ديوان غالب أبو كتيفه

بسم الله الرحمن الرحيم ..

لـ معلوميتي بأنني لن أفي هذا الشاعر حقّه .. لن أقدّم له إلا إسمه ..

الشيخ الشاعر / غالب بن زيد ابو كتيفه العصيمي ..
والبداية قصيده وطنيه قيلت في عام 1424هـ
ذكر فيها بيت يقول (مئه وخمس سنين نرقا مانفكر بالنزول)
مئه وخمس سنوات من تاريخ دخول الملك عبد العزيز الرياض الى تاريخ كتابة القصيده :







[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الشعر في غير الوطن ما احس لي يمه ميول = يصعب علي ويعمس افكاري ليا جيت انظمه
رغم اني ابذل كل جهدي بس مدري ويش اقول = كن المواضيع معدومه والقوافي معدمه
وليا كتبته فالوطن ينقاد لي مثل الذلول = ما يمدي الكاتب يحضر لي ورقته وقلمه
تزاحمت في خاطري لا شد جولٍ حل جول =يحضر علي البيت تلو البيت من حين ازهمه
والليله الموضوع شي ٍ يدعي الشاعر يقول = يا مكبره يا معبره يا مصعبه يا معظمه
ساعة تلقيت الخبر ويصيبني مثل الذهول = اصدقه واكذبه واقول لغزٍ ما افهمه
وادركت بانه لغز وان اللغز يوجد له حلول = وحنا سعوديين ونفك الرموز المبهمه
هذي دسيسه والدسيسه خلفها كلبٍ ختول = واللي ينفذها غبي لاوفق الله سهمه
بالله يهول اللي حصل الا يهول .. الا يهول = وش حلل النفس البريئه لليدين المجرمه
لاتدعون الدين وين الدين وانتم يالخبول = تحللون القتل فالاسلام والله حرمه
يابعدكم عن ما يقول الله وما قال الرسول = ومن الوجيه الخيره ياعنك مافيكم سمه
الله من زود الغبا والله من نقص العقول = مع ماتسوونه يهون المر ويهون طعمه
عدوكم يضحك بناب الغدر ولسان معسول = يبدي الصداقه والنوايا القشر تجري في دمه
يعزف مزامير الفساد الهيس ويدق الطبول = كله يبا ينشر فساده فالديار المسلمه
لكن يخسى ثم يخسى لا يطول ولا ينول = من ما يحب وما يريد الا ترابٍ في فمه
يادارنا يا دارنا حنا الذي دونك نحول = في حزة ٍ فيها الولد يعرف وجوده وعدمه
يادار عيشي شامخه واللي يعاديك مخذول = عيشي بامان الله رغم عن خشوم الشرذمه
يا دار حكامك عيال العود ماضين الفعول = اهل القلوب الصامله واهل العقول الملهمه
عبدالعزيز اللي سرا مسرى الذيابه فالليول = يآطى الحفى والشوك ما حط الحذا تحت قدمه
يوم القبايل تصطفق وتصول فالارض وتجول = ويصبح المسلم وتوخذ كل ذوده وغنمه
هاك السنه يوم الجزيره كنها الظبي الجفول = كلٍ يبا الظبي الجفول ولا تجرا يلزمه
ما لزمه الا فارس الفرّيس خيال الخيول = اللي رفع راسه وجوّد للمراجل محزمه
عز الله انه داهيه ويهول وفعوله تهول = ماحدٍ حلم مثله وحقق حلمه اللي يحلمه
ومواصلين السير من عقبه رياجيل ٍ زحول = الحي يبراه السعد والميت الله يرحمه
مئه وخمس سنين نرقا ما نفكر فالنزول = كله بعون الله وتوفيقه وفضله وكرمه[/poem]






يتبع ..

يا سلاااام

يا سلاااام

عز الله انه داهيه ويهول وفعوله تهول
ماحدٍ حلم مثله وحقق حلمه اللي يحلمه

صح لساااان الشاعر غالب أبو كتيفة

وعزالله إنه داهية ومبدع

ألف شكر يا أخ سلطان على تعريفنا بمبدع بهذا الحجم

وفي انتظار المزيد

تحياتي لك

ابو فهد

الله لايهينك

وأبشر بسعدك

تقديري لك ،،

نبضة ولاء

قيلت في عام 1426 هـ





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
علمنا يا علمنا ارواحنا دونك جلايب سوق= نبيع ارواحنا لاجلك ولاجل بلاد اخو نوره
علمنا يا علمنا فوق دايم فوق دايم فوق= موشّح بالحسام وكلمة التوحيد مسطوره
علمنا لا يهمونك صعاليك الغدر والبوق= يصف الامن دونك والحرس والجيش طابوره
رجال الامن حنا والمخرب منخره مدقوق= نسوق العمر لين نجيه وندقه على زوره
نجازف بالعمار وفالمواقف فعلنا مرموق= وراء نايف نسير ونستنير الشور من شوره
خلقنا الله درع ٍ للبلاد وللمخرب عوق= يموتون العدا وكبودهم بالمر ممروره
نسوق ارواحنا للموت دونك ياعلمنا سوق= وميتنا يموت شهيد وله البيض منشوره
هذاه اكبر شرف واكبر وسام يناله المخلوق= ليا شفنا دمانا فدوة ٍ للدين منثوره
هذاه الموقف اللي يظهر السابق من المسبوق= وتال العمر موت وحفرة ٍ فالارض محفوره
لا لا بعض المواقف ماظهر بين الرجال فروق= ولا بان الشجيع من الجبان ولا برز دوره
يا ينبع لا يهمك غن من زين الطروق طروق= يجاوبك الجبيل من الخليج وراس تنوره
ترى هاذي سحابة صيف لو فيها رعد وبروق= تمر ولا تضر وزمرة الشيطان مدحوره
يجيهم يوم ٍ اسود ياخذون عقابهم مطبوق= سواده من سواد وجيههم بالشكل والصوره
خفافيش الدجى مهما تخفوا وضعهم مزنوق= شف الشعب السعودي كيف سوّى ضدهم ثوره
وقفنا صف واحد في وجيه قـليّلين الذوق= بفم واحد نقول اعمال مرفوضه ومنكوره
وانا شاعر وجيتك بالخبر من مصدر ٍ موثوق= ابو متعب تعهد باقتلاع الشر بجذوره
وابو خالد يقول الخاين اللي نطرده ملحوق= نبي نقضي عليه وراية الاسلام منصوره
وانا ماقمت اغني من طرب معجبني الطاروق= اغني شفت شي ٍ يظهر الرجال من طوره
وانا ماقمت اغني فالعذارى لابسات الطوق= اغني فالبلاد اللي حياته منه مغموره
بلاد ٍ كل ما غنيت ياخذني عليه الشوق= بلاد الامن والايمان والقرآن دستوره
بلاد ٍ لو عطيته كل ما املك له علي حقوق= اموت وباقي ٍ في ذمتي للدار فاتوره
على ارضه يامنون الناس لا سارق ولا مسروق= يروحون ويجون نفوسهم بالامن مسروره
بامان الله نرقد ونغرق بسباتنا ونفوق= على صوت المؤذن كل فجر ليا بدا نوره
علمنا يا علمنا ارواحنا دونك جلايب سوق= نبيع ارواحنا لاجلك ولاجل بلاد اخو نوره
علمنا ياعلمنا فوق دايم فوق دايم فوق= موشّح بالحسام وكلمة التوحيد مسطوره[/poem]





يتبع ..

امام سمو سيدي الامير عبد المجيد بن عبد العزيز رحمه الله في المدينه المنوره عام 1417هـ





[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
عدد ماغرّد القمري عصير وردّد التغريد= هلا يامرحبا يا ضيف حفلتنا ورائدها
هلا يا امير طيبه جعل عيدك كل عام سعيد= هلا يا اغلى الوجيه اللي جعلنا الله نعايدها
هلا بك ثم هلا ياللي حضورك فالعمار يزيد= حضورك يشعل الانوار والظلما يبدّدها
هلا ولك الغلا في كل عام نجدّده تجديد= من احدث فرد فالقوات حتى راس قايدها
الا يازين نظم الشعر في ذا الليل بالتحديد= بنات الفكر جتني مقبله كني مواعدها
وافقدها وانقدها واقدمها بطاقة عيد= اقدمها باسم قوات الامن اللي تشاهدها
لالا خدمة وطنّا ما وصلنا مكتب التجنيد= ولا شفت الرجال اللي مشمّرة ٍ سواعدها
ميامين الرجال اللي ترد الكيد لاهل الكيد= ليامن الفتن يا سيدي شبت وقايدها
نسوق ارواحنا دون الوطن لين العمار تبيد= تعيش بلادنا حره ويخسى وجه حاسدها
بلاد ٍ حبها باقصى الفواد مشيد ٍ تشييد= شربنا بها ماهوب حب مخضبة يدها
نحب الغاده اللي بالجمال تفوق كل الغيد= حماسة حبنا فيها ولا شي ٍ يبردها
نقف من دونها في وجه غازيها سواة الحيد= على شان النفوس المغرضه تفشل مقاصدها
نقف ويعيش منا من يعيش ومن يموت شهيد= تحت راي الملوك اللي نظيفات ٍ عقايدها
صناديد الملوك العادلين سلالة الصنديد= عيال الفارس اللي كون الدوله ووحدها
قبل يظهر جزيرتنا سنافيه وتلعة جيد= تكبر من صوكها والتكبر من عوايدها
تكشر في وجيه القوم وتغضّّ النظر وتحيد= ولا عرفت تبسم لين شافت وجه سيدها
مهرها الدم الاحمر ما يسوقه واحد ٍ رعديد= ومن لا ساق دمه تحلف انه ما يراقدها
وابو تركي غزاها فوق هجن ٍ يقطعن البيد= حرار ٍ كالأهله ما عليها الا مزاودها
سلاحه سيفه الابتر ودرعه كلمة التوحيد= فداوي ٍ يدوس اخطار الايام متعمدها
غزا واللي معه ستين بالتأكيد بالتأكيد= وانا ما اقول كلمه للرجال الا موكدها
تعلمت وخذيت من المصادر كل شي مفيد= وهذي قصة ٍ تاريخ ابو تركي مخلدها
وحنا اليوم في عهد الفهد حلال كل مكيد= من الواجب علينا ندرك النعمه ونحمدها
حفظك الله واعزك يالزعيم اللي نظرك بعيد= الا يا من بذل نفسه لخدمتنا وجندها
وقف دون البلاد وكف عنها شر عمر وزيد= بطل في نصف ليله قامت الدنيا وقعدها
وقال تعود دار الجار له من غير شرط وقيد= سياسي والسياسه من عرفها ادرك فوايدها
وسمات اخوان نوره كل ما زاد الجمال تزيد= يجف الحبر ويكل القلم ما احصى عدايدها
ملوك ٍ يصنعون المجد ولهم مني التمجيد= انا مؤمن واعد النور فاسيادي وامجدها[/poem]




يتبع ..

سلطان


بيض الله وجهك .. ولا هنت
أحسنت الإختيار ويستاهل هذا المبدع كل الإحتفاء


تحياتي

..

وجهك أبيض يا أبو ليان ولاهنت

ولاعليك زود

مرورك يسعدني

تقديري لك ،،

لاهنت يا سلطان لا هنت والله

لاهنتي أنتي يا مخايل : )

ابو محارب

ما عليك زود

والله يسلمك ولا يهينك

مرورك اسعدني

تقديري لك ،،

سلمت ياسلطان


شاعر بحر يستحق التقديم

ابيض وجه


غيمار

نايف

مرحبا بك ولا عليك زود

ووجهك أبيض

تقديري لك ،،

سلامة سلطان







[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
وطنا يا وطنا كلنا دونك حجا ودروع= نقف دونك ومن دونك يدين الغدر نقطعها
نقف دونك جموع وبالرصاص نصدّ عنك جموع= ليا قضّت جدايلها الهنوف وبان مفرعها
تحت توجيه ابو متعب نصوع القوم دونك صوع= على حدّك تجوز اهل المطامع من مطامعها
وطنا وانت ابونا اللي على هاماتنا مرفوع= وطنّا وانت الامّ اللي نبرّ ابها وننفعها
الا يا حرفي المقري والا يا صوتي المسموع= ابكحل بك عيون الناس واملا بك مسامعها
الي عامين وافكاري مقيّدها الظما والجوع= ولا ادري كيف ابرويها ولا ادري كيف ابشبعها
لكن الليله الليله تحطّم حاجز الممنوع= وابرقا بالقصيده لين ترضي ذوق سامعها
نقيت من الشرايد ما يليق بمستوى الموضوع= انا ماني مضرّيها على تدريج ضلّعها
سلامة سيدي مشروع مابعده ولا مشروع= مناسبة ٍ يزين ابها القصيد وينسجم معها
بعد صار الشهر كنّه سنه واليوم صار اسبوع= عسى عيني بشوفة سيدي ربي يمتعها
تحرّاه القلوب اللي غلاه بوسطها مزروع= قلوب ٍ ما وراها الا غلا سلطان يدفعها
نبا نرقص طرب ونشبّ في وجه الظلام شموع= نعيش افراحنا وايامنا المره نودعها
هلا يالشامخ اللي كل شامخ ينثني لك طوع= هلا يالخيّر اللي عز نفسك في تواضعها
كريم ٍ مدته تفرق عن المدات كمّ و نوع= يساره تجمع الاموال ويمينه توزّعها
حنون ٍ كل ما اكتضّت عيون البائسين دموع= يمدّ الها يمين الخير ويكفكف مدامعها[/poem]






يتبع ..

الله الله الله
صديقي سلطان
كل الشكر لـ ايراد ديوان المبدع / غالب هنا

كل الود

هلا يا صديقي : )

ولا شكر على واجب

تقديري لك ،،

سلامة سلطان 2




[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الحمـد لله عظيـم الملـك ربّ الجـلال=حمدٍ من الآن لين امسي بوسط الضريح
على شفا طيـب المـده كريـم السبـال=بحر المكارم ليا شحت كفوف الشحيـح
نبا نعيـش الفـرح ونقـوّم الاحتفـال=قدوم سلطان ذعذع له من الغرب ريـح
معاد فينا على طـول الغيـاب احتمـال=ياسيدي والله ان اللي نقولـه صحيـح
يا سيدي كم وكم شاعـر تكلّـم وقـال=جميعهم يمدحونك وانت فـوق المديـح
لكنّ بك خصلة ٍ ما صـار فيهـا مجـال=اسمح لي اقولهـا ياسيـدي واستريـح
ماني بمرتاح ليـن ان الحقيقـه تقـال=واعلم الناس عنها باللسـان الفصيـح
انته ليا زلّ ثلـث وثلـث والليـل مـال=واكثر نجومه غفت وارهى عليها المطيح
ترفع يدينك لوجـه الله رجـا وابتهـال=والعين من خشية الرحمن تنضح نضيح
فالثلث الاخير من ليل ٍ هبوبـه شمـال=يطيب فيه الدفـا و النـوم للمستريـح
و اللي ضرب في وفاه وبره اروع مثال=من لا يشيدون به عسى بختهم يطيـح
رفيق دربك يابو خالد اِثْنَى عْشَرْ هـلال=فالرحله اللي عساك تعود منها إصحيـح
سلمان رمز الوفـا والبـر والاعتـدال=فيه القرايـح تسابـق بالكـلام المليـح
بـره بابونـا فهـد فالذاكـره لا يـزال=الله يضاعف له الحسنـات و الله يبيـح
يبيح عبدالعزيـز اللـي حكـم بالعـدال=و يحطّ له في جوار الرسل بيت ٍ فسيـح [/poem]





يتبع ..

نقل موفق,,وشاعر جزل..

لا هنت يا سلطان على هذا التميز والنقل الرائع..

تحياتي,,

سلطان ابن حامد



سلمت يمينك على النقل



وابو كتيفه شاعر متمكن ماشاء الله عليه صح لسانه




لك فائق احترامي وتقديري ...!!

ياسلام

ياسلام

صح لسان الشاعر الشيخ / غالب ابو كتيفه العصيمي

وبيض الله وجهك يا سلطان بن حامد

دائما ما تجيب الا الدرر لاعدمناك ،

..

سلامة محمد بن نايف


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
عش يا وطن عش بامان الله وعرضك مصان=الله كفيلـك مـن الارهــاب ومسلسـلـه
واللـي تنكـر لفضلـك يـا وطنـا وخـان=فعلـه ليـا عـدت الافعـال مــا جمـلـه
قـد قالهـا سيـدي نايـف عيـانٍ بـيـان=يقـول الارهـاب لا موطـن ولا ديـن الـه
يالله لـك الحمـد ولـك الفضـل والامتنـان=علـى سلامـة زبـون الجـود والمرجـلـه
الحـق شفنـاه يـوم انـه تجلـى وبــان=الكير مـن ينفخـه والمسـك مـن يحملـه
ياسيدي مادفـع عنـك البـلاء يـوم حـان=الا رضـى والديـك وطيـب مـا تعمـلـه
هالـك وناجـي وتفصـل بينكـم خطوتـان=سبحـان مـن يمهـل الظالـم ولا يهمـلـه
وصدق رسول الله اللي قال شهـر رمضـان=الله جعـل رحمتـه فـي عشـره الاولــه
وانته سلامتـك رحمـه يـا رفيـع المكـان=نعـم سلامـة سـمـوك رحـمـةٍ منـزلـه
يا مطور افضل كيان لخدمـة افضـل كيـان=أشّـر علـى اللـي تبينـا نعملـه وازهلـه
يا ثالث اثنيـن يـا رمـز الامـن والامـان=بيديـكـم الامــن بـعـد الله مستقبـلـه [/poem]


..

الواسطه ..



[poem=font="Traditional Arabic,6,black,bold,normal" bkcolor="transparent" bkimage="" border="solid,2,black" type=2 line=1 align=center use=sp num="0,black""]
لو ان للحقّ الأبلج والحقيقه لسان=مالعبت الواسطه بين البشر دورها
الواسطه لعن ابوها سوّت الامتحان=تخلف ظنون الرجال وتجرح شعورها
تحاول تطلع اللي منزله في طمان=وتحاول تنزل أهل الكور عن كورها
في عالم الواسطه ماللحقيقه مكان=تحظر مباحاتها ويباح محظورها
والكلمه اللي يشار الها براس البنان=تذهب سدى في غياهبها وديجورها
وين المثاليه الله الله المستعان=لو ان ابه شمس يمديها بدا نورها
رفع القلم والصحف جفت وما كان كان=مهازلٍ تظهر العقال من طورها
والليله الشعر زان وهاجس الشعر زان=من يوم غر القرايح فاحت صدورها
نويت أذكي لوجه الله بكرٍ عوان=أدير حد القديمي فوق حنجورها
ابتوجّر بها قبل يفوت الأوان=قدام تبرك بي السابق على زورها
انا ليا قمت عشري ماتعوّد ثمان=اواجه القوم لين تحتّ مذخورها
في رفعة الراس عزّ وفالمذله هوان=تكرم يا راسي وكيد القوم بنحورها
مانيب مرخيك عند فلان ولّا فلان=و طوال الأشبار دونك تقصر شبورها[/poem]


..

بحيرة المسك : )



[poem=font="Traditional Arabic,6,darkblue,bold,normal" bkcolor="transparent" bkimage="" border="solid,2,darkblue" type=2 line=1 align=center use=sp num="0,black""]
لو كل من زيّن اسمه له من اسمه نصيب=بحيرة المسك ما ضلّت هذا حالها
مطيّبين اسمها لكن عيت تطيب=من شافها قال فال الله ولا فالها
يا ناس وش ذا العجايب و الزمان العجيب=والحاله اللي بلا ادنى شك يرثى لها
معاد ندري الصّحيب صحيب ولا حريب=اختلفت اقوال خلق الله عن افعالها
والحق وجهه بدون مجامله وجه ذيب=اما على عمها ولا على خالها
والكلمه اللي صداها فيه حكمة طبيب=تبرابها ذمة المسلم ليا قالها
يا صاحبي هقوتك مانته بمنها قريب=كم واحدٍ كبر الهقوه ولا طالها
عينك لراس الجبل وانته بوسط الشعيب=اشغلت نفسك بشيٍ ما تهيّالها
انته تحاول على شيٍ وصوله صعيب=دونه تراعد يدك ويطيح فنجالها
لا رب تعبد ولاانته بالرسول الحبيب=حتى عليك العباد تعلّق امالها
الفضل لله والدنيا فضاها رحيب=والعيشه اللي تخصك جوّد اقفالها
الراس لو ينحني حطيت فوقه صليب=معاد لبّسته البسام وعقالها
ونهاية السالفه مالك من اسمك نصيب=اسمك لحاله وباقي شونك لحالها[/poem]


..