**((قصيدة الشاعر الكبير : ضيف الله بن هذال ابن هنيدس العضياني في صالح التويس ))..

قصيدة للوالد العم / ضيف الله بن هذال ابن هنيدس حفظه الله ...
في المناسبة التي أشاعت البهجه بين أفراد قبيلة عتيبة ...
عندما عفا الشيخ صالح التويس العضياني عن قاتل( ابنه) وهو( إبن أخيه) في عيد الفطر
وقدر جاهية شيوخ القبيلة وعلى رأسهم الشيخ : بدر بن نايف الضيط جزاه الله خير الجزاء هو ومن كان معه ...


.


.
[poem=font=",5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
تحرّك يا قلم لو ما كتبـت إلنـا عليـك إعتـاب=ترى جانا خبـر حـرّك قلـوب النّـاس وألهبهـا
بلا مَسْجٍ على الشاشه بلا صحـرا بـلا مرقـاب=أقـدّم لـك بنـات الفِكـر وأنتـه بـس تكتبهـا
ثنا للي إليا ضاقت على ربعـه فتـح لـه بـاب=مشى وإختـار لـه مجموعـةٍ قامـت بواجبهـا
نعم نثني على اللي دايما ً هـم حضـرة الغيّـاب=صقـورٍ فـي لـوازم ربعهـا تتعـب مناكبـهـا
أهل سيفٍ بساحات الوغـى قـد قطّـع الأرقـاب=منه حتى جمـوع التّـرك مـا هانـت صوايبهـا
وأكرّر في ثناي لـ( بالع البلوى ) مـن الأقـراب=بلعها كاملـه مـا قـال أبـا آصفّـي شوايبهـا
يا ابا سَفْر إعتليت إمن الرجوله عالـي المرقـاب=صِقل معدنكم الصّافي وكلمـة نِعـم فـزت إبهـا
تحرّيت الصّواب وصِبتْ جعل إفداك مـن لا صـاب=تحدّيـت الرجـال اللـي وسيـعـاتٍ مواهبـهـا
عطاك الله من إسمك فالصلاح إنصاب وأيّ إنصاب=صَلح مسعاك في سيرتك مـن جملـة جوانبهـا
( نعم وفّقت يا صالح ) نعم طبت ومسارك طـاب=عسى الله عنـك جـزلات العطايـا مـا يجنّبهـا
صحيح إنّ الرجال أنواع فـولاذ وتنـك وأخشـاب=تكسّـر فـي يدينـك كلّـمـا تبـغـى ترتّبـهـا
ولو شبّهتهم بـ( طيور ) حرّ وحمّـرة وإغـراب=تـرى الغربـان لـو تعجبـك تجذبهـا مناسبهـا
وأنا آقول أنت يا صالح من الفـولاذ لا استغـراب=وأكـرّر كلمتـي بـل وأتحـدّى مـن يكذبـهـا
كم أشبعنا الزمان أحزان وأشبعنـا نكـد وأتعـاب=سئمنا من صـروف الدّهـر مخطيهـا وصايبهـا
ودنيانا إليا ميّـزت مـا تسـوى جنـاح إذبـاب=رخيصه ثم رخيصه لـ( اللبيب ) اللـي مجرّبهـا
فلا ترخـص قراباتـك ومهمـا كانـت الأسبـاب=إعيونـك مـا يزوّدهـا جـمـال ألاّ حواجبـهـا
( عزيز القوم ) ليس الرّجل أبو خنجر وأبو مشعاب=عزيـز القـوم رجـلٍ ربعتـه تاخـذ مطالبـهـا
بعيد الشّر عن ربعـه قريـب الماقـف الغصّـاب=نظيـف لسـان هفـوات الجماعـه مـا ينقّبهـا
إذا قال اللئيـم الدّيـن مـا يبقـى ولـه طـلاّب=سِمَت نفـس الكريـم وهانـت الدنيـا ومطلبهـا
ترك دينه لمديونه وفـي عيـن الـرّدا منسـاب=خصوصا ً كان طعنة خنجره في صـدر صاحبهـا
ما دام الصّايب إبنك وإبنك الآخر هـو المنصـاب=نعـم بلـوى لكنّـك تقهـر البلـوى وتغلبـهـا
تخيّل دمعة أمّـه يـوم تسكبهـا علـى الجلبـاب=جداهـا دمعـةٍ دايـم علـى الجلبـاب تسكبهـا
قليلة حيلةٍ فـ( اللي ) حصل بين أقراب الأقـراب=أمـورٍ دايـم اللـي مثلهـا تشكـى عواقبـهـا
وبفضل الله وفضل اللي مقامه لـ( النّجاة ) أسباب=ورجاحـة عقـل عمّـه يـوم قدّرهـا وحسّبهـا
رجع فلذة فواد أمّه لبيت أمّـه عقـب مـا غـاب=تبلّـغ بالنجـاة وودّعــت نفـسـه متاعبـهـا
نعم له عمّ يجلي الهـمّ حطّـم جملـة الأعتـاب=كسِرهـا ليـن كـلّ محيمـةٍ عـادت لمشربهـا
وخرس شيطان الأسرة وإرتدا حظّه وكيـده خـاب=كذا صبر الرّجال إليا إبتلاهـا الله بـ( اقاربهـا )
كذا تسمو سجايا العاقـل اللّـي للفخـر كسّـاب=كـذا النّفـس العزيـزة كـل مفخـرةٍ تواكبـهـا
كذا ( فحص المعادن ) هل ذهب وألاّ خليط إتـراب=كذا تبدا جِمـال الحِمـل تكشـف عـن مناقبهـا
كذا رفع الجماجـم والأنـوف وقـوّة الأعصـاب=كذا الدّنيـا تبـا مثلـه إليـا اشتـدّت مصايبهـا[/poem]

وسلامتكم

الله لا يحرم والد المقتول الاجر ان شاء الله ويلهمه الصبر

لا هنت ولا هان شاعرها

ابو ناصر


جزاك الله الف خير
وصح بدنك ولاهنت على المرور وتنسيق القصيده يالغالي


دمت بود

الله لايحرم والد المقتول الاجر


ولاهنت ياتركي

الله يعوضه ويصبره على فقده

والله يجزاه خير في عتق الرقبه

وبيض الله وجه الشاعر وصح لسانه على أشهار العتق بهذه القصيده


غيمار

لله يعوضه ويصبره على فقده

والله يجزاه خير في عتق الرقبه

وبيض الله وجه الشاعر وصح لسانه على أشهار العتق بهذه القصيده

الله لا يحرمه الاجر ويعظم له المثوبه

ونسأل الله انه يعوضه بخير


وصح الله لسان الشاعر

المغيري


جزاك الله خير

ولاهنت (:

نايف المقاطي


صح الله بدنك ولاهنت

دمت بود

علي العضياني



صح بدنك ولاهنت


دمت بود

المسري


صح بدنك

دمت بود

تركي بيض الله وجهك على ها النقله

وبيض الله وجه صالح والله يلهمه الصبر

ويرفع منزلته بين المسلمين على هذا الموقف اللي يطلق وجهه

بين ربعه وقبيلته

وصح لسان الشاعر وبيض الله وجههه على هذه القصيده الجزله
تحياتي للجميع

الله يجزاه خير ولا يحرمه الأجر ,
تابعته في قناة الصحراء الحفل كامل وكان مبهج ورائع ,

مودتي لك ولاهنت .

عبدالكريم المحينيش

لاهنت يالغالي على مرورك الطيب

الغالي

عبدالرحمن السمين


تسلم على المرور والاشاده



لاهنت