ضرب مرزبّة !!

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الليلة الجو بارد والسّما غايم = والنّار داخل حنايا الصّدر مشتبّة

اونستها فالخفوق المغرم الهايم = في ذكرياتٍ بَحَرْها ضاع من طبّه

من عشرة اسنين باقصى بحرها عايم = ولا زلت اعوم البَحَر غبّة ورا غبّة

غامرت وآيماني انّ الخالق : الدّايم = والموت واحد لكنّ الفرق فالسبّة

يهجم على الصّاحي ويهجم على النّايم = حتّى الطّبيب المعالج يخذله طبّه

وانا على جور بقعا صابر و شايم = عن ما يلحّقني الشّرهة ومتنبّه

حتّيش لو كان طير المعضلة حايم = صبري على الياس يضرب : ضرب مرزبّة

بحمول الآيام من صغري وانا قايم = واسجّ درب الخطر كل يوم واذبّه

يالين صكّيت باب اضيافة اللّايم = امدوّر الزلّة : الله ربّي وربّه

لا صار فيها شماته جا على التّايم = بضايعه كوم بالجملة وبالحبّة

تلقالها فالحراج الفوضوي سايم = سلعة فلس في يدين : اخبول وامسبّه

والشكر لله قنوع مصلي وصايم = وانكر على من بنا فوق القبر قبّة

خبلٍ ليا شات كورة تضرب القايم = يحوم حول الهدف ويروح ويكبّه

ماهوب ويّا صعود النّايف الرّايم = والفار يلعب على اتفه شيّ في عبّه

متصنّع الطّايلة ماهو لها ملايم = حتّى لو يبوس راس الكوع ويحبّه[/poem]

ياسلام سلم

صح لسانك

نص جزل من جزل

مبدع

لاهنت

حتّيش لو كـان طيـر المعضلـة حايـم
صبري على الياس يضرب : ضرب مرزبّة
بحمول الآيام مـن صغـري وانـا قايـم
واسـجّ درب الخطـر كـل يـوم واذبّـه
ياليـن صكّيـت بـاب اضيافـة اللّايـم
امـدوّر الـزلّـة : الله ربّــي وربّــه

الله يصح لسانك شاعرنا
ولاهنت على هـ الفاخرهـ والأبدااع

تقديري,’’

هزاع الشيباني.

من يصنع الفارق الشعري ...في مثل هذا الوقت قله..

وأنت فعلت ذالك..عبر هذا النص الراكض علواً بذائقتنا.....تجاهك..

وانا على جـور بقعـا صابـر و شايـم
عـن مـا يلحّقنـي الشّرهـة ومتنـبّـه
حتّيش لو كـان طيـر المعضلـة حايـم
صبري على الياس يضرب : ضرب مرزبّة

الله علييييييك...

وخالقي هنا صوت شعري...قادر على ان يجعل الروح تختل فينا...

شاعر لايكتب الشعر لمجرد الكتابه....لاوالله

بل هو يمارس شيء اشبه بالسحر..

يرسم خريطه للوجع....يحدها الشعر من كل الجهات...

حتّيش لو كـان طيـر المعضلـة حايـم
صبري على الياس يضرب : ضرب مرزبّة

يالله يالله...

هناك ابيات يكتبها شاعرها..

لكنها تكتب معه ارواح كثيره ......

وهنا وجدتني....

لي عوده.....