حبيب العازمي وصياف الحربي

اليكم هذه المحاورة بين حبيب العازمي وصياف الحربي رحمه الله
وبدايتها..عندما شاهد الشاعر صياف عواد السحيمي الحربي الشاعر حبيب دغيم العازمي العتيبي يشارك ببرنامج البادية لأول مرة دارت بينهما هذه المحاورة:

يقول صياف:
جانا ببرنامج حياة البادية شاعر جديد=يامرحبا باللي على عز وشرف سار قدمه
يالعازمي ليلٍ رمابك في يدينا ليل عيد=لكن اظن الذيب تال الليل يفتح لك فمه

فقال حبيب:
ماجاكم الا خصمكم والله يدبر مايريد=دام البقاء والحق يقضي فيه قاض المحكمه
انا حسبت احساب وقتي من قريب ومن بعيد=وليا لقيت الذيب اسمي باسم ربي وارجمه

صياف:
حنا رجال ولا يخوفنا التهدد والوعيد=من لايعرف العلم.. بالعلم الحديث نعلمه
تراك لا ذلحين ماعلمت بالعلم الاكيد=اقلط على سبع الخلا يلزمك والا تلزمه

حبيب:
انتم رجال وكل رجال يفيد ويستفيد=محدٍ يعلم عالم يقرا ويكتب بقلمه
ماخاف من سبع الخلاء وانا معي سيف حديد=واللي يجي من تحت حد السيف الابيض يقسمه

صياف:
ياكثر ماتزرع وتحصد مار مادري وش تصيد=لاحضروا الكتاب طلع علمك اللي تزعمه
ياكبر حظك لو حضرت العيد واليوم السعيد=لكن حظك لو بنى لك بيت بكره يهدمه

حبيب:
انته تجاهلت الرسايل عقب جاتك فالبريد=وليا دخلنا المعركه من تقدره لاترحمه
ياكبر حظي وانت حظك قام ينقص مايزيد=وليا فتحت العين ابكحل نون عينك و الطمه

منقول لكم ..

الله يرحم صياف ويطول عمر حبيب

وابو فيصل خصم مافيه حيله

كل الشكر ياناصر لإتحافنا بهذه المحاوره اللي اول مره اقراها

غيمار

الله عليك يا ناصر

وربي مبدع وما تجيب الا الابداع

محاوره قديمه ،، وشاهدناه فيها النقض والفتل على اصوله

بارك الله فيك

المشاركة الأصلية كتبت بواسطة نايف المقاطي

الله يرحم صياف ويطول عمر حبيب

وابو فيصل خصم مافيه حيله

كل الشكر ياناصر لإتحافنا بهذه المحاوره اللي اول مره اقراها

غيمار

ياحيّك وحي مرورك الزين
الشكر لك يالغالي ..
كل الوود ..

محاورة رائعه ومشهورة بلاشك .
رحم الله صياف الحربي
واطال الله في عمر ابو فيصل ,

ناصر ,
لاعدمتك ياغالي .

الله يرحم صياف وصح لسان حبيب ولا هنت على نقلها

المشاركة الأصلية كتبت بواسطة محمد الفارس

الله عليك يا ناصر

وربي مبدع وما تجيب الا الابداع

محاوره قديمه ،، وشاهدناه فيها النقض والفتل على اصوله

بارك الله فيك

هلا وغلا

وحيااك ربي

عزالله فتل ونقض على الكيف

لاهنت لاهنت على المرور

كل الوود ..

؛

الله الله الله
شعراء عمالقه للشعر معهم جو خاص ،

ابو سلطان ذائقتك القلطويه اكثر من رائعه ،
كل الشكر لك ، و واصل يا صديقي !

المشاركة الأصلية كتبت بواسطة عبدالرحمن السمين

محاورة رائعه ومشهورة بلاشك .
رحم الله صياف الحربي
واطال الله في عمر ابو فيصل ,

ناصر ,
لاعدمتك ياغالي .

الله يرحم صياف
ويطول بعمر حبيّب

لاهنت على المرور

كل الوود ..

المشاركة الأصلية كتبت بواسطة بدر ناصر العجمي

الله يرحم صياف وصح لسان حبيب ولا هنت على نقلها

دعوه طيبه من رجال طيب

لاهنت على المرور

كل الوود ..

المشاركة الأصلية كتبت بواسطة طلال الجميلي

؛

الله الله الله
شعراء عمالقه للشعر معهم جو خاص ،

ابو سلطان ذائقتك القلطويه اكثر من رائعه ،
كل الشكر لك ، و واصل يا صديقي !

يامرحبا ياطلال

واشكرك على كلامك الزين

وكذالك اشكرك على مرورك الزين

كل الوود ..