 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: المرقاب العَام :.. مناسبات و اقتراحات الأعضاء - مواضيع منوّعة |
 |
|
|
أدوات الموضوع | ابحث في الموضوع | انواع عرض الموضوع |
|
#1
08-11-2003, 05:04 AM
|
|||||||||
|
|||||||||
|
سلط الله عليه ؟؟ ( يوم الثلاثاء في 12/5/1420هـ -الروضه -الرياض )
اخواني اخاوتي اعضاء منتدى المرقاب الشامخ
السلام عليكم ورحمة الله وبركاته يمكن تكون هذي اول مشاركه لي في المنتدى العام واتمنى ان تعجبكم وياليت تستقبلونها باللهجه البدويه  هذي قصه ذكرتها وقلت اشارككم فيها لعلنا نستفيد من بعض القصه تقول هذا واحد من زملانا الله يكون في عونه ادعو له ان الله يفرّج عنه قصته يالربع يقول في يوم من الايام رحت للرياض ابي اشتري اجهزة جوال لانه عنده محل جوالات ويترزق الله فيه يقول رحت اشتري اجهزة جوالات من الرياض من حيّ المرسلات ولي ولد عم ونسيب في حي الروضه يومنّي خلصت من حي المرسلات ومن البضاعه قلت خلني امرّه واسلم عليه واريّح عنده بعد يعني حجّ وحاجه ... المهم يقول يوم رحت لبيته مالقيته فالبيت ويقول لي ولد عم ٍ ثاني في حي النضيم وليا والله اني تعبان وقلت ماني بفاضي اروح للنضيم وتعرفون المسافه وزحمة الرياض يقول والله واقوم واستاجر في هاك الفندق الفخم وزين ماعلاه يقول يوم استاجرت نزلت ابي اجيب لي غدا وابي ادقها نومه لبكره وامشي لديرتي يقول وانا راجع من المطعم دخلت الغرفه ابي انام وسمعت لي صوت ماء فالشقه وقمت ابي اشوف الصوت هذا من وين جاي يقول يوم جيت فالصاله ليا والله يوم زاد الصوت واسمع لي تمتمه خفيفه ولا تحققت منها يقول والله وتدخلني راعه وامشي حبه حبه وانا مرتاع يقول اتضح لي ان الماء مصدره دورة المياه الله يكرمكم ... يقول يوم قربت دورة المياه كان فيه علبه فالارض ووطيتها وانا ما شفتها وطلّعت صوت واللي فالحمام رد الباب وصك الما وسكت يقول وانا افتح الباب بقوه ومعي والله مدري وش معي مار معه سلاح ٍ ابيض ما يندرا وشهو ويوم فتح الباب ليا والله ان اللي في دورة المياه حرمه وهي ترتبك وتقعد تبكي بصوت خفيف وتنخاه يقول يومنّي شفتها حرمه وانا ارتاح راحة ٍ قشرى مدري ميف هي قايله المهم قال وش جابك فالشقه قالت معي مفتاح سبير لناس كانو هنا من قبل وفتحت الشقه ودخلت فيها على بالي انهم فيها لكن الظاهر انهم طالعين قال الحين ليا شافوك عندي يبي يصير علي مشكله قالت ماعلاك استقبالهم في بنايه والشقه في بنايه ثانيه وشقق عوايل وفيه باب خلفي .. يعني الحرمه هذي عندها خلفيه عن الفندق المهم ان رفيقنا سكت وقعد يفكر فالحرمه هذي لايكون مدزوزه علاه والا شيء والا فيها بلا المهم وش اطوّل علاكم ابه قامت الحرمه تبكي وهي متردده وخايفه يقول قلت الها وش فيتس علامتس تبتسين قالت ياخوي انا في ورطه انا في وجه الله ثم في وجهك يقول قلت العلم ويش قالت خلنا نطلع من هنا واقول لك كل شيء يقول والله واقول لها تسبقني وتحتريني تحت وانا طلعت من الشقه وكنسلت الاجار فيها والنوم طار ماعاد اش نوم يقول وتركب معي فالسياره ومعها شنطه يقول وتقول افتح الشنطه شنطة السياره علشان تحط فيها شنطتها يقول والله واقوم وافتح الشنطه واشيل شنطتها واحطها فالسياره يقول واسألها واقول لها انتي مسافره ؟ قالت لا بس انا في ورطه تكفى ياولد افزع لي وهي تقعد تبكي يقول قلت لها خلاص لبا تبكين يقول انا الحين ابي الفكه منها لايكون مناحشه عن اهلها والا شيء ثم اتورط بها يقول قالت اطلع بر ليا والله يوم ذليت منها قلت هذي فيها بلا اولا تنخى والحين تقول اطلع برى يقول وامسك بها خط الشرقيه واقعد اطالهبا وانفخ علاها صرت الحين ذال ٍ على نفسي منها قالت يابن الحلال انا في ورطه وان فكيتني منها والله اني لاسوي لك اللي تبا واني لاعطيك اللي انت تباه لو تطلب ويش ماتطلب يقول قلت لها هاتي العلم قالت العلم ومافيه اطلع للبر .. وخويّنا هذا سيارته كابرس قال والله واطلع برّ بس ماني ببعيد عن الزفلت وهي تنزل من السياره وتقول لي افتح الشنطه يقول والله وافتح الشنطه وهي تجيب شنطتها اللي كانت معها وهي تركب وهي تفتحها ويوم فتحت الشنطه ليا والله انها مليانة ٍ دم وفيها شيء ٍ مذبوح يقول والله واصيح واسألها العلم ويش قالت العلم ومافيه ان هذا ورع مات في يدي من الله كذا وابي تفزع لي وندسه عن الناس لا ننكب فيه يقول والله واصفقها على وجهها واقول ورع مات في يدك من الله ومليان دم كيف تجي هذي وهي تقعد تبكي وتنخى يقول وانا تضيق بي الارض قال علميني وش سالفة الورع هذا قالت السالفه اني ذبحته مار تكفى نبي ندسه والا ندفنه والا نسوي فيه اي شيء المهم نفتك منه يقول وانا اتذكر السيف وراي والسجن والورع يقول ذكرت الموت . المهم يقول ان ما دسيت الورع اذل انها تنكبني فيه يقول والله واقوم واحفر له قدام السياره وانا ادفنه من الراعه مدري وش اسوي يقول والله وادفنه واركب السياره ماني بيمّ فلوسها ولاني بيمّها يم الورع اللي دفنته يقول واشغل السياره على عجله ويوم عشقت وجيت ابي امشي وهي تهسك الكفرات الاربع تهسك يعني تندفن فالارض الكفرات كلها يقول وانا اصيح الله يلعنتس ويلعن يوم ٍ جابني للرياض يقول والله مدري وش اسوي والله يجب لي راعي هاك الجيب الشاص يقول وانا انقز في نحره واصيح ابيه يوقف والله يهديه ويوقف لي ليا والله انهم ثنين شايب ومعه ولد المهم قال يالربع انا غرّزت سيارتي هنا وابي الفزعه قالو ابشر ويحاولون يدفونها وعجزو المهم قال الشايب للولد جب الواير نبي نسحبها وشوفو نكبة الله له يوم جابو الواير وشحبو السياره حفرو عن الولد الميت اللي مدفون ٍ قدام السياره وطار لحم الولد ودمه على القزازه يقول وانا اصيح والبنت تصيح معي والله واصيح واصيح لين جاني ابوي وصحاني من النوم قال قم قم وانا ابوك وصل الفجر مع الجماعه ترى ماهو ببعيد يقول واتعوّذ من الشيطان واقوم اغسل وجهي واحمد ربي يومنّه حلم وماهو بعلم ومن اليوم الثاني وانا ابيع محل الجوالات يقول انا عارف ٍ انه ماهوب مبروك وعلمي سلامتكم عسى ماطوّلت علاكم يالربع ان شاء الله يكون موضوع زين ويعجبكم في امان الله <<<<<<<<<<<< الله يستر يبا يحصّل له دعاءفي هالشهر الفضيل اخوكم عبدالعزيز 
لاتسألنّ بُنيّ آدم حاجة ً ++ وسل ِ الذي أبوابهُ لاتُحجبُ
اللهُ يغضب إن تركت سؤالهُ ++ وترى أبنَ آدم حين يُسألُ يغضبُ مدري لمن بس انها مسكّته
|
|
08-11-2003, 05:17 AM
|
#2 | |
|
(*( عضو )*)
|
عبدالعزيز:
انت قد سمعت بشئ اسمه الحذاف؟؟؟؟؟؟؟؟ ما مرّ علاك نهار و الا شفته في طريقك و الا عطاك بقس على الفرّه؟؟؟؟ يا شيخ هذا وجهي ان كان جلس الموضوع دقيقه في المرقاب... ماهوب الموضوع لحاله وبس الا يمكن تكون انت قدامه.... اما الدعوات فانا من عندي ارسلت ما يقارب العشرين دْعـَـوَه.... يمكن يخطي تسعتعش<<< لا زالت الكويتيه ماسكه معه... اما العشرين في وجهي ما تخطيك... ربنا و ربك الله يا عزوز تامرنا بشي قدام تنحذف.. توصي بشي الله يسلمك... ابشر بكل شي الا الفزعه من الحذاف... |
|
|
يـا مغـسّـل الامــوات للـمـوت تـذكـار=انـشــد و تـخـبـرك الـنـجـوم الـمـطـلـه
انشـد بـلاد الشـام و اديــار الاحــرار=لا تـنــشــد الــعــشّــاق والا الــمــولّــه الـيـا تـراخـى راعـــي الـــذل و انـهــار=ف/ الشـام ماهـي بـالـردا مُستَحـلَـه منها يشعّ النـور و تطـوف الانـوار=كــــل الــوجــود و نـــــوّرت بـالاهــلــه و ان ثـارت الهيجـا مـن يديـن ثـوّار=ف/ رجالـهـا مـــا سِـــوّروا بـالاغـلّـه تنصا المنايا من شجاعه و تختـار=مـوت الشـهـاده عــن حـيـاة ٍ اِمْـذلّـه وْبين الشتا و الصيف مدفع و طيار=قتـل وْ تشـرّد.. هـدم مـنـزل و فِـلـه وْطفلٍ رضيـع ايصـارع الجـوع فغّـار=و ام ٍ كـسـيـره.. و الـحـيـاه المـعـلّـه وْبـشّـار مـوسـاد الكـفـر ســاد كُـفـار=اســتــعــبــد الــعـــبّـــاد رب وْ تــــألّـــــه يبـطـش بـقـوّة بــاس قـاتــل و جـــزّار=و ايـران سـادت و استبـاحـت بظـلـه يوم العرب لاهين ما بيـن الاسعـار=فــي ســوق دنـيـا بالـعـلـوم المـخـلـه عِــــبّــــاد لــلــدنــيــا و عِــــبّــــاد دولار=و وجيهـهـم تـحــت الـــردا مستـظـلـه
|
|
08-11-2003, 05:34 AM
|
#3 | |
|
(*( عضو )*)
|
عزيز
الله يرجك انت واحلامك ....................لا عاد ترقد ياخي ذكرتني احلام سلوم ............................كح كح كح .........مغبر انت ياللي فوق ..................اترك الكويتيه عنك والا الدعوات ما ظيت................اللهم اني صايم تحياتي |
|
|
ا
روّح وأنا بأعتبرك أحلام راحت رماد = وأنت اعتبرني موظف فـ الغرام وفصل
|
|
08-11-2003, 05:56 AM
|
#4 | |
|
(*( عضو )*)
|
تصدق عاد انت يا اللي فوق ان احسن حاجه في موضوعك كله..
هو توقيعك........... اشهد بالله ان احسن شئ سويته في حياتك انه هالتوقيع.....<<<<<<< بلا شفق من كثر ما يحب المشاكل... هههههههههههههههههههه اسم الله عليك انت ياللي دعواتك تسابقها الاستجابه هالحين.... اقول ارقد و صم و عين من الله خااار.... اما عزوز اذا ما جاه انذار و الا بحق.... تدري ليه؟؟؟ ماهوب عشان المضوع و اسلوبه.. الا بسبب الفندق اللي فجأه انقلب الياه شقه.. شق الله راسه...... ابك تسيف فندق ثم طلعت الياها شقه و فيها صاله..... اهب.. عسى و الله ما يكثر جنسك يا عزوز... حتى في الاحلام اربادي؟؟؟؟ و اللي اعبر منها,, الورع اللي دفنوه تحت التراب ثم طشـّـر دمه على قزازة السياره بسبب الواير.... ول ول ول اقطع الله جنسك صحيح.. لا عادت ضنوتك.... عدت علاك من عزوز... |
|
|
|
|
08-11-2003, 09:20 AM
|
#5 | |
|
(*( عضو )*)
|
هلابك يا عبدالعزيز .. وقصصك الغريبه
والله من يوم شفتك ..تقول وان ادفن الورع قدام الموتر .. دريت ان الموضع فيه انا ولا ورع وتدفنه بالطريقه ذي .. صار مندي مهوب ورع ذا وبعدين مرتين احاول اتصل على الشرطه ابلغ عنك .. بس اقول خله يكمل القصه اول وبعدين ليش ما مسكت طريق حويته ..ومريتنا على دربك .. ندفن الورع معك تحياتي لقلمك المميز يا عبدالعزيز دمت بخير |
|
|
عن حب مدعوج العيون التوبه
.................... الله ولا حب ٍ يزيد يذنوبي توبه صحيحه قلتها هالنوبه ................ والاادمي ماله عن المكتوبي ماعاد اداني شوفة الرعبوبه .................نويت اغير منهجي واسلوبي هدمت مبنى الحب طوبه طوبه .............ماني على درب الشقى مغصوبي خالـد العنقــري
|
|
08-11-2003, 08:41 PM
|
#6 | |
|
(*( عضو )*)
|
سنجااااااااار
ياسنجااااااااار سنجار قل هاه انت علامك ماتوحي ابك الحذاف ويش الله يرجك ؟ لايكون الدعس الفني وماقلتو له ! تدعي عليّ ياسنجار افا هذا وانا حاطّ ٍ القصه لك لأنك تحب القصص اللي زيّ هذي لا وتحرضّهم بعد على الحذف اهب ياسنيجير على العموم هذي قصه وترقبو القصه الثانيّه وصدّقوني انها حقيقيه قصه صارت على سنجار 100% ترقبوها قريبا ً تحياتي |
|
|
|
|
08-11-2003, 10:21 PM
|
#7 | |
|
(*( عضوة )*)
|
يالربع من عين00السفيانيه
لاحول ولا قوة الا بالله |
|
|
[poet font="Simplified Arabic,4,black,normal,normal" bkcolor="transparent" bkimage="backgrounds/43.gif" border="none,4,gray" type=0 line=200% align=center use=ex length=0 char="" num="0,black" filter=""]
مانيب من يضحك على غير مصلوح=يضحك (لخلان) وهم عايفينه المقفى اقفي عنه لو كان مملوح=والمقبل انهض له شراع السفينه [/poet]
|
|
08-11-2003, 10:42 PM
|
#8 | |
|
(*( عضو )*)
|
 المشاركة الأصلية كتبت بواسطة
كاتب الرسالة الأصلية عبدالعزيز الغنامي
سنجااااااااار ياسنجااااااااار سنجار قل هاه انت علامك ماتوحي ابك الحذاف ويش الله يرجك ؟ لايكون الدعس الفني وماقلتو له ! تدعي عليّ ياسنجار افا هذا وانا حاطّ ٍ القصه لك لأنك تحب القصص اللي زيّ هذي لا وتحرضّهم بعد على الحذف اهب ياسنيجير على العموم هذي قصه وترقبو القصه الثانيّه وصدّقوني انها حقيقيه قصه صارت على سنجار 100% ترقبوها قريبا ً تحياتي هذا و الله الذنب على سنجااااار..... يالربع احد شاف سنجار مرّ على موضوع عزوز؟؟؟؟؟؟؟؟؟؟ هذا و الله الامتحان للمسلمين الآمنين.... زين اللي ما قال شفق....<<<<<<< احد المـُـبــْــتــلـــَـــيــْــنْ في المرقاب.. ما احد يخليه في حاله... ياخوي خاف ربك يا عزوز... اول مره تجي للديوانيه و على طول امتحنت لك مسلمٍ ما جا موضوعك و لا رد عليه... يا ناس بلاش امتحان لخلق الله... خلوا العالم في حالها... ما عليش يا سنجار هالمرّه حطها في وجهي و المرّة الثانيه علاك ابه ان تعرض لك عزوز و اشكاله.... |
|
|
|
|
09-11-2003, 03:44 AM
|
#9 | |
|
(*( عضو )*)
|
عبد العزيز
اسمع المهايط<<<<<ابك انا منول ابرسل لمحمد يشيلها لا يمسكونك ليلقروها والله المهايط>>>>>>يابو صالح عبدالعزيز تحياتي لك وكل حلم وانت بخير |
|
|
|
09-11-2003, 04:25 AM
|
#10 | |
|
(*( عضو )*)
|
ولله اني من اول مابي اكمل القصه
ولا ابي اقراها مير انجبرت اكملها على سبت هالجمله واقول لها تسبقني وتحتريني تحت وانا طلعت من الشقه وكنسلت الاجار فيها والنوم طار ماعاد اش نوم يقول وتركب معي فالسياره ومعها شنطه واخرتها حلم والمره هذي عندك يبو مهنا المره الثانيه ابي اعطيه كوع على راسه عشان يعرف يتكلم مع مين مع اسعد عمر قلي <<<<<<==== شراني هااااااادااااااااااااااااااااا |
|
|
|
|
09-11-2003, 04:44 AM
|
#11 | |
|
(*( عضو )*)
|
اجل شوف يا سنجار وش يقول عزوز:
وهي ترتبك وتقعد تبكي بصوت خفيف وتنخاه يقول يومنّي شفتها حرمه وانا ( ارتاح راحة ٍ قشرى مدري ميف هي قايله) المهم قال..... الخ الخ شفت اللي بين القوسين يا سنجار....؟؟؟ بالله اذا فيه مترجم جيبه لنا يترجم لنا.. صراحه ماني فاضي احاول افهم وش كان يقصد.... الثالثه عندك يا سنجار.... ابحث ترى الخرج مليان ايها الزعيم... |
|
|
|
|
10-11-2003, 11:13 AM
|
#12 | |
|
(*( عضو )*)
|
شفق السريع
ابك لا تلومني سنجار كان معي على الماسنجر وهو اللي جابني للعامه لكن انت وسنجار فالحال واحد ومافيها شيء ياشفق انتظر الموضوع الجديد الذي اثبتته الاستخبارات الامريكيه عليك حصريا ً على قناة المرقاب يابو مهنّا |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
