قلت للضيق : حييت (للشاعر/ فهد محمد المقبل)

أخواني المرقابيون الأعزاء..
أبارك لكم بهذا الشهر الكريم وأتمنى أن يكون الجميع بصحة ..
أضع بكل تواضع أمامكم هذه القصيدة التي أبدع فيها صديقي
الشاعر الرائع / فهد بن محمد المقبل التميمي ودائماً أحرص على طرح جديده
في منتديات المرقاب لثقتي المطلقة بأذواقكم الرائعه والتي لاتقل روعة عن
هذا النص الجميل وأترككم معه:

[poem=font="Simplified Arabic,7,firebrick,bold,italic" bkcolor="transparent" bkimage="backgrounds/26.gif" border="double,7,red" type=2 line=0 align=center use=ex num="0,black""]
لاضاق صدري قلت للضيق حييت=حييت ياراع الوفا والجماله
وأكبر جميله منك قطع السباريت=لولاك ماشغّلت جيب الوكاله
وسجيت رجلي لين فالبر ضحيت=في جيب لكزس سِعد منهو حلاله
نعم الخوي كانك مع الدرب خاويت=أيدلّه السواق لو هو لحاله
وأخذت لي فالبر سجّه وصديت=صديت عن قولة ( يقولون: قاله)
اللي يقرب شعلة النار للزيت=راع النمايم والحسد والنذاله
هذا يشتت شمل الاجواد تشتيت=واللي سلم منّه كسب راس ماله
وادخل على الله من هروج الهماليت=تلقى لها غيري زبون وبقاله
وانا لواسمع هرج الانذال طقيت =أما جنوب الدار وألا شماله
والعب على المسحوب واصخر البيت = تصخير عودٍ صخّر أطيب عياله
في خدمته ماقال لولا ولا ليت=دايم يباري العود كنّه ظلاله
وياهمْ لو عنّي تغيّبت وأقفيت=لابد ماترسل عليّه رساله
علي حق مواصلك كانك ابطيت=وعليك حق المعرفه والزماله
[/poem]

يا مرحبا ومسهلا يا سعد الشويب

كل عام وانت بخير ومبارك عليك الشهر الفضيل

قصيدة من خيار الشعر فعلا

صح لسان الشاعر القدير .. فهد بن محمد المقبل التميمي

ولاهنت ،،

..

صح لسان شاعرها

ولا هنت يا سعد


كل عام وانت بخير



تحياتي


..

صح لسان شاعرها

مشكور على الايراد يالشويب

مبدعنا الغالي / سداح
مرورك اعطى قيمة حقيقية للمشاركة
فلك مني جزيل الشكر

اخوي / محمد بلال
كل عام وانت طيب
صح بدنك وشاكر لك مرورك العطر

الاخ / فارس مرداس
صح بدنك ولاهنت على المرور المشرف

*

صح لسآن الشاعر // فهد المقبل

وكل الشكر لك ياسعد

يا مرحبا ومسهلا يا سعد الشويب

كل عام وانت بخير ومبارك عليك الشهر الفضيل

قصيدة من خيار الشعر فعلا

صح لسان الشاعر القدير .. فهد بن محمد المقبل التميمي

ولاهنت ،،

..

الأخت الفاضله / النيره
شكرا على المرور

الاخ /عبدالله بن علي
كل عام وانت طيب
شاكر لك الاطراء الجميل للقصيده وتستحق هي وشاعرها

وياهمْ لـو عنّـي تغيّبـت وأقفيـت
لابـد ماترسـل علـيّـه رسـالـه
علي حق مواصلـك كانـك ابطيـت
وعليـك حـق المعرفـه والزمالـه


الله الله

صح لسان التميمي

ولاهان ولا هنت يالشويب على الاختيار والنقل الجميلين

اخوك