<>أحلام ورديه<>

السلام عليكم

لمواصلة الركب في هذى الصرح الشامخ لدي نص دفعه حب التواصل هنا


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الضيقه اللي بوسط الصدر..مخفيه=والعبره اللي لا سلتني ولا سالت
حاولت أكابر..وحدتني علانيه=وأغمضت عيني حزن..وأنسابت ومالت
في صدر..من بيحت دنياه خافيه=حروب بقعا عليه بجيشها أتوالت
والعلم ماهو على أم عيون سحريه=اللي تغنج دلال..بزينها الفالت
لاوالله ألا عمر..وأحلام ورديه=أقفى عليها الزمان وصالت وجالت
وأحلامي اللي بدت قطعه جليديه=ذابت..وعن منحنى مسارها حالت
قوافل الضيق لا جات أرتجاليه=تنسف بقلب الجريح وموته أن طالت
يارب..عبدك يدرجها على النيه=لا تشمت أعداه..وألجمها ليا قالت
صخر له من الصبر قوه ألاهيه=وده يجود سنين ٍ حبلها فالت
أبسط أمانيه..عايشها خياليه=والناس بعده..يهنيها بما نالت
أنصفه..من عالم ٍ شالت كراهيه=لو بيدها الكون من موقعه له شالت
ناس ٍ تجيد النذاله..بأحترافيه=ياويلها بساعة المكيال..لن كالت
زينة حياة الفتى لا صارت أضحيه=نفسيته والنفس..من ماحصل عالت
[/poem]


ودمتم بخير..