اييه يا مسرى الليالي ***

السلام عليكم ورحمة الله وبركاته

اخواني اعضاء المرقاب الادبي مشاركه اتمنى ان ترقى الي ذائقتكم وان تنال القبول والرضا

والعذر كل العذر


[poem=font="Traditional Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أستميتي يا مشاااعـر خفوقـي بالوصـووف=ْوأبـردي ياالوعـة" فـي حشـاااي اتلوفهـا
أوصفي اللحظه قبـل لا تودعـك وتطـووفْْ=لحظة" مـا كـل يومـا" تجـي وانشووفهـا
صوت سيل وصوت راعد يدووف الجو دووفْْ=وشووف برقه وسط سيله حلات اوصووفهـا
حرب قوم وكن برقـه مثـل لمـع السيـوفْْ=وسـط غبتهـا وصـوت الهشييـم أدفوفهـا
فأعذب الاوقات يمكـن تسطرهـا حـرووفْْ=بس فيه اوقـات تصعـب عليـك احروفهـا
تسري افكـاري وعينـي يعذبهـا الوقـوفْْ=تنتظـر وأرموشهـا طـولـت بووقوفـهـا
فيا الاهي وانت عاطف ومن فضلك عطـوفْْ=وانـت عالـم بالنوايـا وهـي فـي جوفهـا
من جعلت اسماء وجهـك عددهـا فالكفـوفْْ=ورازق العالـم وهـي مـا تحـن أكفوفـهـا
يعبدك عشره ويعصااك عشـرااات الالـوفْْ=يـا ألآهـي وأنـت خيـرك يظـل اكتوفهـا
رحمتك في يوم عرضك وحنّا لـك ضعـووفْْ=فـي نهـارا" كـل نفسـا" تطيـب أشفوفهـا
وين أوديها وأسري معـي قلبـا" شغـووفْْ=يفتـح الخزنـه ويكشـف جـروح أرفوفهـا
عقب مـا صفيتهـا فـي معاليقـي صفـوفْْ=وأسدل الماضـي ستـار الجـروح وخوفهـا
جيـت ياليـلا" حلاتـك تذكرنـي الهـنـوفِِ=لو عصى الحاضر فاليـل الخيـااال أيطوفهـا
أأأأأيه يااا مسرى اللياااالي ولا فالقلب خووفِِ=والـدرووب أشووفهـااا والظـلام ايحوفهـا
من معزتهـا تقـوول ان فالاقـدام شـووفْْ=لـو لهـا تكثـر مطبّاتـهـا وأجرووفـهـا
أبعدتني مـن لقاااهـا مـع الدنيـا صـروفْْ=وأرتوينا من عنااااهـا وجـور أصرووفهـا
ترجع الذكرى وتاقف على بـاب الظـرووفْْ=ليين مـن دمـع المحاجـر تبلّـل صووفهـا
فأستميتي يامشااعر خفووقـي بالوصـووفْْ=وابـردي يااالوعـة" فـي حشـااي أتلوفهـا [/poem]

الله الله يا جايز



فأعذب الاوقات يمكن تسطرهـا حـرووفْْ
بس فيه اوقات تصعـب عليـك احروفهـا



يا سلام عليك



صح لسانك


ولاهنت

وعليكم السلام ورحمة الله وبركاته

مرحبا ومسهلا يا جايز الأكلبي
وحياك الله في مرقابك



أبعدتني مـن لقاااهـا مـع الدنيـا صـروفْْ
وأرتوينا مـن عنااااهـا وجـور أصرووفهـا


الله الله


صح لسانك وسلمت ،،


..

.

جايز الاكلبي

صح لسانك يا ياجايز على هذه القصيده الطيبه ، التي اجدتها .


من جعلت اسماء وجهك عددهـا فالكفـوفْْ
ورازق العالـم وهـي مـا تحـن أكفوفـهـا

اعتقد انه ليس لها اصل في الشريعة ولم يرد مايثبت ذلك لامن الكتاب ولامن السنه وانما هي مجرد نظريات وتكهنات أناس .


صح لسانك مدد وسلمت يمناك

.

مرحبا مليون يا جايز في مرقابك وبين ربعك


وعزالله العزيز اني قريت ما يروي العطش صدق .. ما شاءالله تبارك الرحمن يا جايز


صح لسانك وسلمت يمينك

اعجابي ومتابعتي

جايز .,



صح الله لسانك صح الله لسانك صح الله لسانك
عزالله اني قريت ما اشبع الذائقه
دمت بخير

جايز الاكلبي
ماقول الا لله درك على ماكتبت هنا
قصيده شامخه بما تحتوي
صح لسانك

يا سلام عليك



صح لسانك


ولاهنت

حياك الله يا جايز في منتداك و بين إخوانك
و صح الله لسانك مدد مدد
قاف عليه الكلام و شاعر عليه الكلام










أخوك/محمـــد ال عبـــدان

-



رحمتك في يوم عرضك وحنّا لـك ضعـووفْْ
في نهـارا" كـل نفسـا" تطيـب أشفوفهـا



الله واكبر





نص مليء بالشعر يا جايز



صح لسانك ولاهنت




تحياتي ومتابعتي واعجابي سوى

جايز الاكلبي




صح لسااااااااااااااااااانك وبيض الله وجهك



على هذا النص

يامرحبا يالاكلبي جايز // ترحيبةٍ تستاهل بيوتك



حياك الله ياجايز
شاعر وقاف صح
لله درّك


ونتمنى جديدك

يعبدك عشره ويعصـااك عشـرااات الالـوفْْ
يا ألآهـي وأنـت خيـرك يظـل اكتوفهـا
رحمتك في يوم عرضك وحنّا لـك ضعـووفْْ
في نهـارا" كـل نفسـا" تطيـب أشفوفهـا



ابو سعيد بيض الله وجهك على هالنص


وهذا مكانك وبين اخوانك والله يحييك يابو سعيد


وصح السانك مدد بلا عدد


وشهادتي مجروحه لاعدمتك


نرتقب القادم مع روعة الحاضر



لك فائق تقديري وودي واحترامي

تركي البادي

صح الله قلبك يالقرم

وتواجد اعتز به

لاخلا ولا عدم

سداح

الله يبقيك يالقرم

وصح بدنك

اشاده اعتز بها

تحياتي لك

اخوك

جايز




حياك وبياك الله .. ومصافحه توآكد لكَ متابعتنا المستمره




صح لسانك مليار ولاهنت

وعليكم السلام ورحمة الله وبركاته
هلا اخوي جايز
مرحبا ومسهلا الله يحييك
وصح لسانك لاهنت
قصيده رائعه

فأعذب الاوقات يمكن تسطرهـا حـرووفْْ
بس فيه اوقات تصعـب عليـك احروفهـا


صح السانك يا جايز ولاهنت

لاهنت ياجايز




صح لسانك




ولاهنت

عدنان مرضي


صح بدنك وتواجدك اسعدني

والبيت اللي ذكرت مصداقيته او عدمها يعلمه الله

ونحن نعلم ان هناك الكثير والكثير من القدره الالاهيه التي

لا نعلمها

(وما اتيتو من العلم الا قليلا )

وربما تكون هذه المقوله صحيحه كون الله قادر

على ذلك

شكرا لك من جديد اخوي واسعدني مرورك

تحيتي وتقديري

[align=center]ناصر مناحي

صح بدنك يالغالي

وتواجدك بحد ذاته شرف طال عمرك

والشكر لك

اخوك [/align]

فراج القرقاح


ارحب الله يحييك

وتواجدك اسعدني

ومرورك شرف طال عمرك

تحيتي وتقديري لك