوم=حازو على كل المراجل دقها وجلالها


وولد ثمان سنين ماهو من شبا العز محروم=مطنوخ واخصامه من الطنخه شرب فنجالها


قاد السرب زيزومها حسب العوايد والسلوم=اسود وان غابت توقف في اللزوم اشبالها


وان صيح الصياح والبل جالها من شرق قوم=وقامت تلاوج ماتعرف من الجفيل عيالها


قامو على هاك المهار اللي تعدي كل لوم=قطم المحازم والمواقف من فعول رجالها


عشو من القوم المغيرة كل خفاق(ن) يحوم=تشهد لهم لظيا ليا حد الرمك خيالها


شلفا(ن) لها تاريخ وان جات السوالف والعلوم=مثل الدحولة في ضلوع المعتدي مدخالها


يوم الشريف من الطغا كنه على الغبة يعوم=الكلمة العوجا تعود في نحر من قالها

درّج علاه الحد وأزرا من محله لايقوم=يقول ذوق الموت من كفي وأنا نقالها

عديت بعض فعولهم والرجل ياقف فاللزوم=والحملة إن ثقلت تعود في ظهور جمالها




محمد الوبيري العصيمي

[/poem]

يـومـن راع السالـفـة يـقــول ريـــح ومـخــدوم
وإن كـان عنـدك يـا العقيلـي حيلـة(ن) فحتالـهـا
السيـف سلـه فـي يمينـه وانتخـى قــرم الـقـروم
حــول بـراسـه والـدمـي مــع لحيـتـه وسبـالـهـا
أمن حجيج البيت يوم الأمن فـي الأرض معـدوم
فــي هيبـتـه تـأمـن حـيـاة أرواحـهـا وأمـوالـهـا
مع الحـرار اللـي مواكرهـا علـى روس الرجـوم
حــازو عـلـى كـــل الـمـراجـل دقـهــا وجـلالـهـا



ومليون نعم


بالعقايله يستاهلون المدح




والله لا يضرك يا محمد شاعر مبدع




صح لسانك ولاهنت


تحياتي

.

محمد

يستاهلون المدح والنعم


وصح لساااااااااااااانك


.

خالد الغازي

المعذره في تاخري في الرد

وما عليك زود

وتشرفت بمرورك

وافيه ياوافي


صح لسااااانك


وبيض الله وجهك


اخووووك