الظلم

[poem=font="Simplified Arabic,6,black,normal,normal" bkcolor="burlywood" bkimage="" border="none,4,gray" type=0 line=0 align=center use=ex num="0,black""]
ليل طويل وخافق دمعته دم = لابارك الله ليلة كلها دموع
مع رحلة الارهاق والحزن والهم = موضوعها والله ماهوب اي موضوع
ماكني الااشرب من السقم والسم = ولاتنشد اللي يجمع السقم والجوع
ضاعت حقوق وضاعت اعراض وذمم = والياانقفل مشروع ينفك مشروع
من هم بغيابي على حساب من نم = يتعب على البرهان مرئي ومسموع
رح له وقله لانوى يخص ويعم = ويجمع له سيوف وسكاكين ودروع
السالفه ماهيب ريش ولاخم = لكنها شي يلوع الحشا لوع
من لا يحسب المدح مايحسب الذم = ترجح موازينه عن الغصب والطوع
لو اقبل الزله من الخال والعم = ماهوب من حقي ليا اجزت ممنوع
بعض النوايا لونها ازرق من الجم = نيرانها تقبس ودخانها يفوع
والبغض ماياوي ويشفع ويرحم = حتى يورد خنجره فيك للكوع
الناس قالت قارب اللحم ويخم = لو الخطا في كل الاحوال مرجوع
والظلم لوسهمه ينوش الصفا الصم = ينبت مكانه زرع واغصان وفروع
على رجا حلم زرعته ولاتم = ياليل يكفينا مناديل ودموع[/poem]

صح لسانك ولا هنت يا مطلق

الله الله

صح لسانك مدد والله ولاهنت

صح لسانك اخوي بدر وتحية
خاصة لك
من القلب

سلطان العطاوي تواجدك وممرورك
له نكهته الخاصه
تحية خاصه
اخرى.