قطب الشمال

هاجسي لايهمك فالزوم امخدوم
يوم جبت المعاني ثم جالي مجال


قمت اسوق المعاني مثل سوق السهوم
لان يدرج عجلها ثم تمشي عدال


مثل سوق الجمل لاجا نهار الهجوم
عطفت الروقه اللي يوم وقعت طلال


يوم حذف الجنايز مثل حذف الهدوم
عقب اللي يجنب عن طريق النضال


بعدها يانديبي فوق جيبن يزوم
مصنع الدوله اللي لاحرام وحلال


لاقسمنا اخوانه من خيار القسوم
مايجيبه فقير الا غني الريال


ياصل اللي لياجيته يسد اللزوم
من مداغيش روق ومن خيار الرجال


عند سلطان عبدالله قوي العزوم
الكرم والشجاعه من كرام السبال


مثل نجمن لحاله عن كثير النجوم
مايحال النجوم وفوق قطب الشمال


علمه بالعلوم وهات منه علوم
لاتخلي جواب ولا تخلي سؤال


وقتنا قلباني بين برد وسموم
ماتدفي نفود ولا تَذري جبال


الضعيفه ضعيفه والقوي امحروم
عيت الشمس تطلع تختفي بالهلال


أتحلم وافكر في كثير الحلوم
أتخيل خيالي صورتي بالخيال


متى ينزل سماها والاراضي تقوم
لان يدرج رشاها فوق حدب المحال


ثم كلن يَعود يم بحره يعوم
لاتطول السنين ولا يطول الجدال


ماش عمرن مديد ولاش حكمن يدوم
غير رب الاوادم عزته والجلال

أربعه في صحيفه والثنينه ارخوم
والحقيقه حقيقه كلهم بالظلال


السماء مانشوفه من كثير الغيوم
ما يشيل الحمول الا قوي الحبال


ماتركها الخواجه مع طريق الجموم
لان ثنت ايداها قيدها والعقال


العلم مانحطه فوق روس الرجوم
لان نسقي ثراها من دمين زلال


مانبيع الامانه لو كلن يسوم
لو دفعنا ثمنها من عمام او خوال


الشاعر/ فلاج عبدالله الغنامي