بيني وبين الشاعر سعد العضياني

ردية بيني وبين الشاعر
سعد سعيد العضياني الحارثي
أحببت أن أطلعكم عليها

يقول الشاعر سعد الحارثي :
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راكب اللي يطوي بعيد المسافه=يطوي بعيد المسافه في دقايق
قيمته يلقا بها التاجر كلافه=يلحق التاجر من القيمه لحايق
جيب لكزس من يشوفة ما يعافه=للدروب الكايده والحمل طايق
مايخافه من يسوقه ما يخافه=ولا يعوقه باذن رب الكون عايق
فوقه اللي يمشي الدرب بحرافه=حافظ لفحوى الرساله والوثايق
وجهه للشاعر اللي عز قافه=إمتلك حكمة شعر بين الخلايق
شاعر الحكمة ماهو شاعر خرافه=مايعد من الحكم غير الحقايق
من هذيل اهل الفراسه والقيافه=منزله عالي على القمة موايق
يابو ناصر وقتنا فيه اختلافه=اختلف وجه الزمن ماهو بلايق
انفتح باب الصحافه للضيافه=وثار بارود الفتن واشعل حرايق
الربيع اخضر ويا مسرع جفافه=ما نبت له لا زهور ولا حدايق
وانت لك نظره بعيده واكتشافه=تعرف الطيّب وتعرف كل بايق
جاك خط الحارثي داخل غلافه=ينتظر منك الجواب ان كنت رايق[/poem]

ردي المتواضع :
[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حي مندبٍ عرف دربه وشافه=صيرميٍ مايضيع مع الطرايق
بعدما شيك على الموتر وحافه=والتفت صوب الدراهم والبطايق
وشيك البنزين والزيت وخلافه=وكمله ماعاد باقي له غلايق
خابر إن العلم ماهو علم تافه=مستعدٍ للحواجز والعوايق
بندر بن سرور يوم يسوق هافه=سايقٍ مجنون ماهو بأي سايق
فيه شي من الشجاعه والذرافه=لا إنطلق مايلحقه شاص إبن شايق
مرسله راعي المعرفه والعرافه=راس قوم وساس ماهو من لصايق
ضاق من وقتٍ تفشت فيه آفه=فتنةٍ عميا ومنها الصدر ضايق
والحقيقه ياسعد مامن حسافه=لو تشب النار برموث الروايق
بعدما تظلم يبين لها إنكشافه=خلها تكشف عن اصحاب السرايق
لامتى والكل عايش في مخافه=لامتى والحق من دونه درايق
ماعدا دار الرساله والخلافه=حيث تربطها مع الخالق علايق
خذ جواب المحترف عقب إحترافه=ياعسى ياصلك خطي وانت فايق[/poem]

الله الله الله

صوت وصدى ولا اجمل

صحة ألسنتكم على هكذا شعر
تحااياي

الله عليكم ياثنين ..

ابدعتوا ولا خليتوا شئ ،،،

مير الجيب ماعاد ينومن بعد الخلل الأخير !

تحياتي يابو ناصر

صحّت ألسنتكم ، مساجله جزله ( وصوت وصدى ) فخم

تحيتي لكم ودمتم بخير

الصوت رائع
والصدى مميز


شاعر الحكمه ، عبدالله الطلحي .. دائماً تقدم دروساً مثريه ، يستفيد منها كل من يقرأها
كل التقدير لك

الله لله

مساجله ولا أروع

صحة السنتكم جميع

المشاركة الأصلية كتبت بواسطة محمد بن رشيد

الله الله الله

صوت وصدى ولا اجمل

صحة ألسنتكم على هكذا شعر
تحااياي

هلا محمد
صح بدنك وطاب فالك
شكراً لحضورك المشرق

ياسلام سلم

صح لسانك ياعبدالله وصح لسانه
صوت وصدى

ومعاني جزله من شعار جزلين

مبدعين مبدعين

لاهنتم