خـلـّوها حـريـقه !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا جناب الجـو لو سمـّوك غايـم = أنت لو غيــّمت حجّانك طليقه
إنطلق بي لا خــلاف ولا خصايم = كنــّها فزعة رفيقً مع رفيقه
عطني أطرف قايمه من ذا القوايم = من ملفــّات الدول غير الصديقه
وأقفل التحقيق في باقي الجرايم = تحت بند : يشب ضوّه في الحديقه
قبل ما أكسر ساق ذبـّاب الخرايم = وقبل ما أجرح له مشاعره الرقيقه
ودّي آصغـّر هنا بعض العظايم = كـاس من لا يستشفــّه لا يـريقه
من وصل حدّ الهيام يقال هايم = ما لطبـــّاخ السليق الاّ سلـــيقه
صحّ صح النوم وإصحى لي يا نايم = الصــدور وسـاع ماهي مستضيقه
العــرب فيــهم مطـاليق وهـلايم = والغنــم فيها السميـــنه واللحيــقه
لو قلبت الوضـع رادار وقسايم = صدت سبع إمية مخالف في الدقيقه
بس وش لي في نسـيم وفي نسايم = الـولد دبــدوب والعـذرا رشيــقه !
إنتصـارات وسـلامات وهـزايم = وإحتمـالات وخـرافات وحـقيقه
غنّ يا جمـّال وبعيـرك تـزايم = شايــلً قـش العشيـقه والعشيــقه
بس ضربك بالمخمـّس في الولايم = ما نفعــك اليوم يامـال الشقـيقه
لا وقعت ولا جـلسـت ولا أنت قايم = نشـف ريقك والجمل مانشف ريقه
وأنــت جـــدّانك ملــفّــفـــْة العمايم = يوم كلً حـربته بالـــدم شريـقه
ها إنتبه وقت السعـه ماهو بدايم = الســعه لابـــدّها تِقــفى بضــيقه
النصيحه ذي من مصـلّي وصايـم = لا تـقول إن لحية النـاصح حليقه
قلتـها ما خفت من ناقد و لايـم = منطــقي موثـوق وحبـالي وثيــقه
نــْتفـــرّق بعـدها والاّ نــْتـلايـم = ماعليـك وما علـيّ من الخليـقه
أشقر الجنحـان متعلـّي وحـايم = وأسـود الجنحان ما أزعجنا نعيقه
والصتيــمه في ملاقـاة الصتـايم = الحــواجز كلـــّبوها ما تعيـقه
والله إنـّا في وسوم وفي وسايم = هـرمـز المذكـور هـرمزنا مضيقه !
المهم قـــدّام توزيــع الغنـايم = لا يشيـل الرجــل قسمً ما يطيــقه
ويتعـــرّض للشمــاته والشتايم = من حسود ومن حقود ومن لفيقه
لعنـــبوكم يا منقــّلـــة النمـايم = دنفـــستـــكم تحرم الواحد شقيقه
من رضـى لي بالظليــمه والهضايم = أنطحــن حبــــّه ولا عيــّن دقيقه
وأبتلــش ما بين رقــّايً وعايـم = والجبـل مزمـوم والغبـــّه عمـيقه
وش كلا المولـود من لحم التمايم = يا مصـــوّت بالتميـمه والعقيـقه
ألف سلعه وألف بايع وألف سايم = ويا ســلام الله ودقــــّي يا مسـيقه
حـدحـدوها يا قـويـيــن الشكايم = والطرق واجد وأشوف أسهل طريقه :
كان ما أحـرقتـو لي كـروت العـزايـم = فأحضـرو الحفـــله وخـلّـوها حـريقه !
[/poem]

هرمز المذكووووووووووور هرمزنا مضيقه

ناصر


صح لسأنك

وأبتلـش مـا بيـن رقّـايً وعـايـم
والجبـل مزمـوم والغبّـه عميـقـه
وش كلا المولود مـن لحـم التمايـم
يـا مصـوّت بالتميمـه والعقيـقـه
ألف سلعه وألف بايـع وألـف سايـم
ويـا سـلام الله ودقّـي يـا مسيقـه
حدحدوهـا يـا قويـيـن الشكـايـم
والطرق واجد وأشوف أسهل طريقه :
كان ما أحرقتو لي كـروت العزايـم
فأحضرو الحفله وخلّوهـا حريقـه !



