بين الأمير محمد الأحمد السديري والشاعر محمد العسيلي رحمهما الله

أخواني في منتديات المرقاب السلام عليكم ورحمة الله

اهدي لكم هذه المساجلة بين الأمير محمد السديري والشاعر محمد العسيلي الحربي رحمها الله تعالى . وقصيدة السديري يرد بها على رسالة ارسلها له العسيلي حول موضوع ما .. ...

يقول السديري :

[poet font="Simplified Arabic,5,black,normal,normal" bkcolor="transparent" bkimage="backgrounds/4.gif" border="none,4,gray" type=0 line=200% align=center use=ex length=0 char="" num="0,black" filter=""]
اهلا عدد مامال ريح بنبنوب =
من خاطر هرج الردا ماهذابه
أحلى من السلسال في صافي الكوب =
وألذ من نقع المطر من ربابه
من خاطر يشفق على كل محبوب =
ويجعل رفيقه دون كل القرابة
يكن له ماكن يوسف ليعقوب=
ويحمى قفاه بحضربه مع غيابه
ويذريه ما يشكي عنا كل لا هوب =
ويزيد له بالطيب عن ماهقى به
العمر من دونه رخيص ومجلوب =
ولا يستمع بهروج حي حكى به
نفتح له صدور تذرا ورى جيوب =
وعن ما يعيب منزهين شنابه
يا ابن العسيلي مابكم كل معيوب =
حاشا ولا في طيبكم مايعابه
لكم على الجودا محاريف ودروب =
وراسين مثل المعتلي من هضابه
ودياركم حامينها بكل مسلوب =
وياما دخلتوا دونها من حرابة
وياما نثرتوا دونها الدم مسكوب =
أروى لعطشان الثرى من ترابه
ياهل السبايا اللي لها الأصل منتوب =
معمقات من عصور الصحابة
سلايل من فوقها حرب لحروب =
دايم على الردات عوج رقابه
وإن جاء نهار مشعل الحرب مشبوب =
فأنتم على الطوعات مثل الذيابة
نعم بكم والسيف مشهر ومقضوب =
إن حل بأطراف الجهامة ضبابة
أعني بني سالم ومسروح ووهوب =
ما اقولها بأهل الردى والخيابة
وادي الرمة من ولبكم صار مهيوب =
بروس البلنزا مبعدين رحابه
وليا غزوا يمه غزاة لقوا شوب =
وطبوا على بحر تلاطم غبابه
الطيب لأهل الطيب يذكر ومنسوب =
وكل على طوله يفصل ثيابه
والناس في دنياك غالب ومغلوب =
وكل على شفه يوجه ركابه
واللي من أفعال الردا فيه شاذوب =
هذاك كساب الخناء في شبابه
اختر رفيق بالقسا يقضي النوب =
وابعد عن المنزوع قل لا هلا به .

قال العسيلي :

قال العسيلي وان بدا راس مشذوب =
مرقاب جرك مابضميري وجابه
وبديت باسم الله عن الكل مطلوب =
سايق هماليل المطر من سحابه
وابديت مافي خاطري يمه وصوب =
من خطار جاش وجهش كل مابه
اهلا هلا ترحيبة تقضي النوب =
ترحيبة المشفق بروية غيابه
تحية مثل العسل صافي الذوب =
وألذ من نقع المطر في شرابه
برسالة كلف بها لي مندوب =
من أعز مخلوق وصلني جوابه
من السديري ما ركم فيه مكتوب =
عبارات تطلق وجه من هو كتابه
كتابه تمليته وقربته حروب =
وأشهدتهم واقع خطاه وصوابه
لا شك ما حصلت بالخط عذروب =
مافيه موضوع عن الزين شابه
كلامه الطيب قفل كل دالوب =
جميع دالوب عنه صك بابه
وأجاب على كل ماكان مطلوب =
فهم سؤالي واعتنى بالإجابه
إجابة تفتح لها صدور وقلوب =
وتغلق لها ابواب عليها رقابه
سلم وغنم من قام في كل ماجوب =
وجاب الكلام اللي حسبنا حسابه
محمد فداك من الملاء كل زاروب =
اللي صلاحه ما يعادل خرابه
حقك عليه ما انسب العلم مقلوب =
وحقي عليك الصدق في كل جابه
لو كل علم يم حاكيه منسوب =
وترجع مناقيده على من حكى به
لا شك احب الصدق والصدق مرغوب =
عند الرجال اهل الشرف والمهابة
واصاحب اللي صحبته مابها عيوب =
واجفى الجناب الللي يمله جنابه
واجنب اللي كل اما احتجته يذوب =
ويروح ضحضاح تلاشا سرابه
تذهب مواعيده مواعيد عرقوب =
أدراج ريح ?، الله يخيب شبابه
واللي لبس لي بالصداقة مية ثوب =
ماهو صديق ولا هبابي هبابه
هذا كلام اللي بدا راس مشذوب =
رأس الطويل اللي تقطع سرابه

[/poet]

مساجله جميله

ومشاركه أجمل

شكرآ لك أخوي محمد

لاهنت يامحمد



وصح السانك والسانهم




تحياتي

اختي سحابة


اخي سالم الحصين


الله لا يهينككم


تشرفت بمرورركم الجميل

اتمنى ان اكون دائما حاضر بما يعجبكم من الشعر والادب

والشكر لكم

يا سلااام


مساجله فريده


رحم الله الشاااعرين رحمة واااسعه


ومشكوووور

عزيزي محمد


لك كل التقدير

أخي ناصر بن تراحيب


لاشكر عل ىواجب وتشرفت بمرورك الكريم


شكرا لك