تفاصيل كانت !!

يسعدني مرور قلوبكم هُنا




كما


اتمنى ان يرسم القلم .. صور الألم على هذا الجدار ..!!


.
.
.

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
من حكمة الخالق وكيل المظاليم=هل المطر من يوم لوحَة يمناك

ترا المطر هذا ماهو ماي من غيم=هذي السما تبكي على حر فرقاك[/poem]



.
.
.

.
.
.



كنت الوطن





[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
صحيح انا مشتاق وابغى وجودك=واموت من فرقاك واحيا بذكراك
(ياقاتل الأشواق)( سيفك جحودك)=اسرفت في حبك ولا أجهل خطاياك
كنت الوطن وضلوع صدري حدودك=واليوم حطمت الحدود بسواياك
جفيتني واخلفت ماضي عهودك=ادرى جروح القلب واقول تفداك
ماني بمستغرب جفاك وصدودك=بس الغريبه كيف ما اقدر انساك؟ [/poem]


.
.
.

عجزت أعبر !!


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]



على غصن الغرام اللي ذوا حطت طيور الشوق=بعد ما هبت رياح الحنين وهاضت أشجاني

تناسيت الجروح ومابقى فالخاطر المخنوق=سوا حلم السنين اللي رسمته ما تناساني

اجامل وابتسم للناس ماكني لحقني عوق=حبيس الصمت اداري دمعتي وأخفي احزاني

تكابرت الهقاوي والهقاوي أصغر امن الموق=صدمني واقعي مدري من المجني من الجاني؟

انا في داخلي شي ٍ عجزت اعبَره منطوق=تضيعني دروبي والزمان الشين عنَاني

حبيبي حبنا ثوب ٍ من الأيام فيه فتوق=نرقع ما نرقع مايفيد وعمرنا فاني [/poem]


.
.
.
.

.
.
.





سماك ما تمطر وصل
. . . وعيون قلبك ما تشوف

من يوم نجمك ما أفل
. . . وأحزان قلبي ما تروف

ما يقدر همومي جبل
. . .وما تمسح دموعي كفوف

طلبت من وقتي أمل !!
. . .أقطع به أيدين الظروف

والوقت تمتم في خجل
. . .وشلون وجروحك ألوف؟

.
.
.

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]

ما رجع ذاك الحبيب / وما حصل لي وأنتظرته=بين لوعات الزمان وبين قربه وأحتماله

أيه والذكرى تهز القلب يا ليل ٍ سهرته=ما رويت الا الفراق وما ضميت الا وصاله

لو كسبت أحلام عمري ما بكيت اللي خسرته=ميت ٍ مثل الشجر واللي بقى منه ظلاله

ولو بقى في ذكرياتي شيء يستاهل ذكرته=(عاشق ٍ) حظه تعيس (وشاعر ٍ) واسع خياله[/poem]





.
.
.

.
.
.






يا رحلتي طالت علي المسافات

. . . . والعمر ميراده هموم وغرابيل

حزين وضلوعي ملآها التنهات

. . . . وعن قصة عيوني تبوح المناديل

صدري يفوح أوجاع وأحزان وآهات

. . . . ومن لوعتي والوقت ماعاد بي حيل


أنا بعد موت الامل والطموحات

. . . . ضايع وأبي اجمع شتات التفاصيل





.
.
.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
أبرمي أطراف حزني فوق جال السنين=عساني القى عن جروحي ملاذ ومكان


ناديت بأسم المحبه ونزلت دمعتين =من عيني اللي تشوفك امنيات وامان


وجيتك من الذكريات يسوق رجلي حنين=أكذّب الواقع الموجع .. وظلم الزمان [/poem]







.
.
.

.

.

.





من علّم الشمس تذكرني بوقت الشروق
ما علّم الشمس تنساني بوقت الغياب ..؟

اللي عطيته خفوق ., وما عطاني خفوق
واللي هقيته حقيقه ., وأكتشفته سراب

ما كنت الاحظ ألاعيبه .. وأشوفه صدوق
زليت في طيبتي ., وأعميت عين الصواب


أسقيت حبه من دموعي .. ودم العروق
وأسقاني الهم ..من كاس الشقا والعذاب


دامه جفاني وانا مشتاق وصله وأتوق
وش يزعله يا سنيني لو جفاه العتاب ؟


عزاي بأني وفيته .. ما جهلت الحقوق
والأرض ما تقدر تجازي حقوق السحاب

غنيت من ضيقتي والقلب مكسور
وجروح الايام ما يلحق مداها


وش قيمة القلب دون احساس وشعور؟
غايب / والاحباب فرقاها حداها


وش قيمة الوصل دام الحب مقبور؟
وبروق الاحزان لاحت في سماها


يا قاتل الشوق قبل أقول مشكور
بقالي الكلمه اللي في خفاها


لا تتصل بي حبيبي منت مجبور
أحلامنا ماتت ومتنا معاها ..

شعري من شعوري ومن نسج الألهام
متفردا بالصدق ما يآخذه دين

حبيبتي والبوح جادت به .. أقلام
كتبت ما تقرين بالقلب والعين

رحتي بعيد هناك عني من العام
متى أشوفك بالسلامه تعودين؟

ما هو غريب ان جيت عاتب ولوام
بس الغريب ان قلت غيرك كثيرين

مديت لك كف الوصل .. رغم الآلآم
وانتي ... تزيدين الجفا ما تحسين

طير الفرح عقبك لزم عشه ونام
وانا لزمت الحزن من حين ل حين

كنتي مثل مرسى .. وانا مركب احلام
ألوذ بك وأشكي .. تعب رحلة سنين !!

وكنتي سراج الروح .. في ليل الأوهام
ما تضحكين بوجه الاقدار .. وتشين ..!

كنتي تحصدين الوفا حب وهيام
وأشوف بك وجه القمر لو تطلين

كان أمس بس اليوم .. يا ظلم الأيام
دارت علي .. وما بقت لي عناوين !!



.
.
.

يا طير غرد عن الفرقا وطول الهجير
مادام شجرة (وفا العشاق) غادرتها


دريت بأن الحزن آخر دروب المصير
من يوم غابت عن عيوني وفارقتها


يا وقت انا بعدها عايش ولكن ضرير
تموت الأحلام في قلبي ما حققتها


اهديتها من (صدوق الحب)نفح العبير
واهدتني الصدمه اللي ما توقعتها


يا قلب لا تكثر الشرهه وخلك كبير
خطاي بأني على النيه وصدقتها




.
.
.
.

.
.


يا برد الليل يا طول المسافه
يا درب ٍ ما جهلته لجل اخافه

اشوفك واقع ٍ عاشه كياني
واشوفك حلم واشوفك خرافه

الا يا وقت كافي من جروحك
جروح القلب ما تحتاج اضافه

انا قلبي شكى من جور خله
سوات النهر يشكى من جفافه

شعوري هو شعوري ماتغيّر
احب الوصل والا البُعد اعافه

حبيبي غاب مدري وين داره؟
عليه اسوق وجدي والحسافه

وعليه اهل دمعي كل ليله
وعليه الشعر ولحونه وقافه

الا يا وقت ليته بس يرجع
ويترك كل ماضينا خلافه

واذا مرتاح في بعدي وهجري
يرد القلب لو مابه كلافه




.
.