مـهد الـذهـب

[align=center]السلام عليكم

واليكم هذه المتواضعه طامعا باعجابكم[/align]




[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من دافع العلم الجزيـل اقـول سلّـم ياسـلام=واجب علي ابدي مشاعـر خاطـري وابدابهـا
لاصار عندي موهبه . واجيد ترتيـب الكـلام=واجامل حـروف الكتابـه واستغـل اعرابهـا
لين الحروف اشدها واخلـف قوانيـن النظـام=حتى يدان المجـرم اللـي مايحسـب حسابهـا
يحذف عليه من التهم ويقر فـي كـل اتهـام=كله على شان الرجـال اللـي يـود اعجابهـا
وادرك مرامه حاذين حذوات مدركـة المـرام=ماقال هذي ماتجـي .. ياليـت حظـي جابهـا
اكبر هزيمه للرجل .. لاصار داخلـه انهـزام=واصغر هزيمه مـن يثـوّر بندقـه بجرابهـا
واليأس يطوي صاحبه طي الجليـب ام المقـام=لا شدّو اضعان البـدو لتـراب غيـر ترابهـا
ياموقداً . نار . الكرم . جتك . التحيه . باحترام=يفـداك رجـلاً مايقـول الـنـار ياشبابـهـا
ومن لايقول العز بخشوم البنـادق والحـزام!=ينقض كلامـه لـو تدقّـه خنجـراً بنصابهـا
والمندفن في حفرته يصعـب عليـه الانتقـام=الارض قبل الحشـر لايمكـن تثـور بمابهـا
والميّت يزيدك غبن .. والطعن بالمّيت حـرام=واهل الجهاد نفوسهـا تدفـن بنفـس ثيابهـا
حتى ذهب {مهد الذهب} مهما نقص كيلو جرام!=الارض لازالـت تحمـل ولايـزال انجابـهـا
والضلع ظاهره السواد وباطنـه شـف الانـام=اللي علـى شانـه تبيـع ام اليتيـم اقرابهـا
من ذاق لوعات الزمن . يصعب عليه الانسجام=مثل العسيف اللي عصاها مانسـت مضرابهـا
يطري عليها القيد وخباط المطـارق والخطـام=الواردات الصـادرات مـن العصـي تربابهـا
وتسل مثل المستهيمـه يـوم يطويهـا الهيـام=واللـي يطاولهـا المـرض لابـد مايغدابهـا
وان كان ردّت راسها للغارب وحـان الختـام=قولو عطايا الله من الفطـره تعـوج ارقابهـا[/poem]