كلام القوافي

بسم الله الرحمن الرحيم





الســلام عليكـــم ورحمـــة الله وبركــاتـــه :




تم إفتتــاح هذا الركــن في هذا اليوم الثلاثاء الموافـــق 12 / 2 / 1434


أتمنى أن تجــدوا ما يســركم هنـــا .






وتقبّلوا إحترام وتقدير أخــوكــــم :

عبدالعزيز الحربي

[poem=font="simplified arabic,4,royalblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
والله انّك لو تدوّر للسعاده ماتجدها=غير في حبّ الله المعبود واحمد والصحابه
الاوادم مبتغاها ينبثق من معتقدها=ذاك يجمع للعمار وذاك يجمع للخرابه
ويش بنتٍ شغلها توعد ونخلف في وعدها=من عشقها واستمرّ بعشقها يفقد صوابه
من خلقها الله وهي تاخذ ولاتاخذ بيدها=وتاكل اللي يهتويها بعد ماتاكل زهابه
[/poem]

[poem=font="simplified arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ماكلّ عين تشوف لو قيل شافت=بعض العيون السود سودا وعميا
كان النوايا والفعايل تصافت=طابت نفوس ورويت قلوب ضميا
أمّا ليامنّ المعاني تنافت=ماعاد نوره تلفت يمّ لميا
[/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
هجوسي ياهجوسي ريّحيني ماعليّه زود=ترا ماعاد باقي غير اجاوب روحي بروحي!
والا يامحلّل الافكار ريّح وافهم المقصود=انا قصدي سموعٍ لو اصيح صياح ماتوحي!
يقولون انت وشبك مختلف يالغايب الموجود=نصيحه تعترف وتبيّن الاسرار وتبوحي
وقلت اقول قولٍ مختصر والحاضرين شهود:=(أنا مجروح وعلاجي مع اللي سبّب جروحي)
[/poem]

كل شيٍٍٍّ يارفيقي له نظام
كن نظامي مع خيار الانظمه

لاتلوم الوقت وقتك ما يلام
دوّر اللي سبّب الهمّ ولمه

هكذا تمشي على الوجهه تمام
ماتحيّرك الامور المبهمه

ما يجيك الخوف في وقت السلام
ما تحصّل سلم وقت الملحمه

يارفيق الدرب لك عندي مقام
لاجل هذا جاك شوري والزمه

أنت ليّ حزام وانا لك حزام
والرفاقه مثل شدّ الاحزمه

لا تدوّر صبح في عزّ الظلام
أو تظنّ الصبح ليله مظلمه !

ولا تعير الوسوسه أيّ اهتمام
غايب الاحداث ربّك يعلمه

من يحسّ السقم قبل الارتطام
ضيّع التركيز وقت العمعمه

الماضي اللي يعطي الحاظر دروس
يستاهل الذكرى ويستاهل الحفظ

مثل انتصار الشيخ شامل على الروس
موقف بطولي فعله يطابق اللفظ

هذا زمانٍ فيه خلط القضايا
عجّ الردا عكّر مزاج الشريفين

فيه الامور العوج تهدى هدايا
وفيه العداله تنشرا بالملايين

وفيه المخازن بالمطامع ملايا
وفيه العوارف بالنصايح شحيحين

ثوب الوفا لبسه خبيث النوايا
والغدر ثوبه لبّسوه الوفيين

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياحظ منهو ذاق طعم السعاده=في جنّةٍ عرض السماوات والارض
والاّ ترا الدنيا هموم ونكاده=إلاّ لعبدٍ ودّه يصلّي الفرض
وان ماخذيت من الليال استفاده=ذوّقك مقراض الدهر قوّة القرض
لكنّ طعني ياقويّ الاراده=اعزم على التوبه وباللي يجيك ارض
[/poem]

[poem=font="simplified arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الصبر مفتاح الفرج كيف تنساه؟=لاتغلق الاّ بابٍ يجوز غلقه
وان ضاع صبرك دوّره لين تلقاه=وان مالقيته دوّره زين والقه
مايجلس المومن على حيد مركاه=ويقول ابي من كلّ الارزاق شلقه
[/poem]

[poem=font="simplified arabic,4,sienna,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يقولون الرجال أهل التجارب للتجارب دور=نجاحك بعد توفيق الولي للتجربه يرجع
وانا بضيف معلومه واوزعها على الجمهور=رسوب العبد في دنياه لايقتل ولايفجع
تعثّر .. ماتعثّر .. واصل المشوار واخذ الشور=تشجّع لين تصبح من شجاعة عنتره واشجع
[/poem]

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بمسلسل (العقرب) على شاشة المجد=راشد يمثّل دور (رايح بيدها)
(رايح بيدها) مصطلح عند أهل نجد=يعني زرع عوج الامور وحصدها
ياقاع الارض أسبر على قمّة المجد=واعرف مقام القمّه ومن صعدها
والاّ التوجّد مانفع عالم الوجد=اللي هواها هو سبايب نكدها
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يانجمةٍ بين النجوم المضيئه=ضوّك يضوّي ضامي الشوق بدري
متلبّسه بالجرم وانتي بريئه!=من لبّسك في لبس الاجرام؟ مادري!
الادمي مهما ارتكب من خطيئه=لاشاف مخطي قال ضيّقت صدري!
[/poem]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سلام تسليم مسلم سلمه اسلامه=سليم سلم وسليم اسلام ومسالم
حليم حلمه حمل ملامح احلامه=ماحلا حلا الحلم يملح لمحة الحالم
عالم وعلمه لمع للعلم واعلامه=معالم العلم تلمع علم للعالم
ما لامه ألاّ لئيمٍ ملّه ولامه=لامه لئيمٍ ملامه للملا والم
ضم اللظى ضم وامضى الظالم وظامه=لظى وظلال وظلام الظلم ياظالم
[/poem]

قصيدة مؤثّرة بعنوان (بنات شيوخ وعيال الأكابر)
للشاعرة القديرة : مشاعر نجد .

أعجبتني وجاريتها ببعض الأبيات :


تقول مشاعر نجد :-


[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا عرب ! غير الدعا والشعْر ما نلقـى وسيلـه = والمصيبة لو يضيـع الصـوت وتجـف المحابـر
ما لقيتوا شي يا حكام .. يا اصحاب الفضيله؟ = انتعـذر بـه مـن الباقيـن واصحـاب المقابـر ؟!
والله انـي مــا رضـيـت اعـيـش فالدنـيـا ذليـلـه = لـو نقـول ان البنـادم مـع فجـوج الكـون عابـر
بنت ناس ووجهها ينـدى .. ولا تبغـى الفشيلـه = بنـت أكابـر .. بـس لا طاحـت تـقـوم ولا تكـابـر
وقتنـا الحـالـي بخـيـر .. وحالـنـا مافـيـه حيـلـه = من حلاته .. نستمد امجادنا من وقت غابر !
بيـن تمجيـد الشيـوخ .. وبـيـن تمجـيـد القبيـلـه = كلنا صرنا ( بنات شيوخ ) و(اعيال الاكابر ) !
وان دعتـنـا سـاحـة المـيـدان ضيعـنـا الدليـلـه = مـا لنـا الا وقفـة التبـريـر مــن فــوق المنـابـر
ودنــا بالـلـي لـيـا نـــاش اللهب راس الفتـيـلـه = قبل تقبس .. يأمـر الحـراس فـي فتـح المعابـر
اتركـوا هالشعـب يظهِـر قوته..واخلـوا سبيلـه = لا متى والشعب بين الباب والجدران صابر ؟!
والمتون اللي تحـط الحمـل .. مـا تقـدر تشيلـه = عظمها المكسور .. فعيون الملا ماهوب جابر
ليـتـنـي قـبــل آتـكـحــل ذل .. واكــــد الـجـديـلـه = ما عرفت الفـرق مـا بيـن المظاهـر والمخابـر
انتكاثـر فـي العـدد .. فـي كـل يـوم وكــل ليـلـه = صح في هالكون نكثر .. بس يـا قـل المثابـر !
والكثيـر اللـي بعضهـم مـات مــا نلـقـى بديـلـه = والقليل اللي بعضهم حـي عاشـوا فـي العنابـر
ومالنا غير الدعا .. والشعر ما شفنـا حصيلـه = مـا يوصّـف حالنـا بالضبـط .. لـو الـكـل خـابـر
[/poem]



الـــــرد :



[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامشاعر نجد يابنت الرياجيل الأصيله=من كوارث عصرنا المشهود يندنّ الصوابر
الزمان اللي نعيشه ماحصل قبله مثيله=لو سبر غبر السنـين الماضيه مليون سابر
والبطوله يامشاعر نجد ماهي مستحيله=كم بطل موجود لكنّ أمر رب البيت عابر
الفضيله ماتقــوم ألاّ على نبـذ الرذيلـه=والتآخـي طبّ لجروح التباغض والتدابر
والحميّه للعقـيـدة تشفي كبـودٍ عليــلـه=مسلمين المملكـه هم مسلمـين بلاد جابر
هي وسيله واحده ماغيرها يوجد وسيله=الرجوع لهدي من هديه عبر كل المعـابر
لو على السكّه مشينا مشي أبوبكر وخليله=كان جفّت كل عبره تنحدر من عين عابر
الهزيمه ماجنتـها ألاّ التصاريف الهزيله=بين زلاّت الفقيه وبين تشويـش المخابر
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الذيب لولا (عزّة النفس) ياسيف=مايفرقونه عن ولد عمّه فلان
منهج دراسي مختصر دون تكليف=احيان بيت الشعر يرجح بـ ديوان
[/poem]

( الحقيقة )
,
,
,
,
,
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كلٍٍٍّ يقول انّه يحبّ الحقيقه=لو الحقيقه ماطرتله على بال
وكلٍٍّ يقول انّه صديق لصديقه=لو الصداقه بينهم شرطها المال
وكلٍٍّ يقول ان الردا مايطيقه=لو الردا عنده يغطّيله جبال
وكلٍٍّ يقول انّه يميّز طريقه=لو بينه وبينه ملايين الاميال
وكلٍٍّ يقول انّه يطفّي حريقه=لو كان يشعلها على نفسه اشعال
وكلٍٍّ يقول ان المصادر وثيقه=اللي خذا منها عناوين وامثال
لو المصادر بالدعايه غريقه=يقول جاك العلم من عند رجّال
وكلٍٍّ يقول ان المهادي شقيقه=بالصبر والقوّه على كل الاحوال
وكلٍٍّ حسب رايه ما شيٍٍّ يعيقه=لو الاعاقه معه في كل منزال
بس الحقيقه لابغيت الحقيقه=الحكم بالافعال ماهو بالاقوال
[/poem]

حـسـن التعــامــل
..
..
..
..
[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ان كان ودّك تكسب قلوب الاخيار=عليك بالفزعه وحسن التعامل
اليانخوك افزع ولاتبدي اعذار=وان شاوروك بمسأله لاتجامل
عطهم وخذ منهم بحكمه ومقدار=مايشملك من حقّ للناس شامل
وليابغيت توجّه انسان محتار=فكّر برفق ولاتعض الانامل
إياك تستعجل وتضرب بالافكار=يمكن على بعض الخلايق تحَامَل
الياعترض بالدرب حفره ودوّار=ماينفع السوّاق مسك الفرامل
قولٍ على وضح النقا مابه اسرار=والطيب له منهج وعدّة عوامل
راع الوفا على الوفا عنده اصرار=دايم على فعل المعاريف صامل
والنقص بالانسان من ضمن الاقدار=مافيه مخلوقٍ على الارض كامل
لو الاوادم كلها تبعد انظار=أفقر فقير اصبح حناكي وزامل
[/poem]

( ضاري وداود )

,,
,,
,,
,,

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياللي تشاهد فلم (ظل الجزيره)=ويش الشبه ما بين ضاري وداود؟
ضاري من اجل المال نفسه حقيره=وداود حط السمّ للمجرم العود
الكلّ منهم له جرايم خطيره=لكنّ ضاري جرمه بنظرتي زود
المال وحده هو هواه وعشيره!=ماله بغير المال مطلب ومقصود
وهذي تراها ياجماعه كبيره=المال زوده نقص والنقص منقود
أعني بذلك يالوجيه السفيره:=(جمعٍ بليّا صرف ماهو بمحمود)
أمّا تصرّف بالحياه القصيره=وانفق وباب الرزق ماهو بمسدود
والاّ ترا حالك تعيسه فقيره=لو الكنوز المغريه عندك رقود
هذا الكلام اللي قليله كثيره=يكفي مادام (مزوّد الهرج مقرود)
[/poem]

// صرنا على تويتر ثقيلين طينه //




[poem=font=",6,burlywood,bold,normal" bkcolor="black" bkimage="" border="none,4," type=2 line=0 align=center use=ex num="0,black""]
ما بين تغريد وتتبّع تغاريد=صرنا على تويتر ثقيلين طينه
بس انتفرّج بالتغاريد ونعيد=والدعم لاجينا غشته السكينه!
يامردّدين علوم الاصحاب ترديد=سلام تسليم البحر للسفينه!
ماهي قضيّة مصلحه يالاجاويد=مار التكاتف كلّكم خابرينه
ابذكر الاسباب من دون تحديد=والعلم اشاره للعقول الرزينه
احدٍ حياه يحطّ في رجله القيد=يخشى خطا ناسٍ ماهم فاهمينه
واحدٍ حسب مفهومه الوضع تقصيد=خطوه وخطوه والهدف واصلينه
واحدٍ على المكشوف ماودّه يفيد=نفسه تقول الفزعه اكبر غبينه
واحدٍ لو انّه يقدر يحظّر العيد=ان كان جاب العيد قدّام حينه
واللي يسمّي رفعة الركن تسديد=(طيبه) بعينه ماتسمّى (مدينه)!
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سجّة فكر جتني وانا في مكاني=وصلتبي الصمّان ثمّ ارجعتبي
ياسامعي خذ رمز بعض المعاني=ولياقريت اقرا عناوين كتبي
تدري وش اللي صارلي في زماني؟=وتدري الى وين الدروب انتهتبي؟
أخذ الجواب اللي عليه الضماني=واترك علومٍ لانتحيت انتحتبي
لقيت مخلوقٍ زهـمته وجاني=شكله وسيم ونظرته شرشحتبي
قلت استرح قال استرحت وتراني=ماكنت ابجلس والضروف اجلستبي!
قلت القمر والاّ سهيل اليماني؟=قال الثريّا والنجوم اسكنتبي
قلت اعتبرتك واحدٍ من خواني=قال ايه بس عيونك مشوّشتبي
قلت انت مجرم قال مجرم وجاني=واروحك اللي زرتها وابتلتبي
أثر المودّه شكها شكل ثاني=كيف ابتدت ثمّ انتهت وابتدتبي؟!!
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اجعل همومك سرّ بينك وبينك=لاتشتكيها للبشر ثمْ تحسّف
اليادروا بهمومك الله يعينك=ماعاد ينفعك الندم والتآسّف
[/poem]