إن ما نسيت .. اقابله بالتناسي ...

السلام عليكم ورحمة الله وبركاته ...

اسعد الله اوقاتكم ..... وكل عام وانتم بخير ...

هراسين الحمارين من العصمه من عتيبه ... هم ربعي ... واقول فيهم ...


ربعي هراسين الفخر عزّ راسي
========= اليا شنا ربعه قليل المروّه
ذخري ليا جاء في الزمان انتكاسي
======= = والا تغيّر بعض الأيام جوّه
هم قوّتي وقت اللوازم وباسي
======= ومن دونهم مالي معزّه وقوّه
أشوفهم مثل الجبال الرواسي
======== وأشيد باللي يدركونه وأنوّه
ولاهو بياخذني عليهم حماسي
======= لو حسّني منهم كلام المفوّه
إن ما نسيت .. اقابله بالتناسي
=== ولا أقطع منه حبل الرجاء والأخوّه
ياعاذلي في حب ربعي وناسي
======= منته بمثلي بالشيم والحموّه
تقعد لربعك بالغثاء والحساسي
======= وتذمّهم وسط الكلام المشوّه
تقلط على اطراف الشحم فالتباسي
===== وتقوم في صدرك من الحقد هوّه
لين اهملوك وصرت مقطوع ساسي
======== = مثل صلبيٍ فالقرايا يبوّه
ما اودعك علمك في السياسه سياسي
====== والعمر ما ميّزت خيره وسوّه
والعلم ما يصلِح طبوع الخساسي
===== والله حرمك من اعتلاه وسموّه
قسمك مع اقسام النشاما طفاسي
======= لو كنت بحثولك علينا تموّه
منته بلاحق لو تماديت ياسي
==== لكنّ شف غيري سواتك،، وغوّه
أنا على شرواك صعبٍ مِراسي
======= مانيب مثلك ياقليل المروّه



وسلامتكم جميع

ونعم ونعم

صالح بن هريس

بيض الله وجهك


صح لسانك .

ونعم فيك وفي ربعك


حضور متجدد وصح لسانك .. : )

ومليوووون نعم بك وبربعك

والله الله الله على البدع الراهي والراقي

لله درك وكفى

::


وسبعة انعام فيك انت وربعك

وصح لسانك ثم صح لسانك يبوهريس




وتحيتي لك

وعليكم السلام والرحمه

وسبعة انعام فيك وفي ربعك ياصالح

وصح لسانك ودمت في خير يانقي

عبدالله الرقيب

ماعليكم زود ... وصح الله بدنك

اشكرك على مرورك الكريم لا عدمتك

تحياتي لك

صالح والله وسبعين نعم ،،


وصح لســانك وبيض الله وجهك ..

تحيتي لك