تلويحة اليـاس

السلام عليكم ورحمة الله وبركاته

أقـدم لكم هذي القصيدة المتواضعه واتمنى أن تنال على رضاكم

واتمنى ان تروق لذائقتكم

\
/
\

[poem=font="Arial,5,firebrick,normal,normal" bkcolor="silver" bkimage="" border="double,4,gray" type=1 line=0 align=center use=ex num="0,black""]
ياغالي الحب متمكن وانا ما سليت=معَ تبجاحت قريش وتسلط عمر
البارحة يوم طروك العواذل سريت=في ليلةٍ لا ونس فيها ولا به قمر
سريت حتى بدى نور الصباح ودريت=إني على سكة المنهي وحكم الامر
امرت في طعنتي وانا سكت ورضيت=اقول يمكن ورى شوكة اِنخلتك تمر
هقيت كل الهقاوي بس لا.. ماهقيت=إنك تخليني العبره لمن هو يمر
وابطيت اردد عساك تعود واقول ليت=بطلّـع الصوره اللي بين ثلج وجمر
اهديتها لي وانا لاجيت عند المبيت=حاكيتها كني اللي شاربٍ له خمر
كم لـوّح الياس دونك بس انا كم رجيت=حتى حطبني فراقك مثل حطـب السمر
مصيبه إن كان وصلتك العلوم ودريت=وإن كان مانـته بداري هذي ادهى وامر
والله لو إنك يهودي وارتجيك اهتديت=مير المصيبه زرعنا زرع(ن) بلا ثمر
ماغير فرع(ن) يطول ،وجذر،ولا جنيت=لاكن بعد هذي ,,, الما يحرم إنه يمر[/poem]

وتقبلوا تحياتي ,, محبكم / علي بن مغيب الاكلبي