إنفولونزا الخنازير !

أسعد الله أوقاتكم بكل خير

متواضعة ، بس ألبسوا كمامات قبل تقرونها

يالله عسى ماصار رحمه وتكفير = ويالله عساها شدَّة أيام وتزول

عقب انتشار إنفولونزا الخنازير = ماعاد ندري وش نسوي وش نقول

دب الهلع في الناس ، والناس ماغير = تتابع الأخبار وتصول ، وتجول

شفهم على أبواب المشافي طوابير = أمة بشر ما بين صاحي ومهبول

هذاك دوب إنه على رجله يسير = وهذاك متكمم وفي يده ( ديتول )

وهذاك جيبه ممتلٍ بالقصادير = ما بين ( تام فلو ) وإلا ( بنادول )

وهذاك لو يعطس أحد يعكس السير = وهذا يسلم مثل تسليمة الزول

ساد القلق والخوف من غير تبرير = وأصبح مصير الناس ياناس مجهول

كله من اللي يصدرون التقارير = اللي يزيدون حمل ، جور وحمول

قالوا شفافية وقلنا خبر خير = مير الشفافية غدت نكبة إيلول

وقالوا مازال الوضع وفق المعايير = والقائمة كل يوم عن يومٍ تطول

ماعندهم للي يصير أي تفسير = وللمشكلة ما عندهم أيَّة حلول

كل يوم تصريح ، ومقالة ، وتحذير = ولا منهم اللي جاب له حل معقول

أحدٍ يقول نساير الوضع ويسير = وأحدٍ يبا يلغي الدراسة على طول

وأحدٍ يقول الحل الأول والآخير = العيش في جوٍ عن الناس معزول

وجاك اللقاح ! وجتك معه المحاذير = وصارت قضية بين ناقل ومنقول

ومن عقبها ماعاد ندري وش يصير = وخبر جهينة دونه الباب مقفول

بعد الشفافية وكثر التعابير = وفي ظل حاجتنا لتوضيح مأمول

صرنا على الكلمة نسوق التباشير = اللي تفض جدالنا بصحة القول ؟

علامة استفهام من غير تعبير = ترسم على صورة وجه كل مسؤول

ويا مدورين الحل من دون تفكير = عندي لكم حل مناسب ، ومقبول

يعمل على شاشات الإعلام تصوير = لمسؤول بارز له مكانة ومدلول

ويعطى اللقاح أمام كل الجماهير = وصلى الله وسلم على خير مرسول

وكذا نقـفل باب كل التفاسير = ولغز اللقاح يصير للناس محلول

تم الكلام ولا بقى غير تذكير = وأنا صدوق إحساس وأخاطب عقول

تحذير ما نجَّى من الموت تحذير = ولا ردَّت المقسوم حبَّة بنادول

أتمنى من الأخوة المشرفين تنسيق القصيدة لأنني لم أتمكن من ذلك

صح لسانك يانايف


الله يحمي المسلمين ويبعد عنهم كل مكروه

الله الله الله الله الله الله

اللهم صلي وسلم على رسول الله
وماشاء الله تبارك الوهاب

شاعرنا المذهل / نايف معلا

يسعد مساك يا بومعلا ومنوّر مرقابك

كعادة حضورك مغاير بكل المقاييس
تناولت علة الخنزير التي تناقلتها اجساد البشر بصورة بليغة وبشعر محكم وإبداع معهود

ويا مدورين الحل من دون تفكير = عندي لكم حل مناسب ، ومقبول

يعمل على شاشات الإعلام تصوير = لمسؤول بارز له مكانة ومدلول

ويعطى اللقاح أمام كل الجماهير = وصلى الله وسلم على خير مرسول


هههههههههههههههههههه

ماش طب يا بومعلا

عندنا في الكويت عملوا بحلك المقترح وصوّر وزير الصحة واعضاء الحكومه ونواب الشعب على الهواء مباشرة بعد وهم ياخذون العقار

ولازالت الناس في خذها وذقها من الخنزير وعقاره



لله درك من شاعر عظيم

وصح لسانك بلا عدد ،،،،

..

,’,
\\

الله الله , يابن معـــــــــلا ,

صح لسانكِ على , تِلك , الرآآئعه , التي تُحاكي , الحال ,

هذاك دوب إنه على رجله يسير = وهذاك متكمم وفي يده ( ديتول )


وهذاك جيبه ممتلٍ بالقصادير = ما بين ( تام فلو ) وإلا ( بنادول )


وهذاك لو يعطس أحد يعكس السير = وهذا يسلم مثل تسليمة الزول


الله أكبر , يابن معلا ,

كل بيت عن قصيده ,

بساااااااتين شكر , وهاك سلامي , مقروناً بدعائي , لك بالتوفيق ,

فيلسوف الشعر
منطلق الابداع
ومحور التميز
الراقي
نايف معلا
صح السانك وكل كيانك
نص الشاعر المحترف
نص توعوي الشكل
قوي وراقي المضمون
الله لايضرك

/
\
/
هـــدآآآآف

صح لسانك أو نقول ماترى باس !!؟؟ ههههه

إبداع وتستحق الشكر عليه

وموغريبه منك

نايف معلا


صح لسانك مدد .. ولا هنت


تحيااتي

..

يا سلام يا سلام

صح لسانك يا ابو معلا

و بيض الله وجهك

على هالنص الجميل

احترامي

ابو معلا


تشرفت بسماعها


صح لسانك مليوووون قصيدة كايفه عز الله



لك فائق احترامي وتقديري ...!!

ابو معلاااا


صح لساانك
صح لساانك

هذا الشعر اللي على الفطرة
بدوون تكلف لاااهنت
تقبل مروووري واعجاابي

ا

نايف معلا


صح لسانكـ وحمانا الله واياكم منها ومن اللي بتجي السنه الجايه


هي كل سنه لها مسمى بس الله يستر لا يحطونها في المغاتير
هههههههه


صح لسانك يامبدع



تحياتي لك

صح لسانك يانايف


الله يحمي المسلمين ويبعد عنهم كل مكروه

صح لسااااانك يايف


متميز دائما

والله يحمي المسلمين من كل مكروه

لا يصيبنا الا ما كتب الله لنا يا ابن عمي

بس

صح لسانك مدد شاعر وشعرك ينومس ويطرب

لا عدمتك

صحّ لسانك يا عمّ فيّان ،
الله يحمينا ويّاك والمسلمين من كل مكروهـ ،

صح لسااااااااااااااانك يابو معلا

الله يكفينا شر هالمرض المصطنع

تحياتي يابرنس

عبد العزيز المغيري

صح بدنك

وشكراً

نايف معلا :

صح لسانك على هذه القصيدة الرائعة بحق .

تناولت القضية بتفصيل جميل وعبارات سلسة وتصوير دقيق من كافة الجوانب .

نسأل الله أن يجنب البلاد والعباد الأمراض وسيء الأسقام .

بالنسبة للتنسيق : فيبدو لي أنك نسخت القصيدة من (الوورد) أو من مكان آخر ثم
ألصقتها هنا , في هذه الحالة لن يعمل المنسق , ولكن ينبغي كتابة القصيدة من جديد في
المتصفح ومن ثم تنسيقها , هذا حسب علمي والله أعلم .

دكتورنا سداح
يا أخي الكريم أنت مرورك بحد ذاته ( شرف ) فما بالك بـ إشادتك !
فشكراً أبد الآبدين
وبالنسبة للعلة المذكورة أعلاه ، فأسأل الله عز وجل أن يقضي عليها عاجلاً غير آجل ، ويحفظ جميع المسلمين منها.
أما البعد الذي أرمي إليه من الحل المطروح في القصيدة فهو طمأنة الناس من أعراض اللقاح .
فبعد أن قام وزير الصحة بأخذ اللقاح هو وابنته على الملأ ، فقد أغلق نافذة التقصير التي كانت مشرَّعة أياماً وليالي .
فـ شكراً ابن ربيعة
وشكراً سداح

مصلح بن نميان

أشكر لك ما تفضلت به
وأعتز بحضورك الذي أسعدني كثيراً

فـ شكراً إلى مالانهاية


تحيتي وتقديري

فهد فيصل

صح كلك

وأشكر لك هذه الإشادة التي أعتز بها


تحيتي وتقديري