قصيدة ترحيبية بالشيخ سليمان السياري بمركز شبيرمه

قصيدة ترحيبية بالشيخ سليمان بن عبدالعزيز السياري واخوانه وابنائه وأصدقائه للشيخ نايف بن رازن بمركز شبيرمه بتاريخ 16/8/1436

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
للشعر وقفة في حضور العزيزين = يجسد غلا الغالي وكل احترامه
وانا قصيدي في حماة الحرمين = وعن العقيده ما تراخى حزامه
وفيض المشاعر للوطن تبهج العين = واصدق مشاعر في المليك ومقامه
سلمان عز الدار والشعب والدين= خامس ملك بعد الزعيم ونظامه
المنجزاته يشهدن البراهين = وتشهد قراراته بقصر اليمامه
قاد الوطن وارسى السفينه على الزين = والحزم اساس المرجله والزعامه
بالمختصر ماقصر سنين وسنين = ولا يلحقه من كل شعبه ملامه
ولزيارة الطيب طليق الحجاجين = الشعر ياقف ما تراعد عظامه
جزل القوافي للنشاما عناوين = ترسم على وجيه الحضور ابتسامه
بشبيرمه فاحت زهور البستاين =وللعود الازرق فسي سماها ازدحامه
ومبدـأ كلامي ياسليل االسلاطين = تحية الدين القويم وسلامه
حييت ياسليمان نسل الميامين = ياذروة المجد التليد وسنامه
ترحيبن ا زكى من نسيم الرياحين = والذ من ذوب العسل في تمامه
واغلى بسوقه من رصيد الملايين = ينصاك ياسليمان قدر وكرامه
قدرك كبير وراجحن بالموازين = وفالقلب منحوتن غلاه وغرامه
وجهك بشوش وفي جنابك حلا لين = والجود في كفك مبنن خيامه
والشاهد الله منزلك بين ضلعين = فالقلب يبفى لين يوم القيامه
انته يابو عبدالعزيز احمر العين = جمعت مع طيب الفعول استقامه
تزها نعم ياملتجى من شكا البين= وتدرك مرامك لا عصبت العمامه
تشهد على جودك كبار الدوواين = في بنجد والا في طوارف تهامه
حكمه ودين وبعد نظره وتثمين = للموقف الطيب بجل اهتمامه
يابو اليتامى والضعوف والمساكين= رمز االمروه والكرم والشهامه
تعطي بلا منه وتطلق مساجين = في غرب نجد وفي جنوبه وشامه
تشيل ماشالت متون البعارين = ولا تلتفت لهل الردا والنمامه
يذكرك مرهونن لحكم ابو حدين = قرب قصاصه واقرب الناس ضامه
مثل العسيري يوم ذاق الامرين = وهمه من البلوى يكدر منامه
بذلت جاهك والمشاكل براكين = وفكيت قيده واهتنى بالسلامه
وتشرف بني خالد بكل الميادين= من طيب راسك عشت مرفوع هامه
مفروض تندب ياسليمان ابوخيرين = وتنقش (نعم )من فوق يمناك شامه
يامرحبا بك في رحاب الوفيين = من هاجسن بالصدر زاد احتدامه
يعم ترحيبي لكل المسمين = اعداد ماهلت ثعول الغمامه
نواف بن رازن
[/poem]
[/poem]