صدمة مشاعر

السلام عليكم ورحمة الله وبركاته

اعزائي اعضاء منتديات المرقاب الادبيه

نضع امامك هذه الابيات المتواضعه والتي اتمنى ان تنال على استحسانكم

بداعي اكمال التسجيل والمشاركه معكم في هذا الصرح الشامخ




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صدمة مشاعر بخفاقي بغت تنهيه=الله يسامحك كانك سبة الصدمه
شوق وعتب وانكسارت خاطر وتشريه=في وسط صدري عليك اليوم محتدمه
واسبابها صوتاً يناديك ماتوحيه=قلبي فالارسال وقلبك خارج الخدمه
ياطب قلبي علامك دايم بتنبيه=كن الاحاسيس يمي شبه منعدمه
حباً بقلبي ثلاث سنين وانا ابنيه=ارجوك بيديك يالمجمول لاتهدمه[/poem]

بدر بن فارس العطاوي

..


صحت قوآفيك يا " اخوي " ..

بالتوفيق بإذن الله ..

تقديري لك ..



..

السلام عليكم ورحمة الله وبركاته


ايها الاخوه الكرام اضع أمامكم هذه الابيات التي اتمنى ان تلاقي استحسانكم

بداعي اكمال التسجيل

<لكن واحد منكم الله يصلحكم ويرضا علاكم

يشرح لي طريقة التسجيل كيف لأني والله ازريت افهم الطريقه

<<مغار مع الخيل ياشقرا اضغط هنا اضغط هنا وعاني معها لين جيت هنيا

مار العلم ويش وضحوا لي الله لايهينكم

*ملاحظه*

الرجاء من الأخوه الكرام القائمين على هذا المنتدى
سبق وان نزلت قصيدة عنوانها(صدمة مشاعر )
واللحقت اسمي في اخرها وبعد ماعرضت مع القصائد
طلعت بأسم غير مسجل وهي موجوده واسمي موجود فيها فياليت لو تحطون اسمي مكان غير مسجل

شاكر لكم حسن تعاملكم < وماعليش لو كلفنا عليكم

واما الآن مع المشاركه

7
7
7
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليلي سرا وانا من الكوع للكوع=وياويل حالي كان ذا الوضع طوّل
مغير اكن دموع وامسّح دموع=والقلب من صكات بقعا تحوّل
كله سبايب صاحبي نادر النوع=اللي على غيره حظرت التجوّل
شفته وانا قلبي من الوصل مقطوع=عايش على ذكرى العلاقه منوّل
راح الحشا من شوفته كله مزوع=وليت يا وقتٍ علينا تحوّل
والله ياوقتٍ مضى مابه وجوع=مانستمع في كل قولٍ يقوّل
متى تعود وتعطي الصاع مربوع=وتعوّد قلوب المضانين لاوّل
لاصد لاتقصير لا هرج مسموع=اصفى من الماء اللي من الضلع حوّل[/poem]



بدر بن فارس العطاوي

الله يحييك يالعطاوي

وصح كلك

صح لسانك يالعطاوي ,

ولاهنت على المشاركه ,

ودمت بخير ,

يامرحبا يالعطاوي يامرحبا

لا اخفي اعجابي بشاعريتك ولكن هناك ملاحظه بسيطه تسبب ربكه بالوزن وهو زياده حرف الواو في هذا الشطر الاول ادناه الذي هو على بحر الهجيني الطويل وهو من الاخطاء الشائعه ارجو الانتباه له مستقبلا حتي يستقيم الوزن تماما بدون ارباك

حبـاً*بقلبـي*ثــلاث*سنـيـن*وانــا*ابنـيـه
ارجـــوك*بـيـديـك*يالمـجـمـول*لاتـهـدمــه
ولو شلتها يستقيم الوزن

حبـاً*بقلبـي*ثــلاث*سنـيـن*انــا*أبنـيـه
ارجـــوك*بـيـديـك*يالمـجـمـول*لاتـهـدمــه

وتحياتي بالتوفيق يابن العم

وصح الله لسانك مدد

صح الله السانك يا العطاوي

ومثل مقال اخوي بدر


ودي وتقديري