███▓▒░ ! مسجات العمودي 2011 (2) ! ░▒▓███

كل ما يكتب هنا قابل للخطأ وقابل للصواب
ولكن فوق كل هذا انا مقتنع به
لنبدأ ..
(( بسم الله الرحمن الرحيم ))





كل عام وانتي بخير ياديرةالخير
في ظل شيخٍ نال تقدير الالباب
في حكمةالقايد وحب الجماهير
تسلحي ضد التحدي والارهاب
بأمان عيشي لو تهب الاعاصير
ماحركّت من هيبتك روس الاهداب




وليد العمودي

ياشيخ لا ياشيخ حنا لك صدور
فيك نتنفس من مشاوير شرواك
عسى حياتك كلها نور في نور
وابعد عن الشيشه عسى الروح تفداك
يحميك ربي من هلا الكذب والزور
من شاعرٍ ضمن المخاليق ينخاك
ياشيخ كلٍ يتفخر فيك مسرور
خل عنك الدخان بس لاعدمناك


وليد العمودي

سلمي على كل الاهل والجماعه
وبلغي لهم كل احترامٍ وتقدير
واسف على اخطائي وزود القطاعه
والله يرحم ذيك الايام بالخيـر
مبروك قلبي قالها من قناعـه
ياللي غلاتك عن جميع البشر ..غير



وليد العمودي

ابيات في المرحوم الشيخ الشاعر: عبدالعزيز سعود الصباح




يرحمك ياشيخٍ توفى على طيب
الكل يثني فيه من وين ما راح
شاعر حكيم ومبدأه خالي العيب
دايم قصيده فيه تعليم واصلاح
عساه بالجنه بزين المراتيب
بين الحواري جالس بخير مرتاح



وليد العمودي

عاشت يمينك يا امير السياسه
ياسيّد الحكمه وشيخ القوانين
شعبك رضابك يازعيم الفراسه
ان كان سلم او رحب او عسر او لين
طيب الاهل لاهله وربعه وناسه
وانت الذي بالطيب تسوى ملايين

شكرا من الروح للروح

هذا رفيجي شرايكم فيه قولوا ماشاء الله

علامك علامك شايله همك وضيمك..
عليّه ,وقلتي ما ابي مْنك رديــّه
نسيتي نسيتي واختلط مدحك وذمك..؟
عسى مايجيك غرور وانتي تــوّك بنيّه..
انا كان ودي يندمج دمي ودمك..
ونبقى يدٍ وحده وكلٍٍ على نيــّه..
ابىَ اكون ضد اللي يبي هدمك وردمك
ونفسي ابيك انتي...شجاعه شماليّه
كفايه كفايه صدتك..وانحذف سهمك
وصــوّب خفوقي ماحسبتك انانيّه
انا جيت هادي واندفعتي على همك..
انا جيت اوضّح لك اموري علانيّه
ولكن ولكن للاسف صاح بي فمك..
انا ما ابي مابي ..كفايه منك رديّه
قبل لااختم ابياتي ولااقدر على لمّك
ترى لا ضرب مخي يفوق الجنونيه

الى وزير الداخليه السابق المستشار الشيخ/
محمد الخالد الصباح المحترم
يامحمد الخالد ابد ما نسيناك
ذكرك وصيتك كل يومٍ وليله
دايم على بالي خيالك وطرياك
يابو الفعول الطيّبه والجليله
الكل يذكر فعلك وطيب مجناك
مواقفك جزله وتبقى جزيله
ياعز منهو جاك في يوم ينخاك
يلقى المعزه والكرم والفضيله
وقليل منهو بالتواصيف شرواك
يفدونك اصحاب اليدين البخيله
وكثير منهو يختلف عن مزاياك
يانادرٍ فيك الصفات الجميله
من طيب تاريخك ومن طيـب مـرباك
تتذكـرك كـل الـرجال الاصـيله
ناكر وجاهـل مـن نسـى يوم ذكراك
تبقى وتبقـى دوم راع الطــويـله

الشاعر / وليد العمودي

النائب الأول لرئيس مجلس الوزراء ووزير الدفاع الكويتي

الشيخ \ جابر المبارك الحمد الصباح

صوّب على المعتدين ولا يهمونك


حنا حماة الوطن في كل الاحوالي


صوّب تراهم من الطلقه يهابونك


ياللي يمينك من المعروف تنهالي


بالعز مافيه لا مثلك ولا لونك


بالعـز يا سيدي لك منزلٍ عالي


الجد والعلم والاحلام بعيونك


وشلون ماتنتصر ياطيّب الفالي


الشعب ياطيّب الوقفه ..يحبونك


يحميك ربي من الحساد ياغالي

وليد العمودي

في احدى الامسيات التقيت بأحد الاثرياء الذين طغت عليهم النعمه ونسوا التاريخ وكنت ارتدي شماغ احمر مزكرش فقال الثري :ماهذا الشماغ قلت هذا الشماغ من الاردن قال الثري :اول مره اشوف شئ مصدره من الاردن
.

امتاز في كبر الهدب وامتاز في صغر النقوش \\

يومٍ من الايام تاجٍ للفقير وللغني

قال العميل اللي مركّب شعر ومركب رموش \\

للمره الاولى تشوف العين مصنوع اردني

** ** **

قلت العفو يافارس البث الفضائي والدشوش \\

ايام عمرك يوم باريسي ويومٍ لندني

حضارة البترول زادت بالخزانات القروش \\

وقامت بتلميع الاظافر والنحاس المعدني

** ** **

الاردن اللي علّم الامه مهارات الجيوش \\

ابو رديّن شهرته عند الاقاصي والدني

المدفع اللي منه تزداد الجنايز بالنعوش \\

ضيّق على الاعداء مساحات الطموح الهيمني

** ** **

غصبٍ على الوجه المقنع والمعبّس والبشوش \\

اول بلد يستقبل النهضه وفيها يعتني

صدّر لنا عدة علومٍ نافعه ماهي رتوش \\

كم تجربةٍ علمٍ طلع منها بعلمٍ ذوعني

** ** **

معقل بني هاشم عروش المجد واسياد العروش \\

تحنى لهم روس الجبال وروسهم ماتنحني

.

.

وليد العمودي

قلتها في عامر السحلول مقدم ديوانية شعراء النبط :
لاهنت ياعامر السحلول
ياذخرنا حزة الشده
مقدم وشاعر ومسؤول
بالشعر شعرك منو قده
ياطيب الذات فعل وقول
فيك الوفا واصلٍ حده
من ضاع يلقى معاك حلول
يرتاح من باح لك سده


وليد العمودي

ديوان ينطر جيتّك بس لو يوم
وديوان ترجع ماتجيه اتعناه
وديوان تلقى فيه ضيقات وهموم
وديوان يطرد عنك كل المعاناه
وديوان لو جيته مقدّر ومحشوم
وديوان تقديره عسى الليْ يلواه
وديوان تنحش منه مبلي ومضيوم
وديوان ماودك رجولك تعداه
وديوان راعيّه على الطيب مفطوم
وديوان ماتعطي من الخير يمناه
وديوان كذب وغش وعلومه علوم
وديوان تفخر في حديثه وطرياه

وليد العمودي


مشروع قصيده لم تكتمل

الزواج شعور حسي لايضاهي
واجمل احساس الرجل لذه زواجه
ابرك امن اللي تمغط بالمقاهي
ويكشف الحر النداوي والدجاجه

من كان في قلبه تكبّر على الناس
مايدخل الجنه ولا شاف اهلها
محدٍ يبي قربه ولا شاف الاوناس
وديره يبي ناسٍ بها مانزلها
منبوذ حاله كله اتعاس بإتعاس
ولو كان يحلم حاجته ماوصلها


وليد العمودي

وليد العمودي:
نقول البدايه والبدايه كريمه
على الله نبدى كل شئ على الله
عسى ياعمر عندك حلال اليتيمه
حلال اليتيمه ضاع دقه وجله
عمر اللهيميد:
اشوف العمودي ياعسى الله يديمه
يسلمّ وانا اقول البقا في محله
تموت الضحايا والعواقب وخيمه
واشوف اليتيمه بين مذهب ومله
وليد:
يقولون كل الناس للشئ قيمه
واذا زاد عن حده ترانا نمله
ترى مرضعة نبي ربي حليمه
واذا فيه غير القول لله لله
عمر:
تعبنا على الدنيا نسوق العزيمه
عسى الله يغفر كل ذنبٍ وزله
سفير الحرم في وسط مصر القديمه
وابو الهول عينه في مصر مسفهله
....
وليد:
اذا الكل قال اللي تقولون شيمه
تطيب الجروح وترجع المستحله
دروب الوفا لا جيتها مستقيمه
ودرب المصالح كل شخصن يدله
عمر:
اصنفك من ضمن العقول الفهيمه
ودنياك شجره كلنا تحت ظله
حذارى تصاحب في زمانك بهيمه
ولا تفرح اليا لمعوّك المجله

قصرت في وصلك كثير وتماديت=

والوقت مايرحم والايام تجري

حنيت لايامي معك حيل حنيت=

ياللي غلاك بداخل الدم يسري

لاتحسبني يوم عنك تخليت=

تعرف غلاتك وانت والله تدري

.

.

وليد العمودي

الغرفه من دونك ظلام وهواجيس
البرد بظلوعي ولو بالحـشا نار
( وردية الاحلام ) صارت كوابيس
لا ليلي صاير ليل \ ولاْانهاريْ نْهار
.,
.,
وليد العمودي