50 بيت لـ 25 شاعر ملحمةوطن ( وليد العمودي )

بسم الله الرحمن الرحيم
تتوالى الافراح وتتنوّع الانشطه وتتجدد الابداعات المعبّره عن حب الوطن والابتهاج بالاعياد الوطنيه المتمثله في عيد الاستقلال والذي نستذكر من خلاله كتابة الدستور وتأسيس الدوله , وعيد التحرير الذي نستذكر من خلاله التلاحم الشعبي حول القياده الشرعيه الذي اذهل العالم مما جعل الجميع يتفاعل وينتصر للكويت حتى عادت حرةً أبيّه , ومرور خمس سنوات على تولي صاحب السمو الامير الشيخ صباح الاحمد مقاليد الحكم , وانطلاقاً من الاختصاص فقد عبّر الاخوه الشعراء عن مشاعرهم تجاه الوطن بهذه السلسله الجوهريه من الابيات التي يبلغ عددها 50 بيتاً مايساوي 50 عاماً من الاستقلال.

فكرة الشاعر وليد العمودي

وصلنا عدد خمسين في عيد الاستقلال=وهذا الرقم يعني عدد مجلس الامه
على كل قمه شامخه للكويت اعمال=وفا شعبها قمه وحكامها قمه
وليد العمودي
معاها الوفى والطيب بالحل والترحال=وكل الشرايح فيك ماتنقل النمه
ربابة بدو غنت مع نغمة اليامال=سفينه وْ صقر شعارها حيل وتضمه
عمر اللهيميد 2
وفانا قبل وايظاً وفانا بعد لازال=يسمى غلا مدري على ماتبي سمه
لجل حبها يبقى وفانا قدر واجلال=بلادٍ فداها الشعب في روحه ودمه
مجبل الحشاش 3
عسى الله يعز الدار ورجال عقب رجال=بنوا مجد للي يجري المجد في دمه
ماهو لعب لاوالله بالاقوال والافعال=ولاينكر النهضه سوى هافي الذمه
لافي ذباح 4
عسى الله يحفظ دارنا من غثا الانذال=وعسى قلوبنا لجل الوطن دوم ملتمه
على الخير لازم نتفق نعقد الامال=وكلٍ نبيه يفسر الثوب عن كمه
مبارك بو ظهير 5
وطنا عساك بخير دايم وعال العال=وحنا عيالك نبذل الحال والهمه
في ظل الصباح اللي لهم بالقلوب اجلال=شيوخٍ توردنا على صافي الجمه
تركي الديحاني 6
تهنّي بحكم شيوخنا اللي عليك ضلال=سلايل مبارك بين خال وولد عمه
حرارٍ حموها من على ماضي الاجيال=وكلٍ غلاها شاربه من حليب امه
حمد العزب 7
وطنا لو انه يقصر الوقت والا طال=ولاك بضمايرنا ولانخلف اليمه
ترانا لعينك نرخص الروح ويا المال=ومن حاول يسمك يبي يموت في سمه
حمد هادي المريخي 8
بلادٍ لها منا الولا والحمول ثقال=علينا وكلٍ باللوازم فسر كمه
حسب راي ابو ناصر نلبيه يامن قال=فلا نشطب الهمزه ولا نكسر الضمه
عقيل منيس الشمري 9
بلادي بلادي في مراقيبها الامثال=شموخٍ كبيرن في مشاريفها تزمه
عسى الله يرعاها من الحسد والاهوال=وتبقى لنا بحر لنا رزق في يمّه
فيصل سعود العنزي 10
كويت الصمود ومنبع الطيب والابطال=تشوف البدو والحضر بالضيق ملتمه
سقاها الحيا والغيث من مزنته همال=وتلبس ثياب العز وتواصل الهمه
مشعل عوض العتيبي 11
لعلك على عز وكرامه وطيبة فال=اخص الفرح بين البلادين واعمه
كفل حبها الدستور من غير روس اموال=ويكبر بوسط القلب في ذمتي ذمه
محمد الفارس 12
كويت الكرم والطيب والخير والافعال=عليها القوافي شدةٍ جنبها ضمه
ديار الصباح اللي عليها الوفى شغال=تضم الموالي ..والعدو حيل وتخمه
سعود نصار الخمسان 13
وطن يتعب الدنيا اعتزاز وفخر واجلال=على روس ابو كل القمم اصبح القمه
شربنا غلاه أجيالٍ تورثه لأجيال=ضم المفاخر عشق وامجادٍ تضمه
حمود جلوي 14
ولانا لدار الخير في مجمل الاحوال=وكلٍ علوّا الدار له غايه وهــمه
واذا صار للأفعال ميراد واستبسال=لها حق نفعل فعل الابطال ونتمه
جمعان مجبل العازمي 15
نبارك لها في عيدها منبع الافضال=لها بالكرم .. والجود مجهود .. وأمهمه
تداري كبار السن.. وتراعي الاطفال=عسى عن سماها يبعد الحزن والغمه
نواف الغريب 16
بلادي بلاد العز في عيدها تختال=عبير الفرح فيها تشوفه وتشتمه
عروس الخليج اللي لها بالفخر منزال=مايحصي غلاه الشعر .. كيفٍ ولا كمه
نمش الشمري 17
نعلّق على جيد الكويت اجمل السلسال=جواهر من عيوني هدو من اخو شمه
وندعي لها لا يضرب الموج والزلزال=ونقرى على حجم المصايب جزء عمه
جراح مناحي 18
غلاة الوطن بإهل الوطن ماعليه جدال=ترعرع بنا من قبل لانلبس العمه
نحبه ومن حبه نكرس لها الاعمال=سواعد رجالٍ بالمهمات منضمه
مبارك الفعم 19
تحت حكم اميرٍ وافيٍ للعقد حلال=سياسي محنك والوطن بالوفا ضمه
عريب النسب بالطيب والجود له مدخال=حميد الخصايل يكره الزور والنمه
خالد بن سكران 20
بلادٍ لها بقلوبنا المخلصه مدهال=شرب حبها اللي ما انفطم مع حليب امه
عطتنا الكثير وحقها مرخصين الحال=بوقت اللزوم ونبعد اللوم والذمه
حسين العتيبي 21
نحاول على حل المشاكل من الاشكال=ونسعى بجهد نعالج الظغط والحمه
تزول البشر لكن عطر الوطن مازال=ورود الفخر بالطيب من مرها شمه
عبدالعزيز سالم مناحي الخالدي 22
عروس الخليج وساحله غنت الموال=وطن والوطن نرمي على شانه العمه
يادار الوفى ياكويت الامجاد والامال=شربنا غلاها وارتوينا من الجمه
محمد الخطيمي 23
في عيدك بلادي جر لك خافقي موال=احبك واشوفك دايك الدوم مهتمه
سوات العروس اللي عليها يزين الشال=تضم الحلا بعيونها السود وتلمه
عثمان البرغوث 24
بلادٍ معاها المجد متواصل الارسال=والايام مبيضّه والايام مدهمه
تجيها العدا وتروح مشروبة الفنجال=تكسّر مطامعها على الصخرة الصمه
هدهود الهاجري 25

وهنا نشرت في جريدة الراي العام الكويتيه :
http://www.alraimedia.com/Alrai/Arti...&date=25022011
للتحميل
http://www.7ammil.com/index.php/file...df?do=download
ونشرت في جريدة السياسه الكويتيه ايظاً :
http://al-seyassah.com/AtricleView/t...9/Default.aspx
وايظاً هناك العديد من الصحف والمجلات التي نشرت هذه الملحمه الوطنيه ولهم جزيل الشكر

صور بعض الشعراء المشاركين :

.

صحت السنتكم جميع وفيتوا وكفيتوا


والله يحفظ الكويت وحكامها وشعبها

.
.


الله الله الله
لله دررك

صح السانك ملااايين
على هذه الرائعه

والله يحفظ الكويت
تحيتي ومحبتي وتقديري

محمد مسفر
لاهنت يالغالي
وهذا اقل ما اقدمه

الله لا يحرمنا من بعض

اخوان و ابناء عمومه

تسلموووووووووووووووون

صحت ألسنتكم

جميعا



ابدعتوا



والكويت تستاهل

و ليد العمودي

فكره رائعه تجسد افراح الكويت و إحتفالاتها بأعيادها الثلاثه

و تعبر عن مشاعر مواطنيها بألسنة نخبة من شعرائها المميزين

سلم فكرك ياوليد و صحت ألسنتكم و عاشت الكويت بأمن و سلام

و تقدم الى الامام

تحياتي لك

ابو ذيب

بيض الله وجهك انت وجميع المشاركين في رسم هذه المشاعر الصادقه

وحفظ الله بلاد العرب
ولاهنتوا جميعا ،

..

تستاهل الكويت كل هذا الحب ..

الله ياحبني فيها وفاهلها ..

الله يديم عليكم الافراح ..

ومن عيد لعيد ..

محبتي لك ياوليد

فكرة جميله وتفاعل اجمل

علكم على القوه وصح السان الشعار

اتمنالكم التوفيق

ا خوكم عيد بن سعدون

الله يجمعكم على الطاعه .

وصحت السنتكم جميعاً .

تقديري

الله يا وليد

صح لسانك ولسان الشعراء ولاهنت

واسمح لي هذا مكانها الصحيح

وليد العمودي

بيض الله وجهك ووجيه الشعراء الجزلين.

الله لايلومكم في حب وطنكم عديل الروح.

الله يديم الامن والستر على جميع اوطانننا ويكفينا شر الاشرار

ودي وتقديري

موضوع جميل يالعمودي والله يعز الكويت وحكامها وشعبها الحبيب


مافيكم حيله ياشعار



محبكم

صحت ألسنتكم جميعا
ابدعتواوالكويت تستاهل
وليد لاهنت يا غالي .

بيض الله وجيهكم يا وليد

وتستاهل الكويت الحبيبه الملاحم كلها والشعور الصادق .. اي والله

تحياتي لك

طلق
لاهنت يالغالي وشكرا لك

فخري
اللهم امين
شكرا لك

صحت السنتكم

وصح قلبك على هالفكره الطيبه

والله يجعل افراح الكويت عامره دوم يارب

عيضه
لاهنت وتسلم يالغالي وصح بدنك

سيف
لاهنت وتسلم يالغالي وصح بدنك

صحت السنتكم
وبيض الله وجيهكم على هذه المشاعر



تحياتي