احمد بدير يا فهد بن عبدان وحسين الجسمي يا علي مبارك..!!

السلام عليكم

مساء الخير يا وجيه الخير

رن الجوال عندي .. رقم جديد .. والصوت ناعم

هي قالت ألووووووو .. وأنا ضيعت اليمه وقمت ابث علومي ..!!

واثاريه جهاز ومقلب من واحد .. ما راح اعلمكم اسمه وانه (( علي مبارك ))

::::::::::::::::::::::

[poem=font="Arial,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
قالت ألو .. هلا .. تفضل .. عسى خير= أنته منو .. ومْنين عيّنت رقمي ..؟!!
قلت اصبري .. ابغى اتذكر وش يصير = أنا منو .. ؟! سبّـتـك ضيعت بأسمي ..!!
قالت اشوفك تلعب أظنـّك صغير= قلت اسمعيني صار بالقلب سقمي
قالت توكـّل قلت في الأمر تيسير=قالت عتيبي ..؟!! قلت ولا نيب عجمي ..!!
قالت ترى زوّدتها يا احمد بدير =قلت الحقيقه اشبه حسين جسمي(( ما كذبت عليها احب الصراحه ))
قالت أنا تاج الحلا والغنادير=قلت ارحمي قلب ٍ ركز فيه سهمي
قالت يا بوي اذلف ويا منتهي طير=قلت العفو ما كان ذا فيك عشمي (( من هنا بدت الهوشه ))
قالت شسوي لك عسى عمرك قصير=قلت اعقلي يا بنت نفسي بخشمي(( قنبعت هنا ))
قالت ترى عندي اخوان ٍ مناعير=قلت افتديك اليوم دمّي ولحمي (( يا سلام فحل ))
قالت أخاف كليب أو سالم الزير=قلت اقوى من عنتر وانا صلب عظمي (( سلملي على عنتر ))
قالت((حسن))مكشوف خل المعاذير=أنا(( علي )) وش فيك ضيّعت رقمي(( تغيرالصوت وضاق خلقي))
واثره جهاز ٍ خدّر القلب تخدير = وأنا من اقصى القلب بيّحت علمي (( حسبي الله ونعم الوكيل ))[/poem]

:::::::::::::::::::
وسلامتكم .. والله يعين اللي قلبه اخضر ..!!

اخوكم .. اللي شرب المقلب .. حسن بن علي الهاجري