الغالي ابو يحيى

ما شاء الله تبارك الرحمن على هذا النفس و هذا الإسلوب...


الله لا يحط مسلم في طريقك و بسسسسس


فاحضروا الحفله و خلوها حريقه


الله الله



تحيات كبيرات بريئات


ش. س.

مجنوووووون ياذا الاحمري ..

ربي وربك الله ..

لاجديد سوى تجديد الاعجاب بشاعريّتك المذهله ..

ومحبتي مؤكده

ناصر الاحمري

الله واكبر عليك يا مبددددع

لله درك

وصح السانك ملااايين

على هذه الرائعه الشامخه

سجل اعجابي يابعد راسي

وتحيتي لك ولشعر من خلالك يا رائع

وش كلا المولود مـن لحـم التمايـم
يـا مصـوّت بالتميمـه والعقيـقـه
ألف سلعه وألف بايـع وألـف سايـم
ويـا سـلام الله ودقّـي يـا مسيقـه




الله الله


من أروع النصوص بدون مجاملة
كلمات جزلة .. وأسلوب راقي لا يجيده الا ناصر


صح لسانك وسلمت يمناك يالعذب


تحياتي

إعصار جارف

وبحر هائج

وشاعر غير غير غير


صح لسانك يا بويحيى مدد بلا عدد ،،

..

ناصر الاحمري
صح لسانك لين ترضى

استغرب وين الاعلام عنك وعن شعرك

لعنبـوكـم يــا منقّـلـة النمـايـم
دنفستكـم تحـرم الواحـد شقيـقـه

ايوالله لعنبوكم يامنقلة النمايم


ناصر الاحمري

صح لسانك
صح لسانك

كل الوود ..

ابو يحي


ثلاث مرات قريتها ولا اظن انها تكفى

لكن لله درك على هذا الاجرام

الله الله الله

الله الله الله

ابو يحيى صح لسانك ملاييييييييييييين

شاعر غير وشعر غير

لله درك من مبدع

هذا ماتعودنا منك من شعر بمعنى الكلمة

تقبل اعجابي القديم المتجدد

كل الود

انا اشهد انك مصيبة يا ناصر لكن صح لسانك والاعجاب عاده على خبرك

ناصر

كما تعودنا شاعر مميز

صح لسانك مدد

تقديري

وش كلا المولود مـن لحـم التمايـم
يـا مصـوّت بالتميمـه والعقيـقـه
ألف سلعه وألف بايـع وألـف سايـم
ويـا سـلام الله ودقّـي يـا مسيقـه


ياسلام الله عليك ياشيخ
ولله درك يابو يحيى


بعض القصايد لاطالت ضعفت وانت يابو يحيى ماشاء الله عليك قصايدك كل ماتطول كل ماتقوى


سلامي عليك

:

أخي الكريم ناصر الأحمري إبداع وجزالة
ونص شعري مذهل صح الله لسانك ولاهنت عدد حروفه وأكثر ..
دمت بكل الخيـر ..

حــــدحـــــدوهـــــا يـــــــــــــــا قـــــويـــــيـــــن الـــشــــكــــايــــم
والطرق واجد وأشوف أسهل طريقه :
كـــان مـــا أحـرقـتـو لــــي كــــروت الـعـزايــم
فـأحــضــرو الـحـفـلــه وخـلّــوهــا حـريــقــه !


الله الله الله ,

سلمت ياناصر , وصح الله السانك

أبو يحيى

ماتشبه أحد !

صح لسانك

.
.

ابداااااااااااااااااااع يا عملاق

صح قلبك ونبضك


مودتي لك

؛

لله در الحضور الشعري
لله در النصوص الفاخره .!


ناصر الأحمري
حضورك مغاير .. !
لله درك ياجزل

أخوك

..

شعر يفوق الوصف , شعر رائع من شارع محنّك

صحّ لسانك مدد | ناصر الأحمري

..

الله اكبر

عطني أطرف قايمه مـن ذا القوايـم
من ملفّـات الـدول غيـر الصديقـه

........................


ودّي آصغّـر هنـا بعـض العظايـم
كـاس مـن لا يستشفّـه لا يريـقـه


.............................


ماشاء الله وتبارك الله ..

ناصر
اوعدك
ان
لا انسى
اسمك


مبــدع ورب الكعبه