مجالسي العيال ( غزلية )

#1 04-11-2006, 10:42 PM

[CENTER]

بسم الله الرحمن الر حيم

هذة القصيدة لا اعرف من قالها ولاكن كان فية شايب من الجماعه يرويها للناس وهي قصيدة جميلة جداً وغزلية على لون المجالس وتوفي الشايب رحمة الله رحمة واسعه واسم الشايب محسن بن عبيد السيالي العتيبي وكان يطلق على القصيدة ( مجالسي العيال )

ويقصد بالعيال في وقته الشباب اللي كانت تطربهم القصيدة لانها غزلية وكانوا اذا اجتمعوا يبدا بسؤالهم تبون مجالسي العيال ويردون جميعاً بصوت واحد اعطناها وكان رحمة الله جميل الصوت فعلقت في اذهان شباب الامس شيبان اليوم وحصلت على اغلب القصيدة ولاكن يبقى منها شي بسيط

واليكم القصيدة متمني ان تنال اعجابكم :

يالله ياللي مطلع في عبادة
كلاً تغيثة بالمطر في بلادة
وأنك تلهمنا بفرض الشهادة
واجعل لنا في جنة الخلد مسباح

ياقيل من حثه ضميرة وفاحي
يمايحة في خاطرة ما يماحي
من حايزاً في قدمة البرق لاحي
واليا مضى سيلة مع الحزم جراح

احتث قولي من غزالاً لقيته
وانا من ليالي سابقة ما لقيته
فاحت علية المعرفة يوم اريته
فيح الهبايب مع مذري وبراح

واعيوني ابت لا تعذر في شوفها
مثل المزون اللي تلامع بروقها
واركابنا في اعقابها ما يسوقها
يابو نهوداً كنها طلع تفاح

لا واه الا وا ونتي وا هواني
لاكن عيى يستولي زماني
يقلون داخل في دروب الجناني
صكوا علية سد ضبة ومفتاح

لانقدر نزورك ولاشي مناديب
واعوي على لامك كما يعوي الذيب
ماني بكارة مير هاذي مكاتيب
وادموع عيني من على الخد سفاح

سلام يامن شب فينا شبايب
حرقتنا والقلب رايح ذهايب
ما انساك انا لو سد بحرين غايب
صابر على صبر الجفئ والصبر باح

اعد واحسب لك وسميت حالي
وادرى على شيمتك وادرى خيالي
وابيع واشري في جواباً بدالي
انته معي بالصدق والا انت مزاح

ياليت كان الله كفانا مواتاك
والا قديم الوقت ماقد عرفناك
والا يكود الود همك وبلواك
ارب قلبي عقب ما جاة يرتاح

والله لعاهدتك عهوداً عديدة
وكتبت فيك اقوال تملاء الجريدة
يامن نشوف الماء ليأعطاء وريدة
حبك ثمان سنين في القلب ما راح

عاهدتني واسدلت كفك بكفي
واليوم اشوفك بالخيانة مقفي
واين انت رايح يا هوى البال شفي
اودعتك الله عد من جاء ومن راح

وان قالت ماهو صدق لاكن ابرباك
واتوب عن عشرة هذولا وذولاك
كلن يوايد لك وكلن تمناك
وانته تحب مطالعة كل مشباح

ودك تنكفنا وحنى طرف قوم
مدري تمنانا وكثر المنى شوم
وان كان صادق فأنته اجنى كما اليوم
واليا ضويت ازحف عن الصور مرزاح

قعدت ذاك الدور عميان فألبلد
كني مقيد بالسلاسل وبألعمد
والا انتبهت الا بعد ليلة الوعد
وسريت نشطان اتفيح تفياح

واخذت لي مقدار ساعة ورى الصور
ولا حبيبي مطلع كنة النور
ولا يشابه لة يقع محمل الزور
واقبلى عليه يتمرجح تمرجاح

وقلت له يامرحبى عندنا هيل
وقال انا ابشرك ماشي رياجيل
مافية غير اللعب ياليل ياليل
شغل المحبة خير من بيع الارواح

ثم امرقوني في مجالس تبني
جلس قبالي و انجلاء الهم عني
تشدي سويقة يوم عجت بالارواح

والود ياهل الود مراً وحالي
عزمة قليل مساهرات الليالي
الود ما ثنى قرون العيالي
الود للاشراف اهل خيل وارماح

الود ما عيب رجال الاشاريف
العيب للي يندرق لا اقبل الضيف
والعيب للي يندرق فالمواقيف
في مقدم عزاته ليا صاح صياح

وقال وشبك ما تجينا ليا غاب
قال ني انا عن مساريك ما هاب
حطيت امارية على ظبة الباب

قال العذر لله ولك ما استلبيت
الا واماريتك في ضبة البيت
ما عاد ينفع قول يا ليت ياليت
وليا ان ما للعين غير التشباح

واختم كلامي بالنبي والصحابة
اعداد قول الله وما في كتابة
واعداد نواءً يوم يهمل سحابة
واعداد مزناً بارقه فالسماء لاح