أنا يوم أســــافر

السلام عليكم ورحمة الله وبركاته

ومساء الخيرررر لكم جميع ...

هذه اول مشاركة لي هنا واتمنى ان ترتقي لذائقتكم وتروق لمتذوقي الشعر ...




أنا يوم أسافر وأطوي البيد غـرب وشـرق

ويستاقنـي مـن خالـي البـال مـا ساقـه

أخايل طيوفـه كنـي اللـي يخايـل بـرق

شعته البـروق وطـول ليلـه علـى ساقـه

قزى من منامه والجدى منه حـرق وحـرق

وكنـه هـدآ بعـد الشفـق بـان باشراقـه

ولكـن جرحـه نقضـه نايحـات الـورق

على الصبح مال القلب فـي نوحهـا طاقـه

حدت به على طرق الهوى عقب خلى الطرق

وجاوب بصوتٍ بعد مـا خربـت أخلاقـه

وسهم الهوى ضربـه يجـي للهواوي زرق

وياعنك مـن هـو صوّبـه قلـت اوفاقـه

وحتى القلم جـاوب ونزفـه دموعـاً زرق

ذرف ليـن حتـى مدمعـه غـرّق اوراقـه

وعقب السفر يا للأسف شفت ما من فـرق

وحلو العنب ما يمدحـه غيـر مـن ذاقـه

ورجم الهوى ما ابيه وان كـان تبغـاه ارق

وانا اللي مراميعي علـى الصعـب توّاقـه

فلا عاد لي في طرقـةٍ بيـن سـرق ودرق

علاقه على التزوير مـا تحسـب اعلاقـه


وسلامتكم



alghzili@hotmail.com

فلا عاد لي في طرقـةٍ بيـن سـرق ودرق
علاقه على التزوير مـا تحسـب اعلاقـه




يا سلام


مشاركة شامخة
وحضور أول مشرّف .!


صح لسانك مدد
ولا تحرمنا جديدك

..

حياك الله يا " محمد " ..
صح لسانك ابدعت وموفق بأذن الله ..



..

وحتى القلم جـاوب ونزفـه دموعـاً زرق

ذرف ليـن حتـى مدمعـه غـرّق اوراقـه

أبداااع يـ الشاعر

صح لسانك

بـ التوفيق’,